09/06 曾經路過銅鑼灣見到此店已經好想試 ,
當晚睇的戲是 " 深夜食堂 " 咁緊係要食日本嘢啦 !
所以今次就揀了沖繩著名的居酒屋 " 目利之銀次 "
在等朋友期間無聊拍下照先 ^^
" 明太子煎蛋卷 "
我覺得都 ok 嘅但朋友 L 就嫌唔多夠鮮味
" 北海道原隻帆立貝牛油燒 "
呢個帆立貝牛油燒賣相就相當靚仔 ,
但一樣被朋友 L 嫌唔夠鮮味囉 !
" 海膽汁燒蠔 "
這款好似是餐廳的招牌菜個人覺得 ok ,
但又唔算係特別好食果種
" 北海道產喜之次一夜干 "
曾經聽人講過話喜之次好食一直都好想試 ,
但我知如果要食一條新鮮的都會幾貴 ,
這餐廳竟然有 " 喜之次一夜干 " 咁就試下啦 !
況且當晚都沒有新鮮的喜之次 ,
當我哋落 order 時店員姐姐便順帶一提因一夜干即是醃製過一晚的 ,
所以味道可能會有點鹹她還問我哋 ok 嗎 ? ( 又即管一試啦 ! )
都唔算好鹹我覺得都 ok 唔錯希望有機會試新鮮的就好了 ^^
" 炭火燒拼盤 6 串 "
( 免治雞肉串 , 燒醃春蛋 , 煙肉車厘茄 , 雞軟骨 , 燒豚肉 , 雞中翼 )
我最鐘意食免治雞肉串啖啖肉好味呀 !
還有最佳配搭煙肉車厘茄都 ok , 而另一款最鐘意就是燒豚肉 ,
因為是由一片豚肉卷住菇來燒的十分 juicy 美味
" 燒洋蔥 "
雖然朋友 M 常同講食洋蔥好但我始終不好這個 ,
這亦是朋友們 order 的
" 特選刺身拼盤 2-4 人用 "
( 帶子 , 油甘魚 , 三文魚 , 鯛魚 , 貝肉 )
朋友 L 認為全間最好食就是這盤刺身因為夠鮮味 ,
其實這裡的刺身都算是不錯夠厚切之餘亦十分之鮮味 ,
我哋好無聊當刺身魚每樣食剩一件時有朋友建議差包剪揼 ,
目的是用輸贏來決定大家食邊件魚刺身都幾得意嘅 !
最後我贏咗食咗朋友 L 鐘意食的那件魚刺身 ( 唔好意思呀 ! ^^ )
" 蒸紅豆餅 "
見網人人都推介這個紅豆餅又點可以唔試呢 ?
米糕很煙韌配埋紅豆一齊食好美味呀 !
食飽飽就去睇戲喇 ! ( 有人飯氣攻心呀..................^^ )
