22/04 朋友 L 約我哋去深水埗試芋圓糖水 ,
好無問題但食糖水前都要食飯架 !
咁啱比我在飲食男女的視頻上發現了一間以
一個丼九個鮮作賣點的 " 宗像屋 " ,
我見又是深水埗區於是就建議朋友們一齊去試喇 !
唔睇資料都唔知原來沿海的宗像市是盛產海鮮的 ,
所以他們的食材是每天都向褔岡縣北部的宗像市直接攞貨 ,
這樣做是要確保食材的新鮮真是一間好有 heart 的小店 ,
我諗店名都是因這個地方而得名的 ^^
這間新開的日本餐廳環境雖小但坐位都唔算坐得好迫 ,
除了有普通位還附設有吧枱位大約合共有 16 個座位 ,
由於店鋪比較細小所以店方規定要齊人方可入座 ,
而當日去到剛好只剩得三個吧枱位 ,
但我哋唔想坐吧枱位所以寧願等普通位 ,
其實我個人亦不太喜歡坐高枱位的 ,
雖然要等位但朋友 L 話嗅到啲味都幾像樣等下都無妨 ^^
餐廳暫時只簡單供應了四款不同價錢的丼
" 梅 " 有九種海鮮 :
( 吞拿 , 吞拿魚蓉 , 北寄貝 , 帶子 , 甜甘蝦 , 三文魚子 , 烏賊 ,
油甘魚 , 鱲魚 )
" 竹 " 一樣有九種海鮮 :
( 吞拿 , 吞拿魚蓉 , 北寄貝 , 帶子 , 甜甘蝦 , 三文魚子 , 烏賊 ,
油甘魚 , 鱲魚 ( 增量 ) )
" 松 " 就有十種海鮮 :
( 吞拿 , 吞拿魚蓉 , 北寄貝 , 帶子 , 甜甘蝦 , 三文魚子 , 烏賊 ,
油甘魚 , 鱲魚 + 蟹肉 )
" 特上 " 係最豐富共有十一種海鮮之多 :
( 吞拿 , 吞拿魚蓉 , 北寄貝 , 帶子 , 甜甘蝦 , 三文魚子 , 烏賊 ,
油甘魚 , 鱲魚 + 蟹肉 + 海胆 )
我見餐牌上寫咗 4 月原來海鮮丼的魚生是會因應時令而改變
一個丼有咁多不同款式的海鮮已經好吸引 ,
而且還有 3 種不同的食法更加吸引又點可以唔試呢 ?
呢個杯好存熱架 !
攞上手都有少少燙熱的感覺
開餐喇 ! 開餐喇 ! ^^
等位時我見到一個丼的份量都幾大 ,
而且之後還要食糖水於是我就建議三個人叫兩個丼 ,
怎料朋友 L 話全日都只是食咗少少嘢 ,
所以佢一定可以食到一個丼 ,
咁就唯有一人叫一個丼啦 !
原來他們會將煮熟的秋田小町米鋪平 ,
然後再在上面將已切碎的魚生堆到山一樣咁高 ,
三大座山立即活現在眼前喇 ! ^^
每個丼都跟一碟前菜魚生片
但切記一定要留起一片魚生以作茶漬飯之用 ,
新鮮的魚生片加埋胡麻醬汁又幾好食喎 !
朋友 L 的 " 特上 "
比我哋多了一百元就是多了這堆海胆 ,
朋友慷慨地叫我同朋友 M 食海胆 ,
其實我並不是款款海胆都吃到的所以先試少少 ,
Wow............一試就不得了這店的海胆真的是鮮甜無比 ,
這一百大元大家都覺得加得值 ,
如果下次再來我必定要吃這個丼 ^^
我同朋友 M 都一樣要了 " 松 "
之前食過肉餅山今次就食魚生山感覺好得意 ,
食法一 (海鮮丼) : 把 WASABI 放進醬油裏 , 然後搞勻 ,
再慢慢倒進丼內 , 以海鮮丼方式進食
點解有兩塊紫菜嘅 ?
食法二 (自製手卷) : 先用木羹把適量的海鮮飯放在紫裏 ,
以自製手卷進食
嘩 ! 朋友的海胆手卷真是十分之吸引
試完手卷就開始預備整茶漬飯 ,
朋友 M 堆的魚生飯好靚靚呀 !
咦 ! 朋友 L 也堆得不錯重點是去到尾依然有海胆做點綴 "勁"
食法三 (茶漬湯飯) : 吃淨約三分一的丼飯 ,
把最初的魚生片連胡麻醬汁一起放進丼內 ,
然後請店員加湯 , 再加入自己喜歡的調味料 ,
以茶漬湯飯方式進食
我都唔執輸要砌得靚靚哋 ,
Yeah ! 終於搞掂咗都算 ok 啦 !
影番張相留念下先跟住就叫店員幫我加湯了
我哋在等位的時候已經嗅到一陣類似雲吞麵的湯味 ,
但原來他們是用日本鱲魚湯來做茶漬飯的 ,
加了香濃的熱湯後令魚生變成半生熟又是另一番食味 ,
我本身並不喜歡食三文魚子的 ,
但就因為這個茶漬湯飯而令我愛上它 ,
三文魚子 + 鱲魚湯在口腔暴開的感覺真的很微妙很喜歡 ^^
由於我淨飯比較多所以再整多一碗茶漬湯飯先 ,
好吃真的很好吃一個丼竟然有 3 種食法 ,
咁新奇嘅玩意你無理由唔試架 ?
食飽飽就同朋友 L 去了 " 康瑞涼茶 " 吃她想吃的芋圓
" 特式仙草百配 " - 芋圓 , 地瓜圓 , 小丸子
由於朋友 M 對奶會有少少敏感所以就走了忌廉奶 ,
原來無咗奶嘅 " 特式仙草百配 " 在觀感上是咁靚的
我當然試番原味啦 !
第一次食芋圓以價錢計都算 ok 嘅 !
但朋友 L 都講得啱嘅至少唔駛專程去食囉 !
31/01 在 fb 見到朋友食這個看似好好味的韓式鐵板燒 ,
搞到我都心思思好想試 ,
咁啱遇着家庭飯聚當然拉隊來試啦 ! ^^
餐廳的環境比較細小 ,
加上我是冬天去的一入室內大家都要脫外套 ,
如果坐在中間的位置仲慘 ,
因為椅背位只去到腰基本上是掛不到外套的 ,
當然你都可以要求餐廳提供椅子安擺放衣物 ,
只是當天晚飯前我哋去了 shopping ,
所以拎到一袋二袋都唔知點放好 ,
原本我見到隔離有空出的卡位便問店員姐姐可否轉枱 ,
但她回覆唔得因為有人 book 了位 ( 咁無法啦 ! )
幸好後來有位韓國大媽見我哋坐得咁逼咁辛苦 ,
於是自動話幫我哋轉卡位 ( 真的很感謝你呀 ! )
第一次來什麼都不知道於是我哋就揀咗這個精選套餐喇 !
韓國菜必備的前菜好吃
每人還有一細碗湯
" 柚子冰沙 "
" 烤牛肉沙律 "
當食客 order 完之後就會開始開爐 ,
而且仲不時用紅外線探温度計來探測鐵鑊的温度 ,
當鐵鑊到達某一個熱度時店員就會先加油炒雜菜
然後再加埋炒雞肉
原來加完雞肉就會用火槍來燒烤食物 ,
坐在旁邊嘅我哋都可以感受到火光熱烘烘的熱力 ,
燒烤完一輪店員又會將所有材料炒埋一齊 ,
都幾好不用動手又有表演睇只是坐着等吃 ^^
我還另外加了 : 韓式拉麵 , 韓式年糕同芝士等材料
當所有材料炒好後店員會將材料砌成心型 ,
然後再在中間留空了位置用來放既邪惡又美味嘅芝士 ;
及後回家上網再細看先知原來這亦是該餐廳的另一特式
終於有得食喇 !
點解芝士唔撈埋一齊炒 ?
其實芝士溶是俾大家用來釀食物來吃的 ,
不論是拉麵 + 芝士抑或是年糕 + 芝士實在是好吃到不行 ,
喜歡吃芝士的朋友們你又點可以唔試呀 ? ^^
" 一雞二味 "
( 風味之雞 + 炸雞 )
可能當晚大家都不是太肚餓所以食完大大鑊已經好飽 ,
我都唔記得自己有無食炸雞喇 ! ( 最後有人打包咗回家 ^^ )
當晚由於我哋轉過枱所以亦發生了小插曲 ,
本應個精選套餐我哋還揀了 " 宮廷式炒粉絲 " ,
但最後遲遲都未到而韓國大媽見我哋又食到飽飽地 ,
所以她亦好主動話幫我哋取消 order ,
當然個套餐都會減番少少錢啦 !
韓國大媽的一眼關七同細心真係令我好感動 ,
如果大家想試這間餐廳首要是行裝要簡便一點 ,
這樣大家都會坐得舒服啲 ^^
25/01/2016 某個星期六的下午本應想同朋友試這間葡國菜的 ,
可惜他們的 lunch 時段只做到 2:30pm 之後就是下午茶 ,
而我哋當天淨係找那間餐廳的位置都找到 2:00pm ,
所以最後都無得試只去了別店吃拉麵算了 ;
今次因為要出手機終於有機會試喇 ! ^^
這餐廳的環境很不錯很大很寬闊
Menu 同餐碟都好靚
餐前麵包都 ok 嘅 !
" 烤豬耳沙律 "
這個沙律是朋友揀的豬耳沙律感覺都幾特別 ,
沙律來到時驟眼睇錯估了份量以為好少 ,
怎料到進食的時候就食極都還有很多 ,
叫得沙律當然有醋酸味加埋爽脆的豬耳食味很不錯 ,
只是略嫌醃製的洋蔥多了點有點吃不慣 ,
對於不好洋蔥的我感覺有點乸口 >.<
" 招牌炭燒霹靂春雞 "
叫得招牌都算是好吃春雞燒得剛好皮脆肉嫩 ,
加埋特製的醬汁辣辣哋都幾惹味架 !
" 葡式肉腸焗鴨飯 "
個飯比想像中淡味但都隱約食到鴨香味嘅 !
本應好試埋佢哋嘅葡撻但我要留肚食紫薯雪糕無法啦 !
如果再來我一定要試葡式烤乳豬同葡撻 ,
還有還有他們的火焰葡式肉腸同炸馬介休薯球 ,
其實還有其他食物都好想試 ^^
" 紫薯新地筒 "
晚飯後諗住去買手機可惜出了少少問題暫時唔買住 ,
咁就走咗去麥當勞食我好想試嘅紫薯雪糕當飯後甜品 ^^
