08/01 早前同朋友路過旺角見到有蜂巢雪糕時已經好想試 ,
可惜當時那間店舖只有外賣而沒有堂食所以就無試到喇 !
後來在團購網見到有優惠就買咗兩張 coupon 諗住同朋友試 ,
剛好 coupon 在上星期六就到期咁緊係立即約人去試啦 !
食雪糕前先去食晚飯在九龍城最多就是泰國菜 , 潮州菜同甜品 ,
但朋友對泰國菜只是一般所以唯有食潮州菜 ,
今次揀回上次去不到的 " 南記飯店 "
潮州嘅菜脯我都好鐘意食架 ! ( 咦 ! 好似好耐無食菜脯炒蛋喎 ! )
" 芥菜排骨煲 "
店員推介芥菜煲比我哋見朋友好似都幾想食咁就試下啦 !
芥菜平時我都好似無咩點食好彩我都 ok 啫！ ^^
" 卥水什會併盤 "
卥水併盤種類多我實鐘意架 !
卥水汁個味道都 ok 唯一美中不足就係隻卥水蛋硬咗少少囉 !
" 蠔餅 "
出事喇 ! 出事喇 ! 估唔到個蠔餅會咁大底嘅 !
飯後仲有紅豆沙送添 !
雖然之後我哋要去食雪糕但都有食埋碗紅豆沙 ,
整體來說唔算特別好食中規中矩有點家庭式 ,
店中的員工雖然比較年長但服務態度就十分殷勤有善 ,
原來食店是由一九六幾年已經開始營業的這類小店直得支持一下
好食飽飽散完步就去食近期比較流行嘅韓國蜂巢雪糕 ^3^
" 原味蜂巢 + 朱古力豆雪糕 "
朋友揀咗原味我當然唔執輸有試食啦 !
第一次食蜂巢原來係咁清甜一試難忘真係好 " 正 "
" 即磨咖啡雪糕 "
我本身對咖啡嘅任何製成品都會好有興趣試的 ,
呢杯咖啡雪糕都 ok 唔錯架 ! ( 不過個雪糕比較溶得快啲啫 ! ^^ )
" 蜂巢奶茶雪糕 "
食完一杯我都有少少覺得意豫未盡所以同試多杯先 ,
奶茶雪糕都唔錯嘅但加埋蜂巢好似有啲唔係好夾
搞到真係心思思想買番盒添 ! ( 最終都係無買 )
日本車厘茄是在九龍城廣場吉之島買的 ,
曾經在吉之島買過熊本縣的車厘茄是十分爽脆鮮甜 ,
可惜之後都無見過今次是長崎縣的出品又即管買來一試 ^^
