13/03 之前聽朋友講話荃灣有間韓國餐廳嘅部隊鍋幾好食 ,
於是緊係約埋朋友一齊去試啦 !
" 涼拌蕨菜 , 泡菜炒蓮藕 , 涼拌菠菜 " 自選的三色前菜
必有的泡菜酸酸辣辣好好味呀 ! yummy ! yummy !
Hoho...................兩個人食呢個 " 部隊鍋 "都真係幾壯觀架 !
除了有四款前菜還有 " 泡菜餃子 " 同 " 芝士麵 "
其實還有粉絲 ( 另加 $5 可換手打烏冬 ) 可供選擇 ,
但食部隊鍋個人感覺都係配麵食好啲 , 加埋芝士仲更加 " 正 "
" 司華力腸 , 美國香腸 , 午餐肉 , 年糕 , 金針菇 , 洋蔥 ,
翠玉瓜 , 豆腐 , 焗豆 , 魚片等搭配泡菜辛辣湯底 "
其實湯底還有 " 豬骨湯底 " 的但我哋食得辣咁緊係要泡菜湯底啦 !
呢個部隊鍋嘅配料好啱我口味呀 ! ( 其實都唔係好辣啫 ! ^3^ )
食火鍋緊係要飲凍飲 " 凍柚子蜜 " 立即舒服晒 ! ^^
當配料食得七七八八時就加埋個麵
朋友仲敎我等個麵煮好臨食時才加芝士 ,
咁樣做到食嘅時候就可以食到溶溶的芝士剛剛好包住啲麵 ,
我都是第一次咁樣食芝士麵感覺超 " 正 " ^3^
" 蘋果金寶 " , " 看不見的味道 "
食飽飽朋友問我仲要唔要食甜品 ,
於是我帶朋友去城市中心一期試新開業不久的 "Lab Made分子雪糕專門店" ,
這裡有數個座位可供堂食地方雖少但都好過無座位吖 !
當日的四款雪糕味道中朋友對 " 蘋果金寶 " 比較有興趣 ,
而我呢在無咩選擇下就試咗 " 看不見的味道 " ,
原來這款雪糕是Lab Made聯同社會企業Dialogue Experience對話
體驗黑暗中對話的推廣活動 ( 現推廣期已完結 )
這款雪糕系列特別之處雖有 4 款唔同口味的雪糕/乳酪 ,
但顏色就只有黑色而味道則是機的不能自選 ,
我同朋友一邊食一邊估最後我哋估係 " 提子乳酪味 " ( 不過沒有最終的答案 ^^ )
---------------------------------------------------------------------------------------------------------
02/04 約埋屋企人提前同媽咪食生日飯 ,
上次去完韓正屋覺得都唔錯所以就推介比屋企人試 ,
正唔正中我唔識分但最緊要好味 ^^
今次我哋五個人 order 咗一個 "二人套餐" 同 "部隊火鍋"
二人餐 : " 鐵板燒牛仔骨 "
見個牛仔骨好似好靚仔我又破戒喇 !
果然超好食不枉我破戒 ( 不過我都係食咗一小件咋 ! ^3^ )
二人餐 : " 海鮮純豆腐湯 "
呢個湯感覺同部隊鍋個湯差唔多最終由媽咪一人包辦
二人餐 : " 石頭傳統雜錦牛肉飯 " ( 其實還有豬同雞可選擇的 )
" 韓式泡菜 + 涼拌牙菜 " 二人餐的自選二色前菜
" 韓式炒年糕 "
" 泡菜炒蓮藕 + 涼拌牙菜 + 涼拌蕨菜 "
又是部隊鍋的自選三色前菜
部隊火鍋 : " 韓式泡菜 "
" 芝士麵 " 人多咗都唔記得加麵添 !
" 泡菜餃子 " 剛好每人一隻
在部隊鍋中我最鐘意食的就是司華力腸同午餐肉 ,
你哋睇塊午餐肉幾厚 , 雖然平時對午餐肉不是太特別喜好 ,
但唔知點解到食部隊鍋時見到咁厚嘅午餐肉又覺得好吸引 ^^
" 凍柚子蜜 "
我用番上次朋友敎我的做法整比屋企人食個個都話 " 正 " ^3^
食飽飽之後又行咗去食 " 松記糖水 " 食甜品 yeah !
" 哈囉 "
" 榴槤班戟 "
這間的榴槤班戟忌廉多過榴槤餡所以比較一般
" SUMMER "
" 榴槤奶凍 "
既然是新出又是榴槤咁緊係要試埋佢啦 !
這個奶凍比起班戟好食得多好滿足呀 !
食呢個甜品時突然係腦海閃過 " The Market " 嘅榴槤甜品真的十分回味 ^^
" 豆腐味綿綿冰 + 爆珠 ( 乳酸 ) + 朱古力汁 "
" 朱古力味綿綿冰 + 爆珠 ( 乳酸 ) + 焦糖 "
第一次食爆珠唔知係乳酸仲以為變咗所以酸酸地 ( 真係笑死人 ^^ )
