20/02/2016 早幾年好多謝某朋友話帶我去食好嘢 ,
於是就係咁便認識了一位煮得一手好菜的袁伯伯 ,
由西環到旺角什或至現在的觀塘我都有幸到訪過 ^^
袁伯伯暫別了旺角一段時間現在在觀塘繼續他美味的私房菜 ,
所以今年朋友就約了一班人去食開年飯 ,
我當然是其中一份子啦 !
" 醉雞 "
其實多數食袁伯伯的私房菜都是由朋友搞的 ,
所以菜式當然由同袁伯伯相熟的朋友決定 ,
醉雞次次都有食酒香肉滑真的很好吃 ^^
" 烤麩 "
自從試過袁伯伯的烤麩後一食便愛上 ,
暫時我在別的地方也吃不到這樣好味的烤麩 ,
所以今次我都有指明想食這個餸 yum ! yum ! ^^
" 青瓜伴海蜇 "
" 干燒大蝦 "
超大隻的大蝦加埋野味的干燒蝦汁真係超 "正" ,
一食到這個餸個個人都想用白飯來撈汁 ,
可惜當晚沒有白飯提供只有臨尾的炒飯 ,
所以朋友只有將個汁帶回家做撈麵
" 豆苗鮮帶子 "
" 花膠燉鮑魚 "
個湯好足料好好飲每人都有一隻鮑魚仔 ^^
" 士多啤梨 BB 骨 "
雖然是新菜式但我自己就覺得一般
" 花菇扒津白 "
" 清蒸海魚 "
今次的蒸魚有少少過火 ,
其實蒸魚都是伯伯的拿手菜之一 ,
但當晚只得伯伯一個人在廚房裡做菜 ,
可能要兼顧啲嘢比較多所以有少少失準 ( 我都明嘅 ! )
" 炒飯 "
" 豆沙窩餅 "
當晚的豆沙窩餅超級的好吃 ,
餅皮脆而不油豆沙又唔會好甜 ,
所以我哋前前後後已經消滅了 3 碟 ^^
這餐飯聚後我先知道原來伯伯已經半年沒有煮東西了 ,
可能就是這個原因當晚的確有少少失了水準
---------------------------------------------------------------------------
18/03/2016 之前朋友見我在 fb 推介袁伯伯的私房菜已經話想試 ,
可惜我哋的飯局一約便約了年幾兩年 ,
首先當然是要大家可以夾到時間比個日子出來 ,
但當我哋想夾時間袁伯伯又已經沒有在旺角做了 ,
今年得知他的落腳點當然第一時間通知朋友們啦 !
第一次搞飯局好緊張呀 ! ( 因為驚安排得唔好 ^^ )
而另一主要是第一次正正式式咁同袁伯伯定菜單 ,
先將我之前吃過袁伯伯的菜式照片 send 給朋友揀 ,
朋友們選擇好以後便跟袁伯伯訂位傾菜式傾價錢 ,
最終得出了此菜單 yeah !
這班朋友比較好杯中物 ,
所以都帶備了汽酒 , 白酒 , 紅酒及砵酒 ,
Wow...............未試過一餐晚飯可以飲到咁多款酒 ^^
多謝酒友們的安排
" 青瓜伴海蜇 "
個人感覺今次的海蜇較上次的好吃
" 醉雞 "
這道餸不用說個個都讚好食
" 烤麩 "
這個亦是其中一道叫好的菜式 ,
只是今次的烤麩略嫌少了一點 ^^
" 肉凍 "
" 干燒大蝦 "
拿手好菜一定要試朋友們者都讚好 ,
幸好一早已經與負責人溝通過希望可以安排白飯俾我哋 ,
因為呢個汁用來撈飯真是一流 ( 白飯 $10.00 一個 ) ,
負責人見我哋對個汁好似好有興趣 ,
於是特意叫袁伯伯煮多一杯汁給我們帶走
" 麻醬鮑魚 "
這道菜式是袁伯伯建議給我的 ,
他說個麻醬是自己配製的不是一般麻醬 ( 好又試吓新嘢先 )
個醬除了有好香的芝麻味原來還有花生味都幾好食喎 !
" 豬肚燉雞 "
這個湯朋友們指定要試我當然無反對啦 !
雖然我已經食過一次但都想再有機會 encore 的 ,
當晚個個人都好欣賞呢個湯 ,
緊係啦 ! 伯伯用足心機同材料去燉架 !
伯伯仲話飲完個胡椒豬肚雞湯個人會暖啲 ,
除咗個湯好飲之外豬肚亦十分之腍滑
" 紅燒元蹄 "
朋友 M 指定要試這個餸 ( 因為她想偷師 ^^ )
每一道餸負責人都會讓我哋手機先食 ,
手機食完到袁伯伯為我哋剪綵 yeah !
" 清蒸海斑 "
當晚個個都讚海斑好鮮甜好好吃
" 雲腿津白 "
" 冬瓜茸 "
朋友們好期待試的甜品 ,
食完之後個個都讚好清甜好好吃 ( 這個甜品在外邊是吃不到的 )
" 豆沙窩餅 "
袁伯伯拿手的豆沙窩餅當然好吃啦 ! yum ! yum ! ^^
10年的葡萄牙砵酒 + 黑朱古力橙條 + 72%黑朱古力
某年酒展朋友 M 買了都未有機會開 ,
今次飯局就是最好的時機開給我們品嚐這美酒 ,
朋友 M 話記得好似應該用黑朱古力來配砵酒 ,
於是我便去 Jean-Paul Hevin 買來兩款不同口味的黑朱古力來送酒 ,
原來黑朱古力橙條同呢枝砵酒都好夾架 !
袁伯伯已經八十幾歲還能煮出這樣的菜式實在難得 ,
我知某些朋友或會再來品嚐袁伯伯的手勢 ,
我都希望可以再吃袁伯伯的私房菜 ^^
