27/08 對上一次是同朋友來這裡食 Brunch Buffet 慶祝生日 ,
而今次就是輪到朋友同我來吃晚餐慶祝生日 ^^
剛好在網上見到 Sabatini 現在做緊 " 仲夏精選晚餐 "
同 "意式經典晚餐 " 等兩款套餐 ,
而且價錢都算 ok 所以今次其中的一餐生日飯我就揀了這裡 ,
當晚我哋就一次過試晒兩款套餐 ^^
其實我自己都好鐘意這間意大利餐廳優雅的環境 ,
還有就是他們優質而貼心的服務真係令人好享受
餐前麵包我揀了這兩款
試完三款醬我自己比較鐘意綠色的那一款
仲夏精選晚餐 - " 羅馬式雜錦頭盤 "
(Parma Ham with Melon, Tomato & Mozzarella Cheese,
Smoked Salmon & Rocket Salad,
Roasted Seasonal Vegetables Salad )
精緻的頭盤令人目不暇給
意式經典晚餐 - " 生牛肉薄片配火箭菜 - 黑松露及芝士片 "
用不同的食材配搭出精美的頭盤 ,
而且還用了黑松露令菜式變得特別矜貴 ,
雖然我唔多食牛肉但都試了兩小件 ,
好多謝朋友食埋餘下的牛肉 ^^
仲夏精選晚餐 - " 豬面肉 , 有機蛋黃汁卡邦尼意粉 "
見網上有介紹這款意粉就不防一試 ,
但當晚的蛋汁好似熟咗少少而且個汁都有啲乾 ,
所以感覺一般啦 !
意式經典晚餐 - " 自家製蛋幼麵 , 火腿 , 羊肚菌 , 青豆忌廉汁 "
這個自家製蛋幼麵我個人覺得是必吃推介 ,
麵的質感造得很不錯而且個忌廉汁又掛得剛剛好 ,
有機會去吃晚餐的人一定要試一試這個麵 ^^
仲夏精選晚餐 - " 傳統意式烤羊排 "
餐廳出名的炭烤羊架店員都有介紹又點可以唔試呢 ?
我要的五成熟呀 !
肉質真係做到好粉紅好鮮嫩 yum ! yum !
也難怪這道菜式是其招牌菜之一 ^^
" 傳統意式煎煮波士頓龍蝦 "
這道菜式原來是由創立人 Francesco Sabatini 先生所創製的 ,
咁又點會有不試的理由呢 ?
波士頓龍蝦一上枱已經香氣撲鼻 ,
原來龍蝦還伴有意大利飯真係又精彩又美味 ^^
是木製甜品車的出場時間喇 !
當晚餐完結後店員就會推出甜品車在食客面前 ,
然後再逐一作詳細的介紹給食客選擇 ,
其實我同朋友一早就已經有了心水之選 ^^
這就是美味的 St. Honore cake 當然是必吃之選 ^^
最後以餐茶同 " Italian petit Fours " 作結 ,
好多謝朋友給我這個既精彩又美味的飯局 ,
令我過了難忘的一夜 ^^
