09/08 近呢一 , 兩年多咗喺銅鑼灣搵食 ,
無錯今次揀來位於銅鑼灣嘅 " The Grill Room " ,
餐廳是樓上舖環境比較細小所以枱與枱之間亦十分之近 ,
場內亦播放著嘈雜的音樂加埋食客的說話聲都幾嘈架 !
" 椰菜花忌廉湯 "
由於當晚的 Dinner Set 唔多啱我口味所以唯有散叫 ,
而朋友因為有少少唔舒服亦不能進食熱氣的燒烤 ,
最後就點了 Dinner Set 內的意粉 ,
Dinner Set 頭盤有 : 是日湯 , 巴馬火腿温泉蛋配黑松露筍沙律或
三文魚他他配香草乳酪汁 + 主菜 + 甜品
好明顯頭盤朋友揀了是日餐湯 ,
如果比我揀我一定會揀 " 巴馬火腿温泉蛋配黑松露筍沙律 "
" Peach Lemonade "
飲品買一送一都幾吸引架 ! ( 不過一定要同款 )
朋友雖然有少少唔舒服但都陪我飲了一杯 ,
杯飲品酒精偏淡所以朋友要求店員另加了 VODKA ,
加了 VODKA 後杯飲品果然好飲好多 ^^
" 香草燒羊架配烤蔬菜 "
本應諗住熱天盡量唔食羊 ,
但在網上見到咁靚仔嘅羊架又點忍得住呢 ?
所以當晚我就要了這個香草燒羊架 ,
店員問我要幾多成熟時我諗都唔諗就要了五成 ,
嘩 ! 佢真係燒得好粉紅好靚仔呀 !
嗰羊架本身都已經好夠味所以我都無乜點醬汁 ,
終於可以品嚐到嫩滑的羊架真係超開心 ,
一客有 4 枝骨仲有咁多露筍都唔好話唔飽 ^^
" 香炒新鮮蜆仔配墨汁青檸扁意粉 "
如果要 Set 我都會點呢個墨汁意粉 ,
我問朋友好不好吃她說 " 好呀 ! "
朋友將她的 Dinner Set 甜品讓了給我 ,
原來朋友預早同餐廳說要在甜品加生日牌 ,
但這個朱古力生日牌要另加 $20.00
" 意大利奶凍配格雷伯爵奶茶 "
這個甜品好吃特別是那個格雷伯爵奶茶真係好好味 ^^
朋友真係好多謝你唔多舒服都陪我食生日飯
沒有留言:
張貼留言