好耐之前已經係飲食雜誌見過呢間鐵板燒 ,
一直都好想去試但又找不着機會 ,
剛好4月份有朋友生日 ,
而這間店舖近來某些套餐好似做緊特價咁就一於去試啦 !
我地大約七時許就到達了 ,
可能時間尚早所以只有一枱食客正在用餐 ;
一打開 Menu 已經有許多選擇 ,
揀了一輪終於揀了 "老虎大蝦鮑魚餐"
"活魚麵豉湯" , "新鮮雜菜沙律" 及 "三色剌身"
食完頭盤負責鐵板燒的女廚師就開始為我們烹調食物
先來 "銀雪魚" 仲有 "南非鮑魚" yummy ! yummy !
"黃金大蝦" 靚女廚師問我地要唔要芝士 , 要當然要啦 !
嘩 ! 呢個虎蝦整得超好味 (可能個汁是用蝦膏整的原故) ,
好味係好味但都有少少漏 , 唔知係咪因為加咗芝士呢 ?
"薄燒安格斯牛扒" 本應店員建議我地轉厚燒會好食 D ,
但每人要多加 $30.00 朋友見我又唔食牛 ,
於是就話唔好轉 (我試咗少少就真係一般)
鐵板燒又怎少得 "日式炒雜菜" 呢 ?
最後就係炒飯既時候 ,
訂枱時已經同店員講咗有朋友生日 ,
所以佢地就會安排係鐵板寫字 ,
如果不是太複雜廚師們都可以代寫字表心意的
"蟹子炒飯" 碗飯都好大碗喎 !
雖然都幾好味不過已經好飽 ,
為咗唔想浪費食物唯有慢慢咁食埋佢啦 !
眼見廚師姐姐幫別的客人煮 "鮑魚" 影得唔好哂 ^-^
飯後甜品 "綠茶雪糕" 幸好最終都沒有買生日蛋糕
我地食下傾下咁就到了八點 ,
不過由七點至八點呢一個鐘都只係得我地一枱人
(因之前嗰枱食客已經走人) ,
所以我同朋友就好似包場咁食得好舒服 ,
但一到八時許就已經坐滿了食客 ,
早食都有好處就是不用做抽油煙機 ^-^
小小提示 : 坐鐵板位要切蛋糕就要收切餅費 , 但坐普通位就不用了
