27/08 有過去的星期六一早已經約咗朋友食晚飯 ,
但下午放工做乜好呢 ?
朋友提議去搭電車捉精靈兼遊叮叮河 ,
都好咁大個女電車有搭過但遊叮叮河就未試過 ;
咁放工第一時緊係去堅尼地城醫肚先
在 openrice 找來了 "LEX Coffee" 感覺好似不錯 ,
所以就同朋友來這裡試一試先 ^^
餐廳的環境都算大而且仲好舒服添 !
朋友的 " Honey Lime "
除了隻杯靚朋友仲話杯飲品都幾好飲 ( 不過佢話自己都整到 ^^ )
" LEX Drink ( Venchi ) "
LEX Drink 本來有 coffee 同 Venchi 嘅選擇 ,
我好似想試 coffee 點解來咗杯 Venchi 嘅 ?
這款飲品的特式是先將飲品雪成一大舊冰 ,
然後加杯熱奶朱古力冰就會徐徐地溶化了 ,
但這種飲法不但沒有令飲品變淡 ,
反而飲到濃濃的朱古力真的微妙到不可形容
加少少橙皮又是另一個層次
其實我已深深愛上呢杯朱古力 ,
但如果再來我都會試埋佢嗰 coffee
" Mango Crab Meat Salad "
這個蟹肉沙律雖然簡單但都好好味 yum ! yum !
" Prawn Capellini with Lobster Sauce "
這款意粉係幾吸引所以便叫來一試 ,
兩隻蝦真係好大隻而且仲爽口彈牙添 !
意粉個龍蝦汁都好好味 ,
但可惜個意粉勁腍身兼且好乾如果改良一下就好喇 !
朋友真係好鐘意呢杯飲品已經是第二杯了 ,
咦 ! 今次個杯又唔同咗款都幾靚喎 !
" Waffles - Venchi Chocolate Banana "
見到佢有 Waffles 我一定會叫 ,
但個 Waffles 又唔熱 , 又唔脆口 , 又無蛋香味 ,
仲有佢個 Waffles 一件會分開兩邊嘅 ?
食咁耐 Waffles 都係第一次係咁咋 !
呢個甜品只有個朱古力醬同香蕉是好吃 的 ;
這店的飲品都算有啲特色而且仲好好飲 ,
但食品方面就有待改進喇 !
---------------------------------------------------------------------------
其實現在的天氣都仲有點熱 ,
要搭無冷氣嘅電車去捉精靈都真係幾辛苦架 !
雖然行車時都有陣陣的涼風吹來 ,
但最終都不能捱畢全程 ,
我哋諗住搵個地方坐低飲杯嘢休息一下 ,
所以最後去到太古落了車 ,
在下車處一望對面馬路就見到呢間 "秋櫻屋" ,
第一眼已經有好感於是同朋友講不如就去呢間啦 !
嗰餐牌都幾靚喎 !
" 香蕉班戟 (配雪糕 , 果仁鹽味焦糖) "
雖然臨近食晚餐但見到佢班戟幅圖就好想食 ^^
於是就叫了一客同朋友 share ,
嘩 ! 這個班戟真係超好食好有蛋香味 ,
好有再來的衝動 ^^
" 芒果香橙沙冰 "
估唔到隨便點都找到一間不錯的餐廳 ,
唔知其他美食又會如何呢 ?
