09/10 之前同屋企人去 " 極尚大喜屋日本理料 " 晚膳被朋友詐型 ,
所以今次以陪客的身份比個藉口自己再同朋友去食一餐 ^^
( 玉子 , 三文魚 , 池魚王 , 油甘魚 , 希靈魚 , 赤貝 , 北寄貝 ,
響螺片 , 象拔蚌 , 北海道帶子 , 天使蝦 )
Haha...............通常第一 round 既剌身差唔多 order 紙有既都全部叫晒 ! ^^
" 鹽燒牛舌 "
" 燒有機菠蘿 "
咦 ! 又淋又甜又真係幾好食喎 !
可惜太多食物選擇所以最後只嚐了一片 yummy ! yummy ! ^^
" 柚子大蝦沙律 "
" 意式黑松露帶子沙律 "
今次有四個人所以我每款都 order 兩個 ,
上次試咗帶子沙律今次緊係試吓大蝦沙律啦 !
" 三文魚皮漬 "
呢個朋友見佢係 " 人氣 " 所以就 order 咗來一試 ,
魚皮呢我就麻麻地都唔記當晚自己有無試呢個添 !
" 燒雞軟骨 " 都 ok 既
( 天婦羅蝦 , 有機茄子天婦羅 , 温室南瓜天婦羅 , 日本蕃薯天婦羅 ,
有機冬菇天婦羅 )
今次全部既天婦羅款式都叫齊晒 !
這店的天婦羅蝦係必食推介 , 至於温室南瓜好似硬了點又無咩味
( 北寄貝 , 北海道帶子 , 赤貝 , 象拔蚌 , 三文魚 , 希靈魚 )
第二 round 都收歛咗少少但估唔到都有咁大盤 ^^
食過兩次都覺得這店的刺身夠凍又夠新鮮 ,
當晚的三文魚較上次的厚切真係好 " 正 "
" 炸魷魚軟骨 , 紫心香芋丸 , 芝士年糕 , 芝麻雞翼 "
當晚炸物的鑊氣好似犀利了一點魷魚軟骨都變得有點硬 ,
但芝士年糕一樣超級好味可惜當晚太飽最後只能食到一件 ,
估唔到 " 紫心香芋丸 " 是甜的所以留待作甜點 ( 呢個都好好味架 ! )
" 火炙三文魚腩壽司 "
雖然好 " 正 " 但始終有飯都唔感食咁多件
" 海膽赤蝦壽司 , 黑松靈油甘魚壽司 "
原先大家都想搵海膽食但找來找去都只見到呢款 ,
所以咪大家都試咗一件 ( 原來這店的海膽我食不到的 >.< )
其實不是店方的問題只是我自己不是款款海膽都可以食到 ,
暫時只有 " 板長 " 的海膽我是食到的
" 蜜汁燒豬肋骨 "
" 鹽燒多春魚 "
" 海膽軍艦 "
點完海膽赤蝦就見到呢個軍艦所以都要埋 ,
最後唔好意思要麻煩其中一位朋友幫我清埋佢 ^^
" 鹽燒青花魚 " 呢個都 ok 好味架 !
" 炒五目雜菜 "
朋友話要食菜這個是唯一的選擇
" 燒日本蕃薯仔 "
見朋友點就問她好食嗎 ?
她答我好味咁我都要一串吖 ! 唔該 !
又真係幾好食喎 ! ( 又香又甜 )
" 北海燒帆立貝 "
上次食過好食今次點都要番隻先 ^3^
最後既甜品就係每人一杯 Haagen-Dazs
上次既期間限定係香蕉味而今次則轉了藍莓味 ( 咁我緊係試新野啦 ! )
由於放工出到尖沙咀都差唔多要 7:00pm ,
所以擇了第二輪時間由 8:45pm 開始入座 ,
朋友們都話可能太夜食所以影響了戰爭力有少少下降 ,
如果下次再食一定要食第一輪 ^^
04/10 隔咗差唔多兩個月又重臨舊地 ,
上次是朋友同我慶祝生日今次輪到我幫佢慶祝喇 !
之前都有諗過別的選擇但最後還是想食得舒服一點 ,
所以就再度重臨 " LUXURY " 今次我哋兩個又係包場呀 !
唔知係我哋好彩定係老闆的不幸 , 但當晚又真係食得好開心 ^^
自家製既麵包今次仲有三款口味咁多 " 正 "
" 38個月西班牙火腿蜜瓜卷 "
38個月西班牙火腿配埋超甜既蜜瓜真係好 " 正 "
仲有新鮮既沙律菜 yummy ! yummy !
" 燒珍寶虎蝦配蜂蜜蛋黃醬 "
上次都有食過這道菜亦是我的喜愛菜式之一 ,
因大大隻既虎蝦整得十分好味 ( 我時時都會掛住 ^^ )
今次可以再品嚐真係好開心 ^^
" 米通鵝肝配柚子砵酒雪糕 "
呢道菜雖然上次都食過但鵝肝配雪糕真係好特別 , (在別的店舖是吃不到的)
所以今次一定要 encore (店員話當日的鵝肝比較細小所以比了兩件我哋)
一樣依然咁好味教我如何不愛上呢 ? ^^
" 白酒煮法國藍青口 "
唔知係咪原先期望好高所以有少少失望但都 ok 既
" 傳統雞清濃湯 "
呢個湯真係做得好清好好飲 ( 其實呢個湯都好考功夫架 ! )
(相片借用於朋友)
" 野生牛肝菌忌廉湯 "
呢個湯我試咗一嗒都幾好飲
" 試管特飲 "
( 綠 - 萍果 + 蜜瓜 , 黃 - 橙汁 + 毡酒 , 白 - 雪梨 + 鮮奶 ,
紅 - 野莓 )
由於對藍青口有少少不滿所以好似整多咗特飲比我哋試 ,
試完我比較鐘意紅色那枝野莓酸酸地幾開胃 ,
而朋友呢就較喜歡白色那枝 ,
綠色那枝飲落有少少似啫喱味 , 其實橙色那枝都很不錯
" 低温浸三文魚卷配檸檬牛油汁 " & 唔知咩咩黑毛豬
廚師好細心佢知我哋係 share 食物所以幫我哋分碟而上 ( Thx ! ^^ )
低温浸三文魚卷比起上次的烚三文魚更嫩滑更好味 ( 來這裡一定要試魚 )
原先的 Menu 是 " 網燒牛柳配松露燒汁 " 可惜我同朋友都不太食牛 ,
所以我 book 枱時就轉咗黑毛豬當時廚師無同我講會點樣煮 ,
雖然唔知廚師點樣煮個黑毛豬但豬既生熟程度就控制得好好 " 好味呀 ! "
" 隨意藝術甜品 "
呢個甜品觀賞價值好高內裡包含了 : 白酒啫喱 ( 但太少試唔清楚 ^^ )
有朱古力 Mousse 又朱又滑又好味 ^^
大家見到金箔嗎 ? 其實是由一粒蜜瓜再在加了一層金金紅紅既啫喱 ,
感覺都幾特別朋友仲話好有聖誕氣氛 ( 又真係幾有聖誕氣氛喎 ! )
" 士多啤梨玫瑰花 "
呢個其實係士多啤梨 Mousse 賣相同做型都好靚 ,
可能士多啤梨 Mousse 不是我杯茶或者轉雜莓 Mousse 會對味啲 ^^
今次隨咗可以享受到一餐咁美味咁精彩既晚餐 ,
而且我哋還同店員及廚師一齊係度傾計令當時既氣氛變得更開心 ,
希望朋友都會滿意啦 !
