30/08 之前因為同朋友們去試天后嘅咖啡店 ,
而誤打誤撞地試了一間食日本料理的餐廳 ,
當其時雖然只試了午餐但都一直念念不忘 ,
碰啱今次與好友飯聚她又想食日本嘢 ,
於是我就提供了一些日本餐廳的資料給她選擇 ,
在左揀右揀之下就俾她揀中了這間 " 悅鮨 "
一坐低店員就送上了前菜
當我同店員表示不吃牛時她就立即幫我轉換了另一款前菜 ^^
3點自選 - " 松露醬油燒帶子剌身 (配紫菜) "
在我印象中食日本餐廳的晚市通常都是散叫的 ,
估不到這店也有自選的套餐 ,
分別有 : 3點Dishes $380.00 / 5點Dishes $550.00 ,
咦 ! 價錢都算好抵喎 !
由於今次我哋得兩個女仔所以就要了一個 "3點" 的自選套餐 ;
這個燒帶子真的是色香味俱全 ,
加埋紫菜一起吃感覺無咁膩口 "正"
" 北海道無花果沙律 "
店員向我哋推介了一些餐牌沒有的食品 ,
但我哋驚食唔晒所以最後只揀了這個沙律來試 ,
食物的上枱時間都幾快而我又忙着拍照 ,
最終由屬於頭盤的沙律卻變成了整頓晚飯的最後 ,
估不到這個北海道無花果都有點驚喜 ,
雖然細細粒但都十分之清甜 ,
如果有機會遇到不防一試 ^^
" 天婦羅烏冬 "
除了自選套餐外我們還散叫了一些食物 ,
這款麵類其實還有蕎麥麵可供選擇 ,
今次朋友既然話想食烏冬咁就叫烏冬啦 !
其實在日本料理中的天婦羅一直都是我的至愛 ,
但有時我恐防身邊朋友不太喜歡食炸物 ,
所以沒有作出提議但估不到朋友竟然問 : 食唔食天婦羅烏冬 ?
真係心得我心咁當然無問題啦 !
這個天婦羅整得十分之好嗰粉漿薄而脆口 yum ! yum !
咁正嘅天婦羅你係咪好想試呢 ? ^^
店員姐姐好好人見我哋叫烏冬就問需唔需要轉 "稻庭烏冬"
咁 "稻庭烏冬" 又真係好食啲嘅所以我哋都有轉呀 !
3點自選 - " 釀松葉蟹肉黃金燒 "
這個釀松葉蟹肉黃金燒加埋香脆的窩巴真是好吃到不行 ^^
3點自選 - " 鮮蟹粥鍋 "
本應朋友想食 " 鐵板牛油煎生蠔 " ,
可惜當晚沒有生蠔供應 ,
所以最就要了這個鮮蟹粥 ,
嗰粥鍋爐好得意好似一個小火爐咁 ,
粥鍋下面有一撮小火可以用來保持住粥嘅温度 ,
不過個火都唔可以開得太耐 ,
因為啲粥原來會越煲越杰 ^^
鍋粥其實都幾大鍋 ,
如果我無記錯我哋應該係食唔晒架 !
啲蟹粥又鮮甜又美味而且仲好多料添 !
晚飯後還有甜品朋友要了朱古力味的雪糕
而我當然要了豆腐味嘅雪糕啦 !
