上星期三因朋友生日所以就給了大家一個藉口一齊放假去玩 ,
放假前一日朋友從網上的報紙得知有一位法國麵包師在海運剛開業 ,
這間店的賣點是無添加還有自家培植的天然酵母 ,
而且麵包仲要經過長時間的發酵成 , 對於一間咁優質既麵包店 ,
我當然第一時間嚷着要去試啦 !
麵包店開十點原本諗住先到那裡買麵包做早餐 ,
然後再去影朱古力展影完朱古力展再試埋佢間餐廳 ,
怎料一入到商場朋友已經掛住拍照連肚餓都忙記了 ,
我們開心的影呀! 影呀! 影呀!
不知不覺玩完拍照已經差不多十一點幾 ,
所以只好直接去餐廳了 , 餐廳是開十二點的 (吓 ! 咁咪要等囉 ! >,< )
幸好店員可以讓我們先入座到了十二點才點菜 ~~~~~~~ Good ^.^
餐廳的地方好寬敞設計好簡約好舒服
我地剛好被安排座在窗的位置 , 在等候食物時就拍拍窗外的景致
餐前麵包亦不忘推介 4 款口味給客人品嚐 ( 法包, 合桃包, 提子包及薑黃果仁包 )
試完合桃包我地已經不約而同咁話要買返屋企 ,
友人不太欣賞薑黃果仁包但我又 ok 喎 ! ( 感覺幾特別 ^^ ) ; 唯一敗筆之處就是
點解牛油而無牛油刀既 ? ( 希望下次有啦 ! )
" 燒羊架配燒汁 " 我地要了五成熟 , 雖然唔算話好好但都尚算 ok ,
反而估唔到嗰薯蓉會咁好食 "超正"
" 香蒜辣椒扁意粉伴三文魚 " 意粉整得好食而三文魚則有點偏鹹 ,
但如果伴住意粉一齊吃是 ok 的
" Mi - Cuit " 一般啦 ! 不太是我杯茶
" Apricot Tart " 呢款都幾好味 ^^
要為完美的一餐劃上句號我試了一杯 Latte ,
竟然還伴有法式小蛋糕 , 一如歐洲的蛋糕是比較偏甜 ,
但如果食一口蛋糕飲一啖咖啡就是完美的配合 ,
還有這店的咖啡尚算不錯
望見淋廊滿目的麵包架真是賞心悅目 ^^
我終於帶咗 " 合桃包 " 同 " 牛角包 " 回家
沒有留言:
張貼留言