29/11 終於去咗葵芳試了近期潮興嘅蛋黃哥食店 ,
當日一開舖無耐我哋就去食 lunch ,
人流不算多雖然望入餐廳已經坐滿了食客 ,
幸好都不用等位就可以入座了 Yeah !
見有人路過門口就算唔入去食都會在門口不停拍照 ,
又係幾可愛嘅入餐廳前影番張相先 ^^
每張椅子都會套上梳乎蛋 hea 樣廚師造型的椅套 ,
嘩 ! 你千奇唔好 hea 煮呀 ! ^^
在餐廳內隨處都可以見到梳乎蛋不同造型的 hea 樣 ,
佢仲 hea 到係度浸咖喱浴添 !
你睇佢 hea 到要客人自己落單呀 !
見隔離枱無人再影埋你另一個 hea 樣先
每張枱至少都有一隻公仔係度
都係見隔離枱無人借來影一影先 ,
你似攞住張被仔多過似攞住塊煙肉喎 !
餐牌一樣都好靚仔架 !
食物種類雖然並不多但都 ok 嘅 !
甜品同特飲都好似幾吸引 ,
已經有人話一陣飯後要食甜品喇 !
現凡惠顧該餐廳即可以 $48.00 換購梳乎蛋造型水杯一隻
連墊枱紙都靚過人一定要拍照留念
呢個造型冬天好啱用 , 但今年的冬天似乎........................
至於呢款造型我諗每朝都有好多人會係咁 ^^
瞓住食其實都好辛苦我唔會囉 !
" 流心芝士玉子飯 ( 每日限量供應 ) "
呢款流心芝士蛋只得葵芳店先有得供應 ,
原來仲要係每日限量供應緊係要試下啦 ! ( 真係流心架 ! ^^ )
流心芝士蛋都唔錯幾好食 ,
但個醬汁個人就覺得麻麻地 ,
可能我比較鐘意有辣味嘅咖喱汁多啲 ^^
" 奄列吉列豬扒咖喱飯 "
估唔到這店的吉列豬扒都幾好食 ,
加埋我鐘意的奄列同咖喱汁簡直係完美的配搭 yum ! yum !
" 天婦羅咖喱烏冬 "
呢個簡直係咖喱湯烏冬啦 !
不過佢嘅天婦羅做得比想像中 ok ,
而温泉蛋竟然無人吼咁就益咗我喇 ! ^^
" 士多啤梨特飲 "
特飲正價要 $55.00 如果跟餐就變成 $35.00 ,
我見佢個賣相都幾靚仔所以便 order 來一試 ,
其實我都係博一博好彩佢唔只賣相好而且仲好好飲添 !
連杯墊都靚過人所以一定要影番張相留念 ^^
" 朱古力特飲 "
小妹妹們一定會揀朱古力特飲不過又幾 "朱" 喎 !
唯一可惜的是裝飾用的 oreo 同朱古力條已經淋晒身 >.<
每杯飲品的杯墊都唔同架 !
原先有人諗住要食甜品 ,
但最終大家都食得好飽實在無位放甜品喇 !
食飽飽就同兩位小妹妹逛唱片舖 ,
之後就去咗睇戲其實我只是陪客 ,
因為我一集都未睇過 , 一睇就已經是終極篇真是利害 ^^
當晚的晚餐我哋去試了 " Passion by Gerard Dubois " ,
這餐廳是由瑞士的糕餅師 Gerard Dubois 開設的分店之一 ,
其實已經想試佢嘅甜品好耐但一直都無機會 ,
今次終於有機會緊係要試下啦 !
餐廳環境比較細小幸好早到一步不用等位 ^^
" Californian Pasts Salad , Royal Potato Salad , Creamy Chicken Salad "
沙律是分大同細兩個 size , 細的揀三款食物而大的則可揀四款食物 ,
當晚我哋只要咗細 size 沙律款式今次是由小妹妹揀的 ,
三款沙律的味道都很不錯
" Quiche Lorraine Slice "
當我見到蛋批就會立即雙眼發光 ,
而且佢仲咁靚仔一定要試 ( 果然好味喎 ! ^^ )
" Slow Cooked Beef "
小小的店舖竟然有慢煮的菜式 ,
小妹妹一見到餐牌就話要試這個主菜 ,
佢當然唔知乜嘢叫慢煮啦 ! ^^
我試咗少少牛但如果話是慢煮我就會覺得佢有點硬 ,
不過個醬汁就調敎得幾好味 ,
反而小妹妹們就好欣賞這個慢煮牛話好好吃
見有咁大隻 croissant 緊係要試埋佢啦 !
個包都夠鬆脆不過略欠牛油味 ,
最後大家又係飽到食唔到甜品 ,
當日真失敗兩餐都試唔到甜品 T-T
