16/05 星期六約咗人食晚飯但中午放工後見無地方去 ,
咁啱朋友 M 話想去試咖啡店當然 ok 無問題啦 !
臨時臨急喺 openrice 找到了 N1 Coffee & Co ,
之前上網見人介紹過都有諗過想試 ,
今次上 openrice 見到咁就比咗兩間 cafe 朋友揀 ,
朋友最終揀了這間正合我心意 yeah !
出到尖沙咀時正下著滂沱大雨幸好這店距離地鐵站不遠 ,
但店舖真的十分細小差少少就路過好彩夠眼利望到 ^3^
可惜 full house 所以唯有在門外等了一會
咖啡終於來了
我的 " Flat White "
個人感覺個拉花表面張力唔係好夠 , 但咖啡都算 ok 嘅 !
朋友的 " Picolo "
" Avocado & Egg Sandwiches "
眼見大部份的食客都是食 All Day Breakfast ,
但上網睇圖好似唔係好吸引於是就試佢啲三文治喇 !
哩份三文治是朋友揀的都幾好食喎 !
" Blueberry Muffin "
本應想試 " Banana Cake " 但眼太大睇唔到 ,
見到有 Muffin 咁咪試咗佢囉 !
估唔到隻 Muffin 好濕潤又不是太甜十分之好味
" Mushroom & Cheese Sandwiches "
呢款三文治是我揀的一樣咁美味 yummy ! yummy !
本應想試埋意粉架 ! 點知當日的意粉要晚市先有得供應 >.<
雖然店舖細細唔算坐得好舒服但別有一番風味 ,
如果有機會路過又不太趕時間的話不妨入內一試 ,
因為差不多所有食物都是即叫即製的 ,
所以難免要需時等待對於我嚟講等唔緊要 ,
最緊要是出來的成品是好味的就可以了 ^^
07/05 上次同朋友試完 "悠蔬食" 下午之後就好想試埋佢個晚餐 ,
終於約埋朋友一齊去試如果唔想食分兩個時段可揀星期一至四 ,
今次就揀了星期四約七點去到餐廳都唔算好多人
雖然這裡地方唔算好大但我都幾鐘意佢個環境 ,
白色 + 粉藍色是我喜愛的顏色比人一個好舒適的感覺 ,
中間枱位的櫈下還有一個籃可供食客放置隨身物 ,
只是略嫌櫈腳比較容易被人踢到
" 南瓜甘筍忌廉蘑菇濃湯 "
好香濃嘅南瓜湯嗰湯真係好濃郁好好飲 ,
但朋友就唔太鐘意佢重奶味所以她唯有用黑胡椒來
" 紅菜頭蘋果合桃沙律 "
這款沙律清身得嚟又有少少酸合桃又好食 ,
真是一道又健康又開胃的前菜
" 四喜烤夫 "
上海菜中的烤夫是我的至愛而這店也做得不錯
" 涼拌黑木耳 "
又是一道健康的涼拌前菜爽口的黑木耳配埋陳醋簡直是絕配
" 香芒牛油果苜蓿芽手卷 "
其實手卷是有兩款選擇的只是我同朋友都不約而同咁揀埋同一款啫 !
之前來下午茶時就是因為見到那手卷好吸引所以更加想來晚餐 ,
從來在街外未食過咁脆口嘅紫菜 , ( 我同朋友都勁 like )
加埋香芒牛油果苜蓿芽的配搭亦好有新鮮感 ,
原來手卷都可以咁輕食 yummy ! yummy ! ^^
" 西西里時蔬蕃茄燴扁意粉 "
上次茶聚時都有朋友試過這裡的意粉感覺不錯 ,
咁今次我又點可以錯過呢 ?
這個時蔬意粉材料足又整得好好食而且仲好似好大碟添 !
" 紅咖喱野菜猴頭菇丸配印度薄餅及糙米飯 "
我已經揀咗意粉另一款當然由朋友負責點選啦 !
這道素菜的顏色十分奪目立即引起食指大動
上網睇番資料原來個咖喱是以辣椒粉, 香茅, 南薑, 檸檬葉等材料打成的 ,
這個紅咖喱唔單止唔辣而且仲好美味可口 ,
搞到我哋要加多一個真珠糙米飯來撈飯吃 ,
不得不提這裡的珍珠糙米亦十分之好食 ,
但個印度薄餅好油我同朋友都比較麻麻地 ,
朋友仲話似超市賣的雪藏油酥餅 ,
而猴頭菇丸則是由猴頭菇混合豆腐搓成的好有心機的一道菜式 ,
個人感覺幾可亂真口感真的有點似肉丸
" 野什莓乳酪蛋糕 " , "椰汁馬豆糕 "
當晚的甜品共有兩款選擇剛好朋友唔鐘意食乳酪的製品 ,
所以就兩款甜點都要晒 ^^
"椰汁馬豆糕 "
雖然沒有一粒一粒的馬豆但依然食得出是香滑的 " 椰汁馬豆糕 " ,
沒咬口的馬豆糕對於我嚟講是可接受的 ,
但朋友就似乎唔多鐘意 , 你又可否接受這樣的馬豆糕嗎 ?
" 野什莓乳酪蛋糕 "
這件沒有加蛋的乳酪蛋糕味道也還算是不錯
晚餐後店方會向食客俸上玄米茶作結 , 亦替完美的晚餐劃上句號 ^^
網上資料所示這裡的總廚康師傅是一個中泰混血兒 ,
而且他還在功德林掌廚 20 年原來 " 豆腐餃子 " 也是出自他的手 ,
下次再去一定要試還有個焗蘑菇我都好想試呀 !
雖然餐廳的晚市設定每人消費為 $200.00 好似有點貴 ,
但如果從師傅的心機加優質的食材個人覺得都是值得的
02/05 朋友生日諗住晚餐同朋友去試 " Bel Cibo Restaurant "
當初只 book 到 8:30pm 嘅時段本應朋友都無問題 ,
但朋友因前一晚睡得不太好所以就想早一點用膳 ,
可惜該餐廳又不能改早一個時段咁唯有轉地方 ,
亦都幸好要轉地方因為由原來三個人的晚餐變成了五個人 ,
本應想轉 " Al Molo Ristorante Italiano " 咁啱佢又 full booking ,
咁無辦法之下唯有再轉去 " Maison Eric Kayser " 試一試 ,
好彩有位而且仲無限時添 !
" 烤什菜沙律 "
個沙律一上枱個個都認為佢個賣相唔靚仔 ,
但食味 ok 嘅 !
通常第一個麵包籃會有三款唔口味嘅麵包 ,
朋友們對這裡的麵包似乎都幾鐘意 ,
我最鐘意就是這麵包店的 " 乾蕃茄意大利包 " ,
所以未用餐前我已經過隔離買咗佢嘅 "薑黃果仁包" 同 "乾蕃茄意大利包"
" 燒焗法國春雞配炒紅椰菜伴燒肉汁 "
之前食過覺得好食於是推介比朋友一試 ,
果然保持到水準春雞整得好香而且仲好 juicy 朋友們都讚不絕口 ^^
" 墨汁魚肉漢堡 "
首先我要多謝為我哋分包的朋友 ,
因為要一分為五都咪話唔難 ,
個漢堡一般反而朋友們勁 like 個薯條 ( 真係估你哋唔到 )
因為朋友們都覺得啲麵包好食所以要 refill ,
再次 refill 的麵包籃款式開始無咁多但一樣咁好味 ,
陰差陽錯下我哋最後總共食了 3 籃麵包好滿足呀 ! ^^
" 香煎鱸魚配青豆忌廉汁 "
香煎鱸魚也是一個不錯的選擇 ,
魚扒煎過後依然好嫩滑仲有我最愛的法國青豆 yummy ! yummy !
嗱 ! 嗱 ! 嗱 !
朋友們愛薯條的瘋狂程度就是再另外 order 一碟薯條
" 普羅旺斯燒焗羊架配法式芥末薯蓉 "
當店員問羊架要幾多成熟時無人出聲 ,
後來我見到主角的另一半起五隻手指於是我就話要五成熟 ,
講完要五成熟時開頭是有人爭議的但最終維持原判 ^^
朋友們諗住不用分所以就叫我食最細的那一件 ,
雖然要五成熟但最細的那一件是已經變成全熟 ,
後來我同唔想食咁生嘅朋友換連佢都覺得 over cook 更可況是我呢 ?
其實這店的羊架都算整得唔錯仲有啲薯蓉都一樣整得好好食 ,
只是最細的那件會比較易熟我會諒解的
" 朱古力心太軟配香草雪糕 "
朋友生日咪諗住 order 一款佢鐘意嘅甜品 ,
原來要寫字是要預早一日通知的咁無法啦 !
原來這個心太軟不是即焗的因為佢唔而需要等就可立即送上 ,
這樣的心太軟當然不是我哋杯茶 ,
總括而言我鐘意這裡的麵包同各款菜式 ,
但至於甜品就會比較一般
1/5 趁勞動節假期就陪小妹妹去睇多一次復仇者聯盟2 ,
無錯因為我之前已經同朋友睇咗一次 ,
但見小妹妹想睇就陪佢睇多次啦 ! ( 又機會睇 Chris Evans 喇 ! ^^ )
我哋明明要去 Elements 睇戲卻揀了大角咀的 "添好運點心専門店" 來醫肚 ,
嚟添好運我不是第一次 IFC同將軍澳店我都去過 ,
但原來小妹妹還未試過這店的點心 ,
所以都好想帶佢去試一試這間米芝蓮點心店 ^^
諗住咁偏應該會少啲人等位原來我錯了 ,
好彩一早預鬆咗時間啫 ! ^3^
在門外等位時唯有剔住點心先 ,
終於有位喇 ! 店舖雖然唔係好大但都算坐得舒服 ,
唯一唔好就是門口入的廚窗位無冷氣到比較熱 ,
好彩當日有自備風扇仔咁先好少少
" 沙律海皇卷 "
食過咁多間嘅海皇卷暫時最鐘意食呢間 ,
因為個粉漿薄得嚟又好脆口加埋沙律一齊食好有滿足的感覺
" 酥皮焗叉燒包 "
小妹妹本身已經好鐘意食叉燒包自從試過酥皮叉燒包後更加大愛 ,
酥皮叉燒包是這店的必食推介佢又怎能不試呢 ? ^^
" 晶瑩鮮蝦餃 "
好似細粒咗但依然保到持水準皮薄餡靚 " 正 "
" 香滑馬拉糕 "
呢個馬拉糕好似有少少鹹唔係好啱我口味
" 煎臘味蘿蔔糕 "
嗱 ! 嗱 ! 嗱 ! 點解小妹妹剔點心竟然剔漏咗佢平時最鐘意食嘅蘿蔔糕 ,
幸好比我發現到補加番單如果唔係佢就走寶喇 !
佢食第一嗒時已經話好好食 ,
原先是預每人食件半的最終佢都問我可唔可以食埋嗰半件 ,
見妳食得咁開心當然無問題啦 ! ( 就係咁佢就食咗兩件喇 ! )
26/04 這個星期天本應是約了媽咪入西貢的 ,
但媽咪星期六又約了朋友剛好朋友 L WhatsApp 問星期天有咩節目 ,
所以星期天的食腳就換了朋友 L 陪我去西貢搵食喇 ! ^^
哩個紙船陣都幾靚喎 !
之前係明報 OL 網見到介紹這間 " 金山粥店 " 嘅腸粉話好食 ,
於是就諗住第一站就入去食早餐 , 但幾經辛苦先搵到間舖 ^^
聽講佢嘅蝦米腸同炸兩好受歡迎 ,
當日眼見好多食客都係叫粥再加呢兩樣腸粉 ,
本應我哋都諗住 order 哩兩款腸粉 ,
但朋友 L 見隔離位的炸兩勁大碟於是就問我食唔食得晒 ?
朋友 L 未入西貢前因胃部不適已經食了少少早餐 ,
所以她驚會食唔晒咁我唯有揀試炸兩先 ( 因為我鐘意食炸兩多啲 ^^ )
朋友 L 覺得雖然 ok 但未至於好食到要專登入去食 ,
但如果有朋友去開都可以推介一試嘅 !
而我自己就覺得好滿足好耐無食過咁正嘅炸兩 ,
這種感覺真是舊粥舖先會搵得到
" 皮蛋瘦肉粥 "
個粥我就覺得麻麻地可能我覺得佢淡味啩 !
如果再有機會要試清楚先得
食飽飽就繼續周圍逛我哋當天的活動範圍都是在碼頭附近 ,
但西貢碼頭原來假日是咁多人的 , 所以唯有沿岸照下啲船仔啦 ! ^3^
大家拍完一輪照就去咗 "全記海鮮菜館 " 飲茶 ,
之前都有同媽咪來過這裡飲過茶都算 ok 嘅 !
嘩 ! 好似好犀利加上我又鐘意食奶皇包緊係要一試啦 !
三隻飽就只有朋友哩隻奶皇包先有咁流心 ,
唉 ! 失望呀 ! 仲要話係金牌添點搞呀 ? >.<
" 全記蝦餃皇 "
朋友在酒樓外見到食客的蝦餃都幾靚仔 ,
於是就剔了一籠但點解無咁靚仔嘅 ? ( 唔通真係隔離飯香 ^^ )
" 鮮蝦燒賣皇 "
" 鮮竹牛肉球 "
飲完茶又差不多是回程的時間因朋友 L 要同屋企人食晚飯 ,
咁我哋就開始去買要買嘅嘢
當我話入西貢時朋友就即時諗起話要買 " 龜包 "
因她之前食過話好好食仲念念不忘添 !
原先朋友都唔記得間店名但最終又比佢搵到就係哩間 " 陳褔榮餅家 " 喇 !
朋友講嘅 " 龜包 " 原來即係 " 甜豬包 "
朋友先買咗一隻分咗一半比我試食 ,
咦 ! 真係好好食喎 ! 外皮微脆包心軟熟得嚟又有少少甜 ,
有越食越想食嘅感覺最終每人掃咗半打走 ^^
最後就係要嚟哩間 " Sai Kung Cafe & Bakery "
我最愛就是這裡的鮮奶撻 ,
可能臨近三點三有好多人在排隊當日仲要好曬添 !
之前我只食過佢嘅葡撻同鮮奶撻 ,
但當日閒逛時就見到有個男仔一手攞住好多隻麵包 ,
那時還未知邊間麵包店咁犀利 ,
到排隊時才知原來是這間店的菠蘿包 ,
大部份人排隊都是買菠蘿包同菠蘿油 ,
當時約下午三點人龍都排得幾長 ,
排隊時見麵包師傅不停咁出菠蘿包真係好似好搶手喎 !
" 鮮奶撻 "
我極力叫朋友 L 試鮮奶撻最終佢都試咗 ,
我排第一轉時只記得自己要幾多隻鮮奶撻而忘卻了朋友 L ,
就在這陰錯陽差的情況下朋友 L 反而食到剛出爐的鮮奶撻 ^^
當晚就與媽咪食包包同鮮奶撻做晚餐 ,
加埋維他出品嘅港式奶茶同鴛鴦感覺自己好似去咗茶檔一樣 ^^
