24/03 之前如果想食日式放題通常都要出旺角或尖沙咀 ,
但現在觀塘 OPC 就有兩間日式料理店都有放題食喇 !
兩間我都有試過自己就比較鐘意 "御前大江戶日式料理" ,
所以偏心點就寫佢先啦 ! ^^
當晚同朋友先去九龍灣攞保温壺 ,
然後再到這裡等八點半的放題時段
場內環境好有居酒屋 feel
原來餐廳提供了有機山葵但就要食客自己磨喇 !
唔該晒朋友做示範給我拍照 ^^
" 三文魚 , 天然赤身 , 深海鱸魚 , 油甘魚 , 象拔蚌 , 北寄貝 ,
響螺片 , 希靈魚 , 北海道帶子 , 玉子 "
通常吃日式放題都會先劃來一大盤刺身拼盤 ,
這店的刺身質數都算是不錯夠新鮮
" 燒有機菠蘿 "
" 軟殼蟹手卷 + 海膽手卷 "
我諗如果我無寫大家應該睇唔出係咩嘢手卷 ,
所以食放題我會比較少食手卷 ,
今次都是見朋友食自己就貪得意食一個
" 鹽燒海蝦 " 都算幾大隻
" 鹽燒多春魚 "
" 胡麻冷豆腐 "
" 日本海草青瓜沙律伴柚子汁 "
" 枝豆 "
" 鹽燒冬菇 "
" 鹽燒牛舌 "
" 紫心香芋丸 , 芝士年糕 , 酥炸魷魚圈 , 日本吉列蠔 ,
大江戶芝麻雞翼 "
嗱 ! 嗱 ! 嗱 ! 炸物是我的愛好所以一定要點 ,
在這店我特別鐘意吃 "紫心香芋丸" 同 "芝士年糕"
" 廣島焗蠔 "
" 大江戶燒羊鞍 "
" 象拔蚌 , 響螺片 , 希靈魚 , 北海道帶子 , 三文魚 , 油甘魚 "
食完一大盤還味夠喉於是再來一少碗先 ^^
食放題我亦是比較少會吃壽司的 ,
當晚就同朋友試了 " 柚子胡椒鱸魚壽司 " ,
另外朋友還試了刺身蝦壽司但我已經記得叫乜名 ^^
" 蒜片牛柳粒 "
" 燒日本蕃薯仔 "
這個甜甜的日本蕃薯仔亦是我的至愛 ^^
" 鐵板燒帆立貝 "
呢個帆立貝都唔錯幾好食 yum ! yum !
" 日本南瓜天婦羅 , 日本毛茄天婦羅 , 有機蕃薯天婦羅 , 天婦羅蝦 "
吃日本料理又怎可以唔食天婦羅呢 ?
第一次食毛茄 (即是秋葵或六角豆) 口感有啲黏滑不是我杯茶 ;
及後回家上網查看才知原來毛茄煮熟後豆莢會流出黏滑的液體 ,
這些汁液是含水溶性纖維果膠 , 半乳聚糖以及阿拉伯樹膠 ,
所以營養價值十分之豐富 ,
而且還可以降血壓 , 幫助消化 , 對預防大腸癌也很有幫助的 ,
基於以上咁有益的原因我會再嚐試食毛茄的 ^^
講回放題天婦羅蝦是我必吃的食品
去到尾聲還有六款口味的 Haagen-Dazs 任君選擇
通常我會揀平時比較少吃到的口味 ,
所以我同朋友都揀了香焦味 yum ! yum ! ^^
--------------------------------------------------------------------------------------------------------
22/03 當晚同屋企食飯細佬話觀塘有間食放題幾好的 ,
可惜他又唔記得叫咩嘢名 ,
所以唔打唔撞就去咗 "大滿屋日本料理" ,
怎料細佬上到去先發現原來揀錯了 ,
但已經攞咗位咁就試一試啦 !
價錢都唔算貴嘅 !
刺身拼盤來的與我寫的數目有出入 ,
大大話話都點咗成四十幾件刺身又點會少成咁 ,
而且我都是第一次食放題嘅刺身是一條條的又唔夠凍 >.<
" 蟹子沙律 "
" 蒜片牛柳粒 "
雖然我唔多食牛但當晚的牛柳粒算是最好吃的 ,
所以在無乜選擇下都有再番叮這個牛柳粒
" 味付螺肉 , 魚翅海蜇撈 "
" 三文魚壽司 , 黑松露三文腩壽司 , 火焰虎蝦壽司 "
" 榴槤炸彈 , 吉列蠔 , 芝士年糕 , 芝麻雞翼 "
" 熱烏冬 (小碗) "
連我媽咪都話唔好食 (其實我媽咪好少會話啲嘢唔好食)
" 吉列蠔 "
都係果句無乜選擇所以番叮 >.<
再來的 "三文魚刺身" 同 "北海道帶子刺身" 一樣少得可憐
" 燒有機菠蘿 "
" 海蝦天婦羅 "
" 燒羊架 "
總括已言這店的食物種類選擇不多 ,
就連大部份放題店都有的燒牛舌佢都無 (這個是我細佬鐘意吃的)
其實我都明一分價錢一分貨嘅道理 ,
但食放題就是想有多啲食物種類嘅選擇先會食得開心啲 ,
所以當晚真的有點掃興連甜品都無興趣食 ,
如果這兩間日式放題店我會選擇前者多啲 ^^
