03/01/2016 與朋友飯聚有人建議食火鍋 ,
今次揀觀塘區是因為其中一位朋友唔想去得太遠 ,
由於大家實在好耐無見都想搵一間不限時的火鍋店 ,
幸好又比我諗起之前有朋友提過觀塘有間
"倫哥私房菜 " 吃火鍋是很不錯的 ,
$258.00一位另計加一 ( 現在好似要 $268.00/位 )
如果星期五/六/日假期前夕都會每人加多 $10.00 ,
而且又不限時於是我哋就決定去一試喇 !
" 麻辣豆角 "
估唔到吃火鍋都有前菜 ^^ ( 前菜 $20.00 )
" 蕎頭 " 這個我不好
又是自調醬汁的時間 ( 火鍋醬油 $5/位 )
" 招牌雞煲 "
第一次來這間私房菜火鍋原來佢同其他火鍋店是有不同的 ,
來到這裡大家乜都唔駛諗乜都唔駛揀因店方已經安排好一切 ,
只要行到上去就立即有得食 ( 懶人之選 ^^ )
吃火鍋前先來一個雞煲由於朋友們不太食得辣 ,
所以今次我哋只要了少辣 ( 但朋友都依然覺得有少少辣 )
估不到雞煲都是任食的但我寧願留肚吃火鍋 ,
另外還有牛栢葉同魷魚店員話加埋落雞煲吸埋個汁會更美味
涼茶同汽水是任飲的至於啤酒就要另外收費
每個爐都有敎你煮雞煲的提示 ,
幸好當晚有店員姐姐的幫忙所以不用自己動手 ^^
" 波士頓龍蝦鍋 "
吃完雞煲就可同店員講轉另一個鍋來打邊爐 ( 又幾好喎 ! )
個鍋原先是 " 鮮茄野菌花甲蟹鍋 " 但我哋加了 $20.00 轉了龍蝦鍋
" 環球海鮮盤 "
當晚海鮮有 : 魷魚, 鮑魚, 生蠔, 元貝, 象蚌仔, 花甲同海中蝦等 ,
嘩 ! 份量都唔少而且仲好新鮮靚仔添 !
" 本地手切牛頸脊 "
第一次食牛頸脊真係好腍滑而且厚薄程度亦切得很適中 ,
搞到我又要破戒了 ,
還有如果要追加牛頸脊只需 $30.00 一碟真的很 " 抵 " 食
" 田園有機蔬菜 "
" 低鹽少油響鈴魚皮 "
兩者我比較鐘意響鈴多啲 ^^
我至愛的 " 墨魚滑 "
還有 " 蟶子 "
一枱的食物都是由店方安排真係十分之豐富 ,
三個女仔打下邊爐吹下水而且仲要係無時限真的很自在
" 大大力手打四寶丸 " 同 " 阿媽雲吞水餃 "
食吓..........食吓..........見到隔離枱有丸丸食還以為要加錢先有 ,
但我又想吃於是就找店員來一問 ,
一問之下才知道原來是上漏了給我們 ,
又多一碟真係好豐富呀 !
其實有某些食物是任食的但最好是向店員詢問一下 ,
海中蝦是其中一款啲蝦又新鮮又大隻兼爽口彈牙 ,
所以我忍唔住再 order 多一次 ^^
另外蟶子同魷魚亦是任食的
" 燕窩燉鮮奶 "
食完火鍋後再來一碗燕窩燉鮮奶滋潤一下真是大滿足 ,
當晚實在太多嘢食大家都食到好飽飽 ,
由於不限時大家吹水亦吹得好自由自在 ,
如有機會都想約朋友再來這裡吃火鍋 ^^
