我用緊部電話近日儍儍地 ,
佢一休眠咗就唔識起身搞到要重新開機先用到 ,
我終於引受不了昨晚就找朋友陪我去出部新機啦 !
我就是出了這部機 , 唔好問點解就因為我鐘意 ^^
出完電話就緊係去醫肚啦 !
原本想食壽司的但近日係apm發現了一間 "灑家" 唔知係乜東東 ,
於是咪上網睇囉 !
一睇原來是由兩間曾多次獲得米芝蓮星級評分的
何洪記及正斗合作而成的粥麵店 ,
而且在apm開業已有大半年 (點解之前發覺唔到既 )
咦 ! 好似好正喎 ! 所以昨晚就建議朋友一齊去試新野啦 !
"爽脆鮮豬膶湯麵" 整體都算好食 , 但略嫌豬膶薄了少許 (新機試影)
"鮮蝦腐皮卷" 好食蝦肉好大隻好爽口 ,
而且仲有韮王為腐皮卷增添了一種香味
"皮蛋薑炸蝦筒" 呢個是我揀的 , 近來唔知點解咁鐘意食皮蛋 ?
最後我地意猶未盡仲叫咗個 "鴛鴦淨雲吞水餃"
我覺得水餃好食過雲吞 ,
個湯裡面仲有許多蝦子 , 食完呢一餐我同朋友都想再來試其他美食
近日係apm發現了一間以買貓貓精品為主的小店舖 ,
雖然貓貓的產品不是我的喜好 , 但佢地都有小量其他款式的精品 ,
而且聽店員講有些貨品是在韓國入貨的
電話防塵塞買2送1 , 我忍唔住手分 2 次合共買了 4 粒 (即係有 6 粒)
但有 2 粒已經送了給小妹妹 , 所以就沒有拍照了
