04/11 某日朋友來電話想約食飯 ,
我這位朋友都幾鍾意食齋架 !
而且喺佢公司附近又開了一間新食店 ,
於是就話不如去試吓啦 !
其實正確啲嚟講這食店並不是齋舖 ,
而是一間以素食為主的餐廳
" 鮮淮山伴腐竹 "
既精緻又健康又美味
" 黑麥汁 "
如果我無記錯曾經有某某做素食的人曾對我說這飲品是 "黑啤" ,
事隔多年竟然比我在這店重遇這款飲品 ,
當然要 order 來重溫一下啦 !
" 黑松露香菌餃 "
這個黑松露餃好吃到不得了 ,
餃皮煙煙韌韌配埋黑松露香菌就是一個 "正" 字 ,
所以之後我哋再 order 多一籠 ^^
" 招牌椒鹽金針菇 "
如果喜歡吃香口嘢的朋友就不要錯過這個椒鹽金針菇 ,
十分之美味可口直情好吃到停不了口 ^^
當日店方送了這糕點給我們作飯後甜品 ,
原本想試的甜品唯有留待下一次了
" 竹笙粟米粥 "
本身同朋友兩個都已經鍾意食粟米粥 ,
但今次個竹笙粟米粥還加了一點薑絲感覺不錯
" 大廚客家豆腐煲 "
餐牌內註明 : 使用香港老字號 - 珍香園豆腐 ,
其實個豆腐都幾好食 ,
只是來到尾聲大家真的有點飽 ,
不過我哋都無做大嘥鬼架 ! ^^
總括而言食物質數不差略嫌選擇比較少
