Discovery Bay@ZAKS

下午去完北商場晚間便回碼頭食晚飯 ,

今次揀了 "ZAKS" 這餐廳都幾大一共分兩層 ,

由於無訂位所以外籍侍應就示意我地上二樓






朋友介紹的德國啤 ( 如果我無記錯好似係 ^^ )

雪凍了的酒杯加埋冰凍的啤酒真是透心涼



"椒鹽魷魚" 本應都算是送酒的好配搭 ,

可惜無咩魷魚味只屬一般



"白酒大蜆扁意粉"

我同朋友二人從來無諗過白酒大蜆意粉會是 "辣" 的 ,

我當然無問題啦 ! 反而仲覺得好惹味添 !

朋友就慘少少好彩佢都食到 ,

我地最大的驚訝就是意粉全都是碎的 ,

從電視上得知原來西班牙人食意粉是先切碎然後用匙羹食的 ,

唔通我地遇上西班牙籍的大廚 ^^



在咁偏遠既地方我都可以敗家 ^.<

愉景北商場 - AUBERGE Discovery Bay HK & 海濱白教堂

本應生日時已經好想同朋友來這地方 ,

好可惜當時大家都不太識路 ,

而且見時間又晏所以就無去到 ;

終於再約朋友繼續未完的 "愉景北商場" 行程 ,

今次我們還在 "AUBERGE Discovery Bay HK" 嘆 Afternoon Tea ,

原來 “海玥餐廳” 同 "The Bounty Bar" 是慣通的








( 相片借用朋友M )



我較鐘意後者所以就揀了在這裡 Afternoon Tea ^^




我地既 Tea Set 到咗嗱 !


( 相片借用朋友 M )

Scottish Smoked Salmon in Mini Bun , Club Sandwich

三文治都算 ok 不過不失


( 相片借用朋友 M )

Beef Slider, Crispy Fried Crab Cake/Spicy Friuty Salsa,
Chicken Satay/Peanut Dressing

呢層最好味就係蟹餅 , 可惜餅仔細細仲要一開二 >.<


( 相片借用朋友 M )

Homemade Apricot Scones/Fruit Jam/Clotted Cream


( 相片借用朋友 M )

Daily Mini Cheesecakes/Mini Creme Brulee

芝士蛋糕一般啦 ! 反而焦糖燉蛋就有少少驚喜 "正"



我試了“玫瑰洛神花茶”

酸酸地都幾得意幾好飲 , 但玫瑰味就無咩 !

番睇網上資料才知酒店是今年4月才開業的  ( 原來咁新架 ! ) 



"海濱白教堂" 這座教堂是附屬於愉景灣酒店的 ,

原來揭幕不足一年  ( 揭幕日期 : 2012年12月12日 )

教堂好簡潔好有外國的色彩我好鐘意呀 !

當日剛好有人租了這場地來舉行婚禮 ,

而教堂又是由多面落地玻璃組成 ,

所以在教堂內進行錄影時會影到玻璃外的路人 ,

因此婚禮進行期間在外的大部份地方都要進行封場 ,

好彩當日還有半小時的空檔開放給遊人拍照 ^^


( 相片借用朋友 M )

朋友影到我最想影的馬車 , 但點解當日是黑馬既 >.<

 

這裡景色怡人又好寧靜真的好舒服 , 所以越來越喜歡這個地方 ^^

當日的遺憾是影不到 "The Bounty"

原來這是唯一一艘會長駐香港的歐洲高桅仿古帆船 ,

咦 ! 咁咪仲有機會影囉 ! ^^