01/01 放假唔知去邊所以就約朋友去街街 ,
起初大家都無想去的地方及後比我諗到去大棠睇紅葉 ,
其實都唔知仲有無得睇於是上網查看 ,
原來一月都應該仲有紅葉睇的 ,
既然大家都未去過咁就去大棠湊下熱鬧啦 !
同朋友約好在元朗集合然後再搭 K66 入大棠 ,
朋友 : 早餐同你去食雞扒米通
我 : 雞扒米通 ? ? ?
朋友 : 係呀 ! 好好食架 !
我 : 哦 !
同朋友對話完心急的我立即上網 search 元朗雞扒米通 ,
終於比我搵到一間 " 貳郎燒雞扒 " 原來真的是這店 ^^
入大棠前同朋友食番個豐富嘅早午餐先 ^^
見網上話佢嘅冰鎮奶茶好似幾得 ,
所以餐飲我就要了凍奶茶喇 !
" 茄湯雞扒米通粉 配 午餐肉 + 炒滑蛋 "
朋友要了清湯雞扒米通 , 而我就要了茄湯雞扒米通 ,
香濃的蕃茄湯底加埋煙靭的米通即時又變成了我的新寵 ,
朋友無介紹錯雞扒又真係燒得香脆又惹味 ,
雖然碗米通好大碗但又唔捨得放棄所以最終都整碗食晒 ! ( 好飽飽呀 ! ^^ )
由於我同朋友之都無去過大棠 ,
所以都唔知原來要行一條又長又斜的山路 ,
唔怪得沿途有咁多綠的上上落落啦 !
幸好之前食咗一份咁飽嘅早午餐就當幫助消化 ,
而當日的天氣又不算很熱慢慢行都算 ok 嘅 !
當日可能是假日所以特別多人 ,
真係人山人海到好似行百萬行咁 ^^
小山坡上的一排紅葉樹其實都算不錯 ,
但已經企滿晒人所以我只有遠距離拍照而無上去同人迫呀 !
朋友給我沖電的士多啤梨朱古力條又幾好味喎 !
可能已近尾聲靚的紅葉樹已經不多 ,
如果要影到靚的紅葉樹就要靠自己去補捉喇 !
這棵紅葉樹已經算是幾靚同最大的一棵 ,
我影完之後都有好多人圍住嚟影
望到對面山頭都有紅葉樹唯有遠距離拍番張照留念啦 !
今年年尾如果有時間我都想找朋友再去逛吓 !
行到五點幾我哋就開始回程喇 !
估唔到下山途中都可以遇到日落 ,
個位置咁好影番張相先 ^^
影完相繼續行落山搭車但沿途都仍然有好多人向山上方向走
原本大家都諗住在元朗食晚飯但又唔知食乜好 ,
後來朋友話帶我去食海南雞飯 ,
可惜落車的位置都要行一段路先去到該餐廳 ,
而最重要的是食完又要行番出嚟搭車走人 ,
最後唯有返荃灣先食晚飯啦 !
燒烤前先來一枱前菜 ,
近期韓烤我比較鐘意爐邊兩旁有泡菜蛋漿同芝士粟米 ^^
套餐內的 " 泡菜豆腐湯 "
" 韓國 HITE 啤酒 "
可能下午行山行得辛苦啩 !
當我問朋友飲什麼飲品時她想也不想就說 " 啤酒 " ,
好 ! 咁就一於同你啤一啤佢啦 ! ^^
當日比較美味的就是芝士粟米 , 因粟米粒真的很鮮甜 ,
至於泡菜蛋漿我同朋友都認為麻麻 ,
而最開心的是蛋漿同芝士粟米都是免費任添的 ,
當晚店員一見爐邊兩旁空空就會好快幫我哋添加 ,
速度之快我哋都要叫佢停一停好等我哋有時間燒下烤先 ^^
我哋當晚的 " 豬肉海鮮套餐 - 二人用 "
份量比之前在別家吃的大 ,
其實應該說是我心目中的正常份量 ( 真係見到都好滿足呀 ! ^^ )
" 豬大腸 , 五花腩 , 梅頭肉 "
" 大蝦 , 豬頸肉 , 多春魚 , 韓式年糕 , 韓國菇 "
" 芝士生蠔 "
豬腸同五花腩真的好好味 yummy ! yummy ! ^^
豬頸肉也不錯呀 !
啲菇烤起嚟都幾好食喎 !
原來燒烤完之後店員就會幫我哋轉網繼續燒海鮮 ,
嘩 ! 肥美的芝士生蠔我嚟喇 !
即燒即食真的很鮮味很好吃 ^^
Wow...............我喜愛的燒大蝦呀 !
大蝦除了大隻之外亦十分之新鮮同爽口彈牙 "正" 呀 !
好肥美的多春魚可惜不是我杯茶 ,
所以唯有朋友一個人獨享了 ^^
原來韓式燒年糕是要用耐性來慢慢燒的 ,
燒出來的年糕果然真的很美味 ,
食完這個套餐已經十分之飽就連我之前睇中的甜品也沒有位置放了 ;
已經同朋友約好等佢二月份生日時再同其他朋友一齊來吃 ,
到時我一定要試埋佢哋嘅甜品 ^^
