08/08 第二場飯局我揀了一間想試了很久的餐廳 ,
唔知點解一入到餐廳就諗起 happy hour ,
餐廳比較細小所以枱與枱之間的距離都幾近 ,
但無所謂啦 ! 小店自有小店的風味一於試一試先 ^^
" Sangria "
朋友要戒口所以唔飲得酒 ,
咁唯有自己同自己飲啦 !
點解呢杯 Sangria 會有少少薄荷味嘅 ?
我飲咁耐 Sangria 都未試過 ,
可能因為我唔太鐘意薄荷味所以佢唔係我杯茶 >.<
" 香草炒雜菌 "
朋友要戒口炸物就一定唔食得 ,
至於還有什麼不能吃連她自己本人都不太清楚 ,
所以最後大家都決定如知道不能吃的便不吃 ,
如果唔太清楚就食咗先算 ^^
清清地來個炒雜菌但都好香同好好食喎 !
" 香草牛油焗田螺 "
嘩 ! 呢間餐廳嘅田螺都幾大隻喎 ! yum ! yum ! ^^
而朋友就睇中咗舖在底層的薯蓉喇 ! ( 我一定會讓你食多啲 ^^ )
" 燒美國黑啤豬鞍扒配蜜糖燒烤汁 "
其實還有另外一款法式烤豬扒都在考慮之列 ,
但最終大家還是覺得這個豬鞍扒比較吸引 ,
豬鞍扒燒得剛剛好都算好吃 ^^
" 燒雞扒香煎南瓜意大利飯餅 "
我哋見這個飯都幾特別所以便叫來一試 ,
大家都以為這個飯會有點硬但原來是外脆內軟 ,
這個煎南瓜意大利飯餅真的很特別很好味 ,
我覺得似用火搶在飯面燒過才造出這樣的效果 ,
至於個雞扒都燒得不錯呀 !
其實我還有很多款食物都好想試 ,
希望有一個不用戒口的朋友可以陪我試就好了 ^^
