02/09 早前朋友同我來了 " 秋田鐵板燒刺身專門店 " 慶祝生日 ,
好耐無食過鐵板燒喇 !
因為好吃的鐵板燒通常都比較貴
由於我哋未齊人所以就坐住等
" 季節沙律 "
個沙律好好吃有好多粟米粒粒 , 仲有一小舊甜蕃薯 '正' 呀 !
原來仲有三款前菜添 !
我比較鐘意食魚仔同牛蒡
" 千歲鶴 LELALA梅酒 星舍無添加上等梅酒 "
朋友話叫梅酒當然無問題啦 !
梅酒加冰一齊飲是最正的
" 黑魚子蒸蛋 "
蒸蛋都是在鐵板上做的 , 蛋蒸好後再加上黑魚子 ,
隻蒸蛋整得好滑口加埋黑魚子很好吃呢 ! ^^
" 原隻鮮活澳洲黑邊大鮑魚 "
嘩 ! 第一次親眼見咁大隻鮑魚
呢度要分四個人嘅份量
鮮活鮑魚真係又鮮味又爽口彈牙 ^^
繼續燒唔好俾佢停 ^^
同一時間煮緊三樣嘢 : 銀雪魚柳 , 北海道活帶子 , 珍寶大虎蝦
"北海道活帶子" 都幾大粒加埋燒汁一齊食真係好好味道
滑滑的銀雪魚柳 "正" 呀 !
" 活伊勢龍蝦 "
點解擺隻龍蝦頭喺度嘅 ?
原來是用來表演燒蝦殼
嘩 ! 當時個場面都幾震撼架 !
蝦殼燒完之後就會拿回廚房 ,
拿回廚房做什麼下回分解...................^^
嗒嗒的龍蝦肉既爽口彈牙又鮮甜味美 "正" 呀 !
開始煎鵝肝多士喇 !
" 香煎頂級鵝肝 "
好邪惡的鵝肝但又好食到講不出說話 ^^
朋友加了錢就將原本的 " 澳洲頂級和牛薄燒 "
轉成了 " 鹿兒島霜降和牛厚燒 (16oz) "
我又破戒試靚嘢 " 鹿兒島霜降和牛厚燒 " 又真係幾好食喎 !
" 大蜆麵豉湯 "
這個湯我是向朋友借來影相的
" 龍蝦麵豉湯 "
嗱 ! 嗱 ! 嗱 ! 頭先燒過的龍蝦殼就是用來煲湯 ,
因燒過的蝦殼會特別香用來煲湯是就更加 "正" 啦 !
我當晚就是飲這個龍蝦真係好 "正" 架 ! ^^
" 炒野菜 "
原來食夜晚可以先用個炒飯來砌公仔同用蛋漿寫字 ,
朋友知我鐘意米奇所以就叫廚師姐姐砌個米奇頭俾我 ,
都砌得幾靚喎 ! ( 多謝靚女廚師姐姐 ^^ )
待我哋影完後相廚師姐姐就開始做炒飯喇 !
原來炒飯都有咁精彩嘅表演睇 " 正 " 呀 ! ^^
" 招牌秋田炒飯 "
嘩 ! 乜原來炒埋炒埋每個人都可以分到咁大碗炒飯嘅 ! ( 好飽呀 ! )
飯後還有精選甜品有人要芝麻雪糕大人要紅豆雪糕
最後一樣就是人見人愛的豆沙餅
芝麻雪糕 + 豆沙餅
豆沙餅即整即吃又香又好味真係好想要多一件 ^^
我哋問靚女姐姐豆沙餅有無得賣 ,
佢話應該有得賣 ( 我諗詳情要詢問店方 )
朋友訂位時同店方講同人慶祝生日 ,
所以食店就送了這個生日蛋糕 ,
雖然個朱古力蛋糕都幾好味但食埋佢當晚個個都食到超飽 ,
原來每樣食少少都會變得好飽可能太多嘢食喇 !
朋友十分之多謝你讓我可以食到咁豐富嘅鐵板燒 ! ^^
沒有留言:
張貼留言