06/08 早前有朋友到過這餐廳同朋友慶祝生日 ,
聽到她對這店的食後評語感覺很不錯 ,
所以亦成為我生日飯局中想試的餐廳之一 ^^
當日是星期六所以我同朋友六點幾就到了餐廳 ,
餐廳有兩個 Menu 可供選擇 ( 這是八月份新出的 Menu )
分別有 " Chef's Recommendation " 同 " Tasting Menu " ,
其實只是 Tasting Menu 多了一個意大利飯同埋貴少少 ,
所以我哋決定兩款各要了一個來 share ,
咁就可以試晒所有食物啦 !
點完餐欣賞下美麗嘅黃昏先 ,
之前 like 咗佢哋個 fb 見到窗口位置嘅景觀很不錯 ,
所以特別叫朋友訂枱時盡量訂窗口位 ^^
餐前麵包很不錯很好吃 ,
加埋黑松露醬 , 青醬同蕃茄醬就更加之美味 ,
其實 3 款醬都很不錯黑松露醬一定會是我的至愛 ,
而蕃茄醬有少少辣都幾惹味個人感覺有啲似 XO 醬 ^^
" 紐西蘭藍鮑魚 "
他們的 fb 介紹了這個菜式是用了刺身級藍鮑魚以雞湯慢煮而成 ,
我就覺得好好味喇 ! 大家想試嗎 ? ^^
食完頭盤又再望下出邊嘅景色 ,
感覺真係好正好舒服 ^^
" 傳統意大利什菜湯配脆巴馬臣芝士 "
他們知我同朋友是 share 所以亦幫我哋分湯上 ,
這樣窩心的服務真係抵 " 讚 " ,
個意大利菜湯好香濃好好飲加埋美味的脆巴馬臣芝士 "正" 呀 !
" 藍芝士醬大蝦蜜瓜球 "
個藍芝士醬唔會整得太濃烈所以好易入口 ,
朋友就勁鐘意食佢話好似食緊乳酪咁 ,
啲大蝦亦十分之鮮味 yummy ! yummy !
" 刁草海鮮紅菜頭意大利飯 "
第一次食紅菜頭意大利飯原來都好好食 ,
海鮮夠新鮮用料又足 ,
我就特別鐘愛佢哋嘅魷魚除了厚薄適中 ,
而且還有軟熟煙韌的口感 ( 講起還在回味中 ^^ )
入夜後除了有靚靚嘅夜景還有 " 幻彩詠香江 " 睇添 !
" 烤焗龍躉扒配蕃茄鮮魚濃湯 "
這個龍躉扒雖然要另加 $80.00 但都是物有所值的 ,
兩大件厚厚的魚扒好滑好好吃呀 !
" 低温慢煮厚切美國榖飼豬鞍扒 "
咁啱我同朋友都唔多食牛所以另一個主菜就要了豬鞍扒 ,
當初都有啲驚咁厚嘅豬鞍扒會 " 嚡 " 口 ,
好彩生熟程度啱啱好依然能保持住啲肉汁 ,
其實佢哋個薯蓉都好好食但我實在太飽所以只能淺嚐 ^^
餐茶我要了咖啡
會用熱杯去載住熱嘅咖啡奶我就會覺得你是一間好的餐廳 ,
所以佢又加咗分喇 ! ^^
甜品還有 " 焦糖燉蛋 "
其實這個焦糖燉蛋整體都算做得很不錯 ,
但個燉蛋略嫌不夠滑不是我杯茶 ;
總括這間餐廳的食物質數同服務水準都很好 ,
如果你試過一定會覺得物有所值 ,
只是略嫌餐廳除了酒類飲品就沒其他飲品可選擇 ,
這個是八月份的 Menu 如果有興趣試就要快喇 !
唔知九月份會否出另一個新的 Menu ^^
