15/10 呢餐算係遲來的生日飯 ,
因為七月中已經訂位但一book已經去到 14/10 先有位 ,
但由於位置不太好所以我選擇遲多一日
一間我一直都好想試耐既 Buffet 終於有機會去試喇 !
先來開邊龍蝦
但好似不是太新鮮反而凍蝦仲鮮味好食得多
好整番碟靚靚仔既雜錦沙律先 ^^
沙律菜夠新鮮而各樣配料都 ok 好味
Buffet 的其中一樣賣點就是榴槤甜品 ( 我同朋友都係因為咁先來這裡 ^^ )
食了頭兩碟見朋友已經忍唔住開始攞榴槤甜品搞到我都攞咗一碟返嚟 !
榴槤雪糕 + 炸榴槤 = 十級好味 yummy ! yummy ! ^3^
這個食法是這裡的職員敎的又真係超級的好味
" 榴槤奶凍 "
這款奶凍又是超級的好味因每一啖都差唔多有榴槤肉 " 正 "
" 榴槤芝士蛋糕 "
雖然無上邊三款甜品咁濃味但都 ok 架 !
" 咖啡奶凍 "
這款奶凍都好好味 ( 可能我鐘意咖啡啩 ! )
" 白酒啫喱 "
真係好夠酒味又香又好食啫喱中還加了朱古力粒
食完一輪甜品加埋傾計當晚其實唔係食咗好多嘢咋 !
差唔多完場就再出去巡下睇下有咩好食先 , ( 其實都已經無咩 ^^ )
温泉蛋都 ok 唔錯如果喜歡三文魚籽還可以加埋一齊吃可能會更美味
" 鵝肝 "
雖然唔算好大件但都是即煎的外脆內軟 yummy ! yummy !
鮮甜又大粒既帶子當然好味啦 !
" 北菇菜膽燉雞湯 "
喺 openrice 見人極力推介咁緊係要試一試啦 !
個湯好清好好飲
第二輪甜品喇 ! ( 榴槤款式既甜品緊係要多添一輪啦 ! ^3^ )
" 榴槤撻 "
第一輪都有攞但掛住食漏影咗今次再補回照片 ^^
榴槤撻都唔錯架 ! 但在第一輪因為先食了榴槤雪糕 + 炸榴槤超濃味 ,
所以個撻就好似變得無咩味今次醒目食咗個撻先咁就好味好多喇 !
" 檸檬柚子撻 "
有檸檬同柚子令到個撻一啲都唔漏 仲好好味添 ! ^^
" 日式芝士蛋糕 " 呢都唔錯架 !
" 茉莉花茶朱古力蛋糕 "
好香既茉莉花茶加埋朱古力當然好味啦 !
食到最後緊係生果時間啦 !
當晚既菠蘿同西瓜又大件又好味
雖然唔係食咗好多嘢但實在太飽喇 !
所以都係要番杯檸檬水消下先 ^3^
朋友們就覺得好多嘢食而我就覺得選擇不算太多 ,
對於喜歡榴槤的我緊係會鐘意這裡的甜品多一點 ,
我諗我會帶媽媽再來食一次 ^^ ( 因為佢都鐘意榴槤架 ! )
