美味的酸菜白肉鍋@養心殿台式養生鍋

11/01/2018 同朋友都有一段時間無見喇 !

既然朋友出到聲話出來飯聚當然無問題啦 !

咁啱當日的天氣都比較凍所以我就建議去打邊爐 ,

但唔想再食任飲任食的火鍋了 ,

於是我就去 openrice 揀了三間火鍋店給朋友選擇 :

1. 酒鍋

2. 101手工涮涮鍋

3. 養心殿台式養生鍋

最終朋友揀咗養心殿咁就一於去試一試啦 !



打邊爐當日其實我仲係病緊 ,

所以湯底只可揀酸菜白肉鍋  ( 但其實我又唔多喜歡藥膳湯底的 )

當晚只得兩個人叫嘢食都要特別小心不可眼寬肚窄 ,

這裡已經是我們整晚的火鍋配料



" 酸菜白肉鍋 "
( 秘方醃制東方大白菜  極品豬王花腩  配上QQ寬粉條 )

第一次食酸菜白肉鍋原來是咁美味的 yum ! yum !



" 即炸脆響鈴 "

這店的響鈴很好吃很鬆化又沒有油溢味 ,

所以食多幾條都唔怕膩 ^^



" 千層凍豆腐 "

喺網上我見好多人都食呢個凍豆腐咁緊係要試吓啦 !

原來呢款豆腐內裡好似蜂巢咁吸埋個湯汁真係十分之美味 ^^



酸菜白肉鍋還會跟多一碟酸菜白肉 " 正 " 呀 !



" 自家製鮮蝦雲吞、自家製韮菜餃 "

我好鍾意食韮菜餃所以有一定會 order ,

這店的韮菜餃皮薄餡靚連朋友都讚話好吃 ^^



" 手工丸類拼盤 "
( 黑松露蝦丸、鵝肝墨魚丸、梅菜豬肉丸、芝士牛肉丸、墨魚丸 蝦丸 )

由於得兩個人實在食唔到太多嘢 ,

咁唯有點這個拼盤就可以一次過試晒所有丸子喇 !

黑松露蝦丸 鵝肝墨魚丸 梅菜豬肉丸同芝士牛肉丸都幾特別喎 !

但睇番張相點解我好似無食過 "梅菜豬肉丸 " 嘅 !

定係我食咗都唔知呢 ?



" 雜錦蔬菜盤 "

原先我哋諗住有個半鐘食都應該會 ok ,

所以就應承店員八點半交枱 ,

因八點半前交枱就會享有全單七折 ,

但原來都真係唔多夠時間 ,

最後盤蔬菜雖然放晒落個鍋度但都食唔到  ( 做咗大嘥鬼添 ! )



" 鮮蝦滑 "I

個蝦滑爽口彈牙 "正" 呀 !



QQ寬粉條吸收了酸菜白肉鍋個湯底真係超級之美味 ,

原來呢個鍋裡亦有好多粉條 ,

朋友第一次食已經勁鍾意所以不知不覺就食到飽一飽 ^^



其實我都不停同朋友講如果加埋辣就會變成酸辣粉了 ,

但現在這個味道也不錯 ,

估不到第一次吃酸菜白肉鍋就已經愛上它 ,

搞到我到現在都念念不忘 ,

真係好想 ..........好想 ..........好想快啲再食呀 ! T-T

總括而言價錢雖然有點貴但食物質數都算唔錯 ,

唔知係個鍋定係啲食材夠鮮味基本上所有食物都不用點醬汁也可