24/11 由於媽咪話未食過西班牙菜加上我又想介紹這餐廳比另一位朋友試 ,
趁還是白松露的季節就同她們來試一次 ( 自己又可多個藉口再品嚐一次 ^3^ )
(圖片借用於朋友)
" Scrambled Italian Egg with Green Asparagus "
上次試咗用松露意大利寬條麵來伴吃 ,
雖然個寬條麵好食但朋友話唔係好試得清楚個白松露係咩味 ,
所以今次清清地要咗個意大利炒蛋希望可以試清楚啲啦 !
有了上次的經驗今次會每人先分一片白松露試味 ,
白松露的質感比較軟身容易碎 , 因此今次才與朋友作了這樣的安排 ;
今次終於可以試到白松露個味比較清淡微微的甜甜地甘甘地都 ok 嘅 !
但朋友就黑, 白松露都試過佢話都係鐘意黑松露多啲 ,
因為味道較濃兼且爽口 ( 如果有機會我都想試下黑松露 )
" Deep Fried Iberian Ham Croquettes with Creamy Manchego Cheese "
Haha.............呢個炸火腿忌廉球是另一新食友在網上見到的 ,
既然一個唔多食炸物的朋友都話好似好吸引又豈能不 order 呢 ? ^3^
" RUSTICO Seafood Paella "
差不多每次同新食友在這店食飯我都會推介呢個西班牙海鮮飯 ,
雖然每次的水準都有少少參差但都算好味 (上轉的海鮮飯比較顯潤感覺一般)
今次終於回復水準個飯嘅味道濃淡得宜 , 乾顯度又剛好 , 又多料子好滿足呀 !
" 鮮番茄紫蘇龍蝦扁意大粉 "
上次見隔離枱食呢個意粉就好想試 ,
龍蝦 ok 但個扁意粉整得比較腍身所以有少少失望 >.<
希望如果有機會再食會好一點
" Deep Fried Spanish Padron Peppers "
食完以下食物之後大家都唔知再 order 什麼好 ,
於是我就介紹呢款炸西班青椒比她們試 ,
又好味又無咁飽肚嘅美味小吃 Good !
(圖片借用於朋友)
" Spanish Spicy Chorizo in Sherry Wine "
再來一個小吃今次個腸煮得比上次腍身而個汁就辣咗 ,
對於我嚟講個汁辣咗無問題但最好個辣肉腸嘅質感唔好咁腍啦 !
沒有留言:
張貼留言