遲來的 Boxing Day

由於 Boxing Day 玩得太夜 , 所以當晚回家後都沒有拆禮物 ;

昨晚放工回家第一時間就係拆禮物 ^-^



呢份禮物包得好靚呀 ! 有少少唔捨得拆添 !



靚靚的包裝下原來係一對好軟綿綿既襪子 , 咁聖誕襪裡會唔會仲有禮物呢 ?

呢份禮物係第一份收的 (11月中) , 盒子裡係雜錦朱古力 (今次實肥死)  ,

不過醉翁之意不在酒我鐘意既係個罐 , 所以朱古力一定會同朋友分享的 ^-^

朋友話送呢對杯俾我 , 係叫我飲多水而唔係用來飲酒 , 

對杯仲印有 "JamieOliver" 既名字 ,

用來飲水都變得有 taste 咗 ^^

呢 2 份都係分別由唔同既朋友送的 , 多謝大家所送贈的聖誕禮物 ,  

我好鐘意好開心呀 ! 

 

 

Boxing Day Party

聖誕節最開心既係同一班朋友聚埋一齊飲飲食食交換禮物 ,

26 號就去了朋友屋企開聖誕 Party , 下午一點到已經齊人開始整沙律 ;

原來 smartphone 的魔力真的很大 , 因不用預備食物的人就拿着自己的電話來玩 ,

朋友的老公又幫我 download 了防毒軟件及遊戲 , 真係唔該晒佢 ^-^

好啦搞吓搞吓已經三點幾終於可以食 lunch la ....................

每次既聚會下午都係食這類食物有薯仔沙律 , 芝士 , ham , 之前係食鴨肝醬的 ,

但有朋友要求今次想食鵝肝醬 , OK 無問題最緊要大家食得開心 , 

今次既鵝肝醬係 citysuper 的出品 ,  一般啦朋友的老公就覺得鴨肝醬較好食 ,

不過這一餐都已經好滿足食飽飽後大家又一人一機在手 , 這是現代的社會文化嗎 ?

又到晚餐既時候雖然食物不多 , 但我地 7 個人清晒所有食物之後都已經好飽
 

 

聖誕又怎能沒蛋糕呢 ! 我揀了東海堂既 "白之雪人" 夠應節嘛 !

不過都幾好味 , 雖然朋友都想我整豆腐 mousse cake , 

但屋企仲未整好無法啦 ! 有拖無欠記住數先

Party 尾聲就係抽奬既時候 , 這是我抽仲的禮物 ,  

今日雖然係 Boxing Day 但返到屋企已經好夜 , 而第二日又要返工 ,

所以仲未拆聖誕禮物 ^^