老字號餐廳@太平館餐廳

22/11 其實本應諗住星期六放工後出銅鑼灣睇今年聖誕節有咩禮物買 ,

另外又適逢是 Sogo 的感謝周年慶 , 所以咪順便睇下有咩平貨可以執 ,

未掃貨前緊係先醫肚先左揀右揀朋友最終於建議去食特大嘅梳乎厘 ,

好 ! 終於可以試我想試咗好耐嘅 " 太平館餐廳 "



" 羅宋湯 "

香濃足料的羅宋湯加埋質感實在而軟熟的餐包好滿足呀 !



" 大蝦沙律 "

呢個沙律都好食尤其啲蝦又大隻又爽口彈牙



" 焗葡汁四寶飯 (雞, 蝦球, 豬扒及牛脷) "

朋友們為咗遷就我唔多食牛所以便選擇了這個焗飯 ,

又是足料之作每款餸都是大大件而且都好好味 ,

這店的牛脷好似好出名於是我又偷偷試了少少 ,

焗飯的牛脷整得好腍滑第一次有入口即溶的感覺



" 太平館瑞士雞翼 "

是這店的名物瑞士汁真係調配得宜 " 好味 "

而且雞翼仲好大隻好在有兩位食得之朋友在場 ^^



這個是套餐的甜品




" 原味梳乎厘 "

另一主要目的之前係電視劇曾經見過咁大個梳乎厘 ,

但無諗過自己都有機會食  ( 但三個人食原來真係好 ' 甘 ' 架 ! >.< )

我比較鐘意食面層因為有少少似剛焗完的清蛋糕面 ,

但中間就好濕潤好似食泡泡咁個人感覺麻麻 ;

之前係網上睇到有人評論店員的服務態度不是太好 ,

但當日所見的剛好相反他們都算親切有禮


(相片借用於朋友 L )

食飽飽就刹入戰場喇 !  ( Sogo )

原先一心只想買  LE CREUSET 嘅扒碟 ,

點知買下買下就中伏咗買埋呢件大玩具 3 Tier Cake Stand ,

因為減價所以搞到我都忍唔住手 ^^