09/04 早前朋友以為我去九龍城食泰菜所以極力推介此店給我試 ,
佢仲話又平又好食 , 當晚我真的去試了問他有什麼菜式可推介 ,
佢話樣樣都好食喎 ! ( 係真唔係呀 ? )
炸蝦片是食店贈送的餐前小吃
真係好好味搞到我臨走時都想買回家吃 ( 但最終沒有買 ^^ )
" 馬拉盞炒椰菜苗 "
朋友推介椰菜苗好好食咁緊係要試吓啦 !
" 檸檬燒牛肉 "
No. 1 招牌菜緊係要試吓啦 ! ( 基本當晚每一枱都有叫哩個餸 )
不枉我破戒啲燒牛肉真係半生熟又好味又夠腍身 ,
破戒以來第一次有食唔停口嘅感覺 ( 所以檸檬燒牛肉是必食的推介 ^^ )
只是底部的醬汁有點鹹
" 鹽燒盲鰽 "
哩個鹽燒魚我見好多人都推介所以便叫來一試 ,
原先媽咪話要 " 鹽燒烏頭 " 單都已經落埋 ,
但老闆娘路過都話鹽燒盲鰽好食咁咪立即轉單囉 !
條魚一上枱老闆娘見我係度拍照跟住佢就話趁熱食呀 ! ( 知道 ^^ )
條盲鰽果然無咩骨啲魚肉仲好滑口添 !
可能魚肉本身已經好夠味所以我都無咩點醬汁來吃 ,
但真係要趁熱食凍咗啲魚肉就無咁滑
" 泰式拼盆 "
第一次見泰式拼盆有炸皮蛋 , 用蝦包住皮蛋一齊炸又幾好食喎 !
串燒比想像中好食至於其他炸物都 ok 好食 ,
特別是我不太喜歡吃的炸魚餅但這裡整的我又覺得好吃 ^^
朋友真是好介紹這店真的又平又好食
沒有留言:
張貼留言