一連放了三天假真開心 , 炎炎夏日最好就係約埋三五知己去飲飲食食 ,
於是 29/06 就約了朋友去 Cafe 103 嘆 Afternoon Tea ,
其實之前去過一次老實講原本已經無咩意欲再去多一次 ,
但今次有我偶像 "Jean-Paul Hevin" 的參予所以一定要來撐場 ^^
為了慶祝全城最熱的 " 2014巴西世界杯 "
因此 The Ritz-Carlton x Jean-Paul Hevin Chocolatier 就合作推出了這個
" 南美風情朱古力下午茶之旅 "
嘩 ! 見到都已經賞心悅目心情都立即靚晒 ! ^3^
今次我試了這個綠茶都幾好飲吖 !
原來係綠茶度加咗花瓣所以斟茶時朋友話嗅到好香
" 松露蛋黃醬麥包三文治 " 好味
" 鴨肝醬迷你泡芙配古巴唂咕豆 "
第一眼就望中佢一入口已經食到好濃烈既鴨肝醬味 ,
雖然有少少鹹但又非常之好味 yummy! yummy!
" 海鮮香草忌廉配巴西咖啡麵包三文治 "
" 香草唂咕油煙三文魚麥包三文治 "
開胃前點有特色得嚟又幾好味都唔錯喎 !
食物質數感覺較第一次好得多 ^^
" 香橙法式瑪德蓮蛋糕 "
原來蛋糕的另一邊是有橙味的朱古力 , 我自己就幾喜歡喇 !
呢杯係另上的 " 朱古力咖啡 "
濃濃的朱古力咖啡唔係話唔好飲只是唔多夠熱 ,
加上好以甜甜咗少少
" 秘魯皮烏拉朱古力蛋白杏仁餅 "
Chocolate Macaroon 對於 Jean-Paul Hevin 絕對是沒有難度的 ,
但不知是否因為擺放地方的問題好似無喺佢 tea room 食咁脆 ,
幸好都尚可接受 ^^
" 巴西朱古力粒 " yummy ! yummy !
" 香脆朱古力撻 "
嘩 ! 真係好 " 朱 " 好 " 朱 " 呀 !
" 法式泡芙 "
" 巴西馬卡胡椒草莓杯 " 呢個甜品都幾特別
大家都不約而同咁食到有番石榴味點解呢 ?
草莓醬加朱古力一齊食好味得嚟又無咁漏 ,
至於巴西馬卡胡椒就是在食完整個甜品後辣味先慢慢滲出來都幾得意 ^^
原來惠顧呢個下午茶的客人可以獲贈 Jean-Paul Hevin Chocolatier 9 折優惠券 1 張 ,
朋友們都好客氣全都送了給我 ( Thx ! ^^ )
這個下午茶之旅供應期去到 7 月 31 日 , 有興趣的就要找緊機會了
