10/08 每年的今天我都會放自己一天假 ,
今年幸好找到朋友相陪一齊去吃喝玩樂 ;
自 "中村藤吉" 在美麗華開店對於我來說是方便咗 ,
上次到訪是星期六下午六點幾開始在那裡排隊 ,
終於排到晚上八時方可入座但所有定食都已經沽清 ,
難得今次是平日放假點都要食番個 lunch ,
上次食唔到的東西今次點都要食番夠本 ^^
平日真好基本上都不用排隊
雖然唔駛排隊但要等朋友放工 ,
店舖外增設了一個雪櫃擺放了綠茶同焙茶味的產品 ,
當中包括了 : 朱古力 , 曲奇餅 , 蛋糕等等 ..................
餐廳內環境寧靜舒適食客不算太多 ,
平日到訪真係比起星期六 , 日舒服得多
" 腐皮抹茶烏冬定食 (熱) "
同款食物單點同定食只差 $40.00 ,
但定食就會多了一碗飯同一杯生茶啫喱 ,
抹茶烏冬依然係咁好味 yum ! yum !
" 素麵定食 (熱) "
呢個素麵嘅麵質十分之幼滑令我想起了日本的流水麵 ,
但味道比起烏冬就淡了一點不過都 ok 嘅 !
" 迷你生茶啫喱 "
定食最後還有一杯迷你生茶啫喱 ,
白玉嘅質感有點似日本年糕好煙韌十分之好吃 ,
而生茶啫喱撈埋紅豆蓉一齊食就更加之正
我哋兩個人飯後竟然還叫了三個甜品 ,
從未如此瘋狂過 ( 真係癲鬼咗 ! ^^ )
" 蕨餅 - 抹茶 "
朋友上次話食唔到蕨餅今次點都要叫啦 !
我仲哋驚死無得食所以食食吓正餐就已經落定 order ^^
嘩 ! 這店的蕨餅超軟熟差少少連夾都夾唔起 ,
嗰蕨餅本身都幾甜但加埋面頭的抹茶粉一齊就啱啱好 " 正 " ,
所以我都無點過側邊兩個汁我驚會好甜 ^^
" 京之精選 "
點解上次都試過朋友今次還要 order 而不試其他甜品呢 ?
原來朋友鐘情的就是那球抹茶雪糕 ,
因為她覺得抹茶雪糕球較軟雪糕來得濃味 ,
可惜外賣店就只售賣軟雪糕 ,
而食堂亦都沒有單點抹茶雪糕球 ,
所以朋友就唯有要整個甜品 order 喇 !
不過抹茶同焙茶味嘅蛋糕都幾好味架 !
" 軟雪糕 ( 綠茶 + 焙茶 ) ( 付迷你生茶啫喱 ) "
今次我就比較想試這款甜品 ,
所以集中點就放咗喺威化盒同兩色軟雪糕上 ,
竟然忽略了原來這個甜還付有一杯 " 迷你生茶啫喱 "
一個甜品有齊我的至愛真係好 " 正 " yum ! yum ! ^^
