21/12/2013 好多謝朋友的邀請可再嚐到袁伯伯的精美小菜 ,
鐘意食袁伯伯做的菜式是因為他每一道菜都是用心機去煮 ,
之前曾經同伯伯傾談過他是每日親自到街市買餸的 ,
所以用料充足又夠新鮮 "正" ! "正" ! "正" !
廚師用心的煮食客食得開心就是廚師的最大滿足我是這樣想的 ^^
我的特飲靚嗎 ?
有朋友帶了白酒來 ^^
" 麻醬粉皮 "
" 涼伴蘿蔔絲海蜇 "
" 素鵝 " 是我的最愛 , 還有這裡的素鵝是飽滿而美味直情大愛 ^3^
另一朋友的特飲
" 醉雞 " 亦是非常好味的
生日朋友的特飲
" 醬燒蝦碌 "
大大隻蝦碌爽口又彈牙 , 如果用個醬汁用來送飯更是一流
呢個好似叫 " 醬爆三丁 " 雖然唔係好知咩丁加咩丁但就好好味 ^^
" 燉豬肚雞湯 "
我都是第一次見用一個豬肚來釀一隻雞 ,
嘩 ! 真係小 d 功力都唔得我自己就好欣賞這個湯 " 超正 "
" 紅燒元蹄 "
老實講我咁大個女都無諗過可以食到咁大隻元蹄 ,
今次真係好多謝朋友可以令我有機會品嚐這美味的菜式 ,
入口即溶完全沒有肥膩的感覺 ^^
呢條魚都算是我食過最大的一條魚 , 真係肥大肉厚不是說笑的 ,
其實咁大條魚要整得啱啱好又唔會過熟是比較困難的 ,
今次我地好好彩可以食到咁肥美而滑的魚
食完咁豐富咁精彩既菜式最尾來番個菜先
甜品是 " 桂花香蕉羮 "
第一次食這款甜品感覺都幾清甜 ok 啦 !
其實今次的晚飯是沒餐單的所有菜式都是由大廚話事 ,
本應只諗住是普通的飯聚後來卻搞到好似人地做 " 冬至 " 咁 ,
當晚全場的食客都食得好開心真係多謝 "袁伯伯" 精心為我地
預備這頓豐富而美味的晚餐 ^.^
