雖然去完酒展已經好攰但都要食晚飯架 !
於是有人建議去上環既 " 柏廷坊 " ,
去到那裡朋友們就對住水牌揀食店 ,
由於有部份餐廳他們都試過所以最終揀了這一家來試
來到餐廳感覺好寧靜好舒服四周的環境也不錯 ,
玻璃門外邊原來還有一個露天小陽台可供食客飲野或用餐 ,
現在的天氣應該會好舒服希望下次有機會試啦 ! ^^
我地一行六人餐廳就給了我們兩大碟包 ,
其實我並不太肚餓又怕食不下後面的食物所以就沒有試了
頭盤我要了 " 香煎帶子伴蟹肉露笋沙拉佐泰式香醋汁 "
嘩 ! 大大粒的帶子真係好吸引呀 !
但我同朋友略嫌熟了點但都 ok 既 ! 沙律的配搭新鮮好食 ^^
對於我來說這道頭盤已經等於我的主菜 ( 都幾大碟 )
朋友們的 " 海鮮湯 "
原來大家都是揀了三道菜他們揀了湯 , 頭盤及主菜 ,
但我驚飲完湯食唔落野所以就揀了頭盤 , 主菜及甜品 ^3^
朋友給我試了一口都幾好飲既 ! ( 龍蝦湯底緊係好飲啦 ! )
如果無記錯應該是朋友的 " Grilled US Kurobuto Porkloin (Six Point Farm) "
可能我有少少飽所以我一見到就同朋友講 : 我覺得佢似砧板
朋友亦給了少少俾我試係切件時我已經覺得 d 肉好實 ,
果然食落又真係好 "靭 " 只有邊位較好少少 >.<
我的主菜 " 慢煮澳洲有機羊架伴越式菜湯 "
見到咁靚靚既擺碟已經好開心 ,
個羊架好嫩滑又有好多唔同款又少吃到的配菜 " 正 "
甜品我要了 " 法式咖啡焦糖燉蛋伴藍莓芒果醬 "
本應我想試 " 草莓拿破崙配巧克力冰淇淋伴藍莓芒果醬 " ,
但每當我一見到有咖啡類的甜品就會發癲 ,
又是靚靚的擺碟咖啡燉蛋個味 ok 只是略嫌唔夠滑但都算不錯 ,
最欣賞的就是將生果切細粒可以讓食客一羹一羹咁食 ,
生果夠鮮甜最鐘意食細細粒的黑提同白提 , 雖然有核但好甜好食 ,
總括而言我覺得呢個甜品都算不錯就算食到尾生果依然是凍的 ,
因為隻碟都應該是雪過的這樣細心的做菜我已覺得是一流的水準 ,
我會再來試別的菜式希望會再有驚喜啦 ! ^.^
沒有留言:
張貼留言