11月1日約了朋友食生日晚飯 , 係千挑萬選中最終揀了此上海菜館 ,
其實在此之前我都有幸試過這位老師傅的廚藝 ,
今次已經是第二次但地點就轉了 , 我反而覺得轉咗地點後較為方便 ,
當晚的菜式是大廚幫我定的 , 所以除咗燉湯外我都不知有什麼餸菜 ;
一去到菜館老師傅就出來同我地打招呼 ,
然後又返回廚房為我地準備上菜 , 好期待呀 ! ^.^
"海蜇頭"
有我至愛的 "烤麩" 好入味但又不會太鹹 "正"
"凍蝦" 配埋嗰醬汁好好味 , 我都是第一次食到咁美味的凍蝦 ^^
靚湯出場 "花膠燉螺頭" 湯既用料好充足 , 清清甜甜總之就係超 "正"
"薑蔥豆醬雞" 雞肉好嫩滑好食 (此道菜師傅話用咗約一個半小時來處理的)
"清炒豆苗" 這是我喜歡的蔬菜 ^.^
原來師傅還為我地預備了一條石斑仔 , 真係好朋友是一個好魚之人 ,
條魚蒸得剛剛好魚肉又脆, 又嫩, 又滑 , 連甚少吃魚的我都吃不停口
"豆沙鍋餅" 師傅忘了為我預備 "桂花冬瓜" , 唔緊要下次再來試過 ^.^
係我要求下師傅又為我地煮了兩碗 "蛋白酒釀丸子" , 呢個好好食超愛 ^^
好多謝師傅為我地精心預備了一頓豐富而美味的晚餐 ,
及後師傅還出來同我地傾談了一會 ,
從對話中我知道這位師傅是一位用心做菜的人 ,
對食物的要求程度好高堅持以最好的給客人 ,
這種飲食精神我諗都是每一位食客想要的
