High Tea@Cova

星期六放半日咁就約朋友陪行街 ,

但今年的天氣實在太酷熱 ,

因此一切的室外活動都謝絕了 ,

於是我地揀了又一城 ,

去到又一城大家都不是太肚餓 ,

所以無食 lunch 就去了 high tea



我地 order 了一個 cake set 同 tea set ,

起初大家都眼闊肚窄 ,

點知食下食下又幾飽喎 !

件 cake ok 但個 tea set 就一般啦 !



之後我地去了 "Marks & Spencer"

見佢有酒試咁咪去試吓囉 !

呢枝白酒都幾好飲喎 !




 

Gathering前夕@Hungry Korean

上星期五晚約了朋友一齊去選購

7月8日 Gathering 的食物 ,

去購物前先去食晚飯 ,

原本我想帶佢地去 "華苑潮州餐廳" 晚飯的 ,

可惜店舖在裝修中 ,

所以我地就要另覓其他的食店 ,

逛下逛下朋友的老公見到有韓國餐廳 ,

本應想入去食................等一等 ,

望見對面又有一間韓國餐廳 "Hungry Korean" 仲要排晒隊 ,

咁有人又想轉軑無所謂啦 !

其實之前係雜誌見過新店介紹以健康為主 ,

但興趣不大所以就沒有找人去試 ,

今次朋友竟然想試一於就試一試啦 !

原來這間店舖是先購買食物 ,

然後再由店員安排入座 (又幾好喎 ! )



我同朋友都要了 "魷魚石鍋飯" ,

但朋友話 "韓食家" 既石頭飯夠熱又有飯焦 ,

我就覺得個石頭飯唔夠辣 ,

雖然每個餐佢都會俾支辣醬你 ,

嗰醬應該是甜甜辣辣的 ,

對於好辣的我只覺得一個 "甜" 字 ,

加極辣醬都唔覺得佢辣 >.<



朋友老公的 "牛肉石鍋飯" 
(相片是借用朋友的)



後加了飲品同小食 - 凍麥芽發酵米茶 ,

凍抺茶牛奶 , 魚餅 , 泡菜 , 薯仔

這店的飲品是不錯 ,

韓國的魚餅我都是第一次食 ,

不過略嫌鹹了點 ,

泡菜則比較像樣 , 薯仔都 ok 啦 !



"辣年糕" 呢個年糕都 ok 夠辣



晚飯過後我地就去了 City'Super 購物了