26/12 之前朋友 L 問聖誕有咩搞作見下午有空檔便立即約佢去嘆茶 ,
朋友話想行葵涌廣場於是就近咪去咗 " 中國芳 " ,
知有呢間食店好耐但就是一直都沒有幫襯過 ^^
" 上海鮮肉鍋貼 "
好耐無食過咁好味嘅鍋貼甚至有少少愛上佢 ^^
差點就忘記了兒時吃過好吃的味道 ,
鍋貼皮厚薄適中又唔會好油 , 最重要就是嗰鍋貼底是脆脆的 ,
基本上整隻鍋貼都好好食不用加醋一齊食也可 ;
雖然剔點心時見到有鍋貼但得兩個人飲茶 , 所以我無諗住會 order ,
幸好朋友的少少堅持最終還是 order 了
" 蘿蔔絲酥餅 "
呢個點心又是我的至愛 ^^
" 韭黃鮮蝦腸 "
" 鴛鴦水晶包 "
呢個水晶包皮薄餡靚 , 水晶包個皮晶瑩剔透又夠煙靭 ,
而且蓮蓉同豆沙餡又滑又唔算好甜 "正"
" 蟹籽蒸燒賣 "
" 山竹牛肉球 "
朋友 L 的必食 item ( 佢自己一個清晒呀 ! ^^ )
" 煎芋茸糯米餅 "
仲以為係咩原來係燒餅 , 但個皮就唔係好掂完全唔夠軟熟 >.<
食飽飽就同朋友去逛葵涌廣場喇 !
行到差唔多尾聲就見到呢條俄羅斯公仔頸鍊好靚呀 !
所以最終都係敗咗但到現在還未諗到點襯 ( 點算好呢 ? )
買 3 件貨品又再平啲終於跌咗入陷阱由買 1 條鍊變咗 3 件貨品 ,
朋友 L 亦買咗隻戒指而我就買埋呢隻蝴蝶戒指喇 !
去到 Element 就是我第二場的開始 ,
朋友還未到見有聖誕燈飾緊係影番幅相先啦 !
我的第二場是去 Element 睇 " 哈比人.五軍之戰 "
未睇戲前先去食晚飯朋友建議食 " Mango Tree " ,
驚無位所以我一早就訂定位喇 !
" 柚子大蝦沙律 "
呢個沙律朋友點的雖然有少少辣但好好食 ,
大蝦夠爽口彈牙而且個沙律仲有好多柚子添 ! yummy ! yummy !
" 泰式炸蝦多士 "
其實蝦多士應該會係好多人的至愛當然包括我啦 !
但當晚的蝦多士有少少不是我杯茶 , 朋友仲話有少少油溢味添 !
" 大蝦炒粉絲 "
本應諗住揀一個炒粉同一個炒飯 ,
但見到有炒粉絲好似好吸張所以就要咗個大蝦炒粉絲喇 !
又真係唔錯炒得香口又好食
" 蟹肉炒飯 "
之前食過蝦膏炒飯好食 , 估唔到呢個炒飯都係一樣咁好食
" 蒜蓉炒芥蘭苗 "
朋友特別點呢個芥蘭苗因為佢係第二間餐廳食過話好味 ,
咦 ! 真係又嫩又好食喎 ! " 正 " " 正" " 正 "
" 香芒糯米飯 "
好少食芒果糯米飯但呢個都幾好食呀 !
食飽飽就去睇 " 哈比人 . 五軍之戰 "
套戲開場無耐有啲啲悶加上又剛剛食飽飯 ,
所以有少少釣魚嘅情況出現 ( 原來不只我一人架 ! ^^ )
但套戲今次個 3D 效果真係做得好好同之前兩集明顯有所不同 ,
去唔去睇自己決定啦 ! ^3^
沒有留言:
張貼留言