31/10 之前朋友試了位於 H8 的 " 韓松 Hansong " 話好食 ,
所以搞到我一直都心思思好想去試 ,
加上又唔知點解我好鐘意係 Halloween 既日子出街於是咪約人食飯囉 ! ^^
在餐廳牆上標示出來的介紹
餐牌都好有韓國 feel
一入到餐廳已經嗅到好香既燒烤味所以又點可以唔食韓燒呢 ? ^^
朋友為了就我不吃牛因此便 order 了一個 " 烤熟成生豬肉套餐 "
套餐有粥或湯以作選擇好明顯我定大家都要咗粥 ,
基本上個粥是無味的只靠那些紫菜來吊味 ( 有時清清地都幾好架 ! )
跟住還有沙律同伴菜
沙律夠新鮮好食
呢款前菜我問咗朋友叫 " 榛子凍 "
其實係無咩味但加埋面頭既配菜一齊食咸咸地都幾好食架 !
大大片既蘿蔔泡菜又薄身又脆口成了我的大愛 ( 原來還有其他用途 )
泡菜當然好味啦 !
嘩 ! 呢碗又蒜又蔥既物體我真係頂唔順 ( 可能本身極不鐘意蔥同蒜 )
" 熟成生上豬頸肉 , 熟成生五花腩 , 熟成生豬排肉 , 大豆芽 , 涼拌韮菜 "
偷影埋朋友既添 ! (可能佢都忍唔住想開餐 ^^ )
差少少唔記得每人仲有一小杯梅酒 ( 但味道不是我杯茶 )
這店的好處是由店員來燒的 ( 等食真好 ^3^ )
搞掂可以開餐喇 ! yummy ! yummy ! ^^
原來用薄蘿蔔片來包住啲肉一齊食是咁好吃的 ,
之後緊係要再 refill 蘿蔔片啦 !
個套餐仲有 " 蔬菜包飯 "
" 雜糧雪泥 "
聽店主講原來是韓國人的平常飲品 ,
Hoho.............真大鄉里但我同朋友都有興趣飲於是便叫朋友先試飲 ,
朋友試完話有啲麥味唔甜都 ok 既 !
好啦 ! 見佢好似健康咁一於就試飲一下 ,
感覺有啲似飲黑胡麻無咩甜味我 ok 呀 !
招牌菜 " 豉油螃蟹 "
除咗韓燒呢個螃蟹又是另一賣點 ,
之前見朋友係韓國食得咁開心我都好想試一下 ,
近年由韓國人開的餐廳多咗而 " 韓式的豉油螃蟹 " 亦成了賣點之一 ,
有機會一定要試因為這度菜式真係好鮮味好好食 ,
食埋呢個螃蟹真係超飽 ( 當然我都要朋友出手相助啦 ! ^^ )
沒有留言:
張貼留言