27/09 當日下午做完陪客就同朋友係尖沙咀逛咗一陣 ,
之後我醒起另一朋友向我推介的法國百年餅店亦是在尖沙咀 ,
咁我就同朋友講不如去望下啦 ! ^^
其實這餅店是朋友 M 之前去日本遊玩時試過的 ,
剛好某日佢屋企人又想食好味的西餅 , 佢就係咁係網上找到此餅店
雖然簡單既設計但都顯得好有氣派
小冊子內亦簡介了餅店的由來
既然一場嚟到就同朋友們試下佢啲 cake 先 ,
店舖的座位不多我哋都要係門口等咗一陣先有一張二人既梳化位 ,
雖然我哋有三個人都照迫坐住先啦 !
及後隔離枱走咗店員都俾埋張二人枱我哋咁就可以坐得舒服啲 ( 抵讚 ! ^^ )
我哋既 Cake Set 到喇 !
其實呢度我哋都有少少不滿架 !
因為下午飲茶實在太飽所以我哋無諗住要 Afternoon Tea Set ,
只想每人叫一款飲品再加三件蛋糕來試一下 ,
怎料店舖規定顧客一定惠顧一個 Set 然後先可以再散叫其他食物 ,
咁迫於無奈每人都要咗一個 Cake Set ( 其實我都知朋友都有些不滿 )
Cake Set : 飲品 + 1件蛋糕 + 1粒朱古力 或 1件Macaron ,
我知蛋糕好味只想試下蛋糕啫 ! ( 但就要迫我試埋我唔想試既嘢 >.< )
1. EXOTIQUE : Coconut crisp, passion fruit mousse, pineapple jelly
層次感豐富又好味 , 雖然蛋糕價錢有點貴但亦比一般 size 較為大件
2. CHOCOLIC : Biscuit brownies, 70% chocolate mousse,
Tonka vanilla cream, flourless sponge
呢件朱古力夠朱又好味個 mousse 又做得滑個人最愛是 brownies 部份 ,
但如果要整件食晒個人會略嫌甜了點 ( 因為今次只食了三分之一都已經好甜 )
3. RELIGIEUSE CAFE : Choux patisseries, coffee cream, coffee glaze
咖啡味我一定會首選試的 , 咖啡味既忌廉都算夠味我自己就覺得 ok 喇 !
店員姐姐仲話如果雪得夠凍會似食雪糕添 !
海鹽焦糖朱古力 , Raspberry朱古力 ( 中間果粒已經唔記得咗係咩 ! )
我自己揀既海鹽焦糖朱古力個味一般啦 !
但朱古力外瞉略嫌厚了點 ( 個人覺得只賣回蛋糕會較好 )
今次我要了 Earl Grey Tea 但茶味比一般飲開的較為淡 ,
而朋友的 Darjeeling 茶味較濃個人感覺好似飲普洱茶 ,
反而我會鐘意這個 Darjeeling 多啲 !
特別一提有靚靚既茶具 High Tea 都會開心啲 ^^
