星期日一大清早我便跟朋友一家入了長洲
,
無端端仲咩會入長洲呢 ? 事原朋友一家是信奉天主教的 ,
每年的十月是 "玫瑰月" 所以朋友會同父母一齊入長洲的教堂朝聖
,
其實喺好耐之前我都同朋友去過一次 ,
但醉翁之意不在酒我只是想找個伴入長洲逛下食下野
^.^
平日真的很少會找朋友入離島的
見到教堂前有一棵靚靚的大樹 ,
不禁為大樹留個倩影 ,
儀式完結後教堂原來安排了茶點招待朝聖者 ,
咁朋友的父母就留在教堂用膳
,
我地就趁這個時段到外邊行下食下野 ^^
在路邊見到有一個年邁的老婆婆獨自一人睇檔 ,
離遠已經聞到好香的海味味 , 頓時變成外國遊客般拍照
朋友的老公還拿起這個魔鬼魚干給我拍照添
!
及後朋友告訴我這魚又名為 "鰩魚"
掃街行動開始長洲聞名的大粒魚蛋 ,
點解呢檔會送多一粒細既 ?
雖然近日天氣已開始轉涼但中午時分都好熱 ,
已戒凍品的朋友都忍唔住要破戒 , 於是一人要了一碗紫米豆腐花
新照記的 "芒果糯米糍" 朋友覺得 ok
夠軟熟 ,
我就一般可能不太喜歡表面的粉末
見到人地食紅豆餅又忍不住買了一個來吃 ^^
返回教堂接朋友的父母去碼頭搭船時 , 見到有 3 個人係度清理棵靚靚大樹 ,
樹上鮮艷的紅花紛紛散落在地上 (唔知係咩野花呢 ?)
有些途人見到都忍不住拾起帶回家
, 好在一早為它留了倩影 ^.^
貪得意又拍了照
逛海味舖都有野買
這個是幫檔口婆婆買的
由於回程時間尚早 ,
所以就係屋企樓下的阿信屋買了點零食回家煲劇 ,
呢款德國粟米片原來好好食的 , 不知不覺就 KO 了一包 ^^
星期六一早已約了朋友補祝生日 ,
其實朋友鐘意食什麼菜式大概都知一二
,
不過循例都會問一問既 (我估的沒錯朋友揀了中菜 ^.^)
咁就上網找資料終於俾我找到 "雲來軒"
,
這店好似是九月才開店的 , 見圖片上的菜式好似都好吸引 ,
而且這店更主 sell 不用任何添加劑 ,
咦 !
好似好健康喎 ! 好一於去試呢間啦 !
當晚我地被安排坐一間細小的房仔 ,
分別有 3 枱一枱是冇 6 個位 ,
另一枱則有 8 個位 , 我地 2 人就是第 3 枱了 ^^
餐前小吃 (不過好似硬了點 )
其實我約朋友食的每一頓餐晚飯都會預先上網做功課的 ,
所以今晚就由我來點菜了 ,
order
了一客招牌湯 "日本花菇雞腳燉螺頭湯"
又幾特別好似飲茶咁 , 這湯真的好鮮甜好好飲 "正"
另一客是 "牛肝菌雞腳燉螺頭湯"
呢個有少少似藥材味都 ok 既 !
當晚所點的都是大熱或招牌菜 "杞子花膠濃湯浸時蔬 - 翡翠豆苗(轉米皇浸)"
呢個幾好食架 !
"生煎金沙龍皇帶子"
之前見到圖片好吸引好想試 ,
唔知係咪凍咗感覺一般
"水芙蓉蒸明蝦球" 呢個本應都好好食 (可惜唔夠熱) ,
後來見其他兩枱都有 order , 而且仲要出晒煙 (好羨慕呀 ) ,
但個蝦真係好好食 (送飯一流 )
飯後甜品我地要了 "杞子雪耳桂花糕"
清清甜甜幾好食
當然要試埋該店的招牌甜品
"30年陳皮紅豆沙"
第一啖已經食到好香的陳皮味 ,
而且紅豆沙亦不會太甜 (想食得健康點的人士呢個是必然之選)
其實整頓晚飯都好滿意 ,
只是室內的冷氣大了點不但客人覺得凍 ,
餸菜亦很快變涼了 , 可能只有我同朋友 2 人食中菜
進食的速度亦不會快得去邊
,
到了尾段所有的餸菜都是冰凍的 , 希望會改善一下室温啦 !
下個月另一朋友的生日飯可能我都會揀呢度 ^.^
朋友剛從杜拜回來帶給了我一些小手信 , 除了有當地超市售買的朱古力
,
還有靚靚的鏡盒 , 朋友多謝你呀 !
