01/07/2017 其實 "華嫂冰室 " 這名字已經聞名已久 ,
但因店鋪位於元朗所以一直都未有機會一試 ,
第一對於我來說都幾遠 ,
第二聽聞都有幾多人排隊 ,
所以就無謂山長水遠咁去排餐死 ,
佢終於喺觀塘開分店咁緊係要抽時間去試啦 !
當日去到約是中午點幾、兩點 ,
遠處已經見到有一堆人在排隊 ,
幸好門外等候的位置比較寬敞人流亦不算多 ,
攞完飛仔我同媽咪就成為呢堆人嘅其中一份子喇 !
無睇等咗幾耐但感覺無想像中咁耐就有得入座 ^^
" 咸檸七 "
媽咪揀了這款凍飲
" 話梅柑桔 "
本應我想試佢哋嘅 " 樽裝凍奶茶 " 架 !
可惜當日好似話個雪櫃壞咗所以無得供應 ,
咁最後就揀咗呢杯 " 話梅柑桔 " 都幾好飲嘅 !
" 招牌波蘿包 "
雖然我對波蘿油係無乜興趣 ,
但一場來到點都要試吓佢哋嘅 " 招牌波蘿包 " ,
我知好多人都鍾意呢個包 ,
可惜對於我而言就比較一般 ( 可能走咗塊牛油會好啲 ^^ )
店員見我在拍照都不禁叫我影靚啲仲幫我加多把刀添 !
" B款餸 : 煎魚餅+$3.00 , 魚肉 , 米線 , 皮蛋芫茜湯底+$8.00 "
佢嘅麵食好得意好似叫車仔麵咁 ,
媽咪左揀右揀就變成呢碗米線喇 !
我試咗一件煎魚餅 ( 而我平時是不多好魚餅的 )
但他們的煎魚餅真的很美味我很喜歡吃 ,
個魚餅煎得好金香而且又彈牙好有咬口 ,
這間鋪暫時喺香港是唯一一間令我鍾意食魚餅的店鋪 ^^
" 檳城喇沙出前一丁 + 豬扒 "
見到有喇沙我一定會食 ( 雖然都知好肥 >.< )
原本是 " 檳城喇沙湯米線 " 可揀豬扒或肥牛 ,
但我都唔多食牛當然揀豬扒啦 !
咁啱當日又好想食公仔麵所以就轉咗個麵底 ,
我唔鍾意食芫茜所以落 order 時就飛走埋佢 ,
個湯底好香濃明知會好肥都忍唔住飲咗幾嗒湯 ,
而喇沙嘅辣味係會慢慢滲出嚟 ! ( 但我個人都 ok )
遲啲等無咁熱嘅時候再去試吓其他美食先 ^^
