綠色的一天

瘋狂了 2 個星期終於是時候要清一清 ,

昨天沒有外出只留在家中休息 ,

所以一起床便給自己預備一份 Sunday Brunch ^.^



這就是我的 Brunch , yummy ! yummy !



晚餐就只加了點雞肉

其實以前很少會食咁多菜的 , 可能是朋友令我改變了 ,

因朋友要減肥有一段時間是食沙律菜 ,

而我有時亦會約她食 lunch  ,

為了不引誘她通常都會陪佢食沙律菜 ,

起初都有少少不慣 , 但食下食下就習慣了 ;

今年開始我是改變了少少飲食方針 ,

我是一個愛吃的人所以同朋友一齊是不會戒口的 ,

但如果只是一個人午餐時就盡量選揀食沙律菜 , 

希望健康亦會積少成多啦 ! 




 

金麵館/上野酵素麵包生活館

剛剛買了部新機少不免要找朋友的老公幫手裝番 d 防毒軟件 ,

所以昨日就約埋一齊食晚飯啦 !

我哋約咗 7:30pm 見時間尚早就出咗太子買包
(無端端仲咩專程去買包呢?)

事原是今期的飲食男女封面講 "天然酵母麵包" 咁就勾起我條筋 ,

之前有朋友盛讚位於太子既 "上野酵素麵包生活館" 

的 "菠蘿紅豆吐司" 好食 ,

但平時都無乜機會去嗰頭 ,

見今日約咗朋友係旺角時間尚早就去碰碰運氣 ,

六點幾出到去已經沽清啦 ! >.< 跟住買咗其他包就去食肆會合朋友



"泰式龍眼冰" 一向怕熱的我由太子步行去金魚街已經身水身汗 ,

第一時間叫番杯凍飲先



"泰式炸蝦餅" 食極都唔會厭 ^.^



消費滿 $200.00 加 $1.00就有一客剌身蝦 ,

其實除了牡丹蝦其他的剌身蝦我是不吃的 ,

因好怕有糊口的感覺 , 但朋友的老公話今次 d 蝦肉都好爽 ,

好 ! 見你咁有誠意就試一隻啦 ! 咦 ! 又唔錯喎真係幾好食 ,

但份量比起第一次少了 3 隻 >.<



朋友特別喜愛這裡的 "蒜茸包" 因夠脆口



"泰式香葉辣椒肉碎炒飯" 都 ok 既不過個人覺得唔係好夠辣



朋友唔係好食得辣所以叫咗個 "泰式炒金邊粉"

朋友同我都覺得不是太好食



"泰式咖哩蝦球" 呢個都唔錯幾好食 (嗰汁雖然不辣但都好好味)



"一口麻薯" 之前朋友買過呢款既大包給我試食 (令我一試難忘) ,

但現在只有細包沒有大包了 , 拍完照已經忍不住食了一個 ,

但好似大包好食 d 至少紅豆餡會多 d (略嫌紅豆餡的比例太少)



"黑麻花" 這款唔知好唔好味呢 ?

PopCon@板長壽司/anges b. CAFE L.P.G.

昨晚放工後要幫公司去坑口取月餅卷 ,

咦 ! 一於約將軍澳之友陪辦公事兼食晚飯先 ,

攞完月餅卷就去咗 PopCorn 晚飯 ,

最終揀了食壽司一坐低朋友已經第一時間狂掃 $9.00 的壽司 ^.^



"芥末鮑魚軍艦"



"車海老蝦壽司" & "火炙三文魚腩壽司"

火炙三文魚好肥美 "正" "正" "正" ^^



"象拔蚌壽司" & "油甘魚(柚子)壽司" 最愛(柚子)的清香味



"珍寶帆立貝壽司" 火炙三文魚實在太美味不能不 encore , 

至於帆立貝真係好珍寶食半件已經塞滿了整個口腔 ^.^



"黃鰭吞拿魚壽司" & "牡丹蝦壽司"

黃鰭吞拿我都是第一次試 (應該不是我杯茶)

剌身蝦我只愛食牡丹蝦 , 但不是次次都會食 (因為都覺得幾貴)



"軟殼蟹卷" 太細舊唔係好食到軟殼蟹好唔好味 ,

但作死佢吖咁多蔥 (對於一個唔食蔥的人) ,

可惜已經整件放了入口唯有照食啦 !

仲有一件真係要朋友幫幫手先得 >.<



"蟹麵豉湯" 好耐無飲啦 ! 朋友叫了一碗 share  , 

我覺得無初初出時咁好飲 ;

原先諗住食少少壽司跟住就去食 cake , 點知最後都是食到飽飽的 ;

晚飯後無無聊聊走咗去逛書局 , 之後就行咗去食 cake 啦 !

原來女士們食甜品真是有另一個胃的 (明明話飽仲要死去食 cake )



"Rose Iait" 之前聽朋友講好好飲 , 好今次一於試吓 ,

好香的玫瑰花味真係幾好飲



朋友揀的 "Pistache"

試食咗少少面層是有淡淡的梨香 , 但整件食就食唔出有乜味



我較愛榛子所以揀了 "Chloe" 個味又 ok 喎 ! ^.^

本應諗住慢慢嘆 ! 點知買完 cake 先醒起要買電話套同保護貼 ,

所以食完就要立即去買野無得嘆 lu ,

朋友真係唔好意思 ,

下次先再陪你慢慢嘆過啦 !  

灑家粥麵

我用緊部電話近日儍儍地 ,

佢一休眠咗就唔識起身搞到要重新開機先用到 ,

我終於引受不了昨晚就找朋友陪我去出部新機啦 !



我就是出了這部機 , 唔好問點解就因為我鐘意 ^^  

出完電話就緊係去醫肚啦 !

原本想食壽司的但近日係apm發現了一間 "灑家" 唔知係乜東東 ,

於是咪上網睇囉 !

一睇原來是由兩間曾多次獲得米芝蓮星級評分的

何洪記及正斗合作而成的粥麵店 , 

而且在apm開業已有大半年  (點解之前發覺唔到既 )

咦 ! 好似好正喎 ! 所以昨晚就建議朋友一齊去試新野啦 !



"爽脆鮮豬膶湯麵" 整體都算好食 , 但略嫌豬膶薄了少許  (新機試影)



"鮮蝦腐皮卷" 好食蝦肉好大隻好爽口 ,

而且仲有韮王為腐皮卷增添了一種香味



"皮蛋薑炸蝦筒" 呢個是我揀的 , 近來唔知點解咁鐘意食皮蛋 ?



最後我地意猶未盡仲叫咗個 "鴛鴦淨雲吞水餃"

我覺得水餃好食過雲吞 ,

個湯裡面仲有許多蝦子 , 食完呢一餐我同朋友都想再來試其他美食

近日係apm發現了一間以買貓貓精品為主的小店舖 ,

雖然貓貓的產品不是我的喜好 , 但佢地都有小量其他款式的精品 ,

而且聽店員講有些貨品是在韓國入貨的



電話防塵塞買2送1 , 我忍唔住手分 2 次合共買了 4 粒  (即係有 6 粒)

但有 2 粒已經送了給小妹妹 , 所以就沒有拍照了 

等了半年的蛋卷?

呢間蛋卷買到街知巷聞係人都識 ,

而且門市仲要無現貨買 , 全是訂貨客的取貨點 ,

講番呢 2 罐蛋卷其實已經是今年 2 月份訂的 
( 真係等到頸都長 )

昨日一早起來都唔知食咩好  ( 於是就食住蛋卷先 )

我都是較喜歡原味因為夠蛋香味好食 ,

而椰汁那款就只食到濃濃的椰汁味而缺乏蛋味 ,

但兩者都應該各有捧場客的 ; 

可惜現在要等到訂購新年檔期的貨先可以再訂購了 >.<

"十三摺水晶鮮蝦餃" 飽滿的蝦餃爽口的蝦肉 "正" ,

其實無食早餐的原因是為了要去 "彩晶軒" 飲茶 ^.^



"農家瑤柱菜苗餃" 本應都幾好食 ,

可惜餃裡面有芫茜 (是我不吃的東西) ,

但竟然 kelly 妹妹一聽到有芫茜就立即有興趣試食



我至愛的點心之一 "老爺子古法馬拉糕" yummy ! yummy !



"艇頭海味香煎蘿蔔糕" kelly 小妹妹的至愛 , 剛好一人一件



"活剁生拆韮黃鮮蝦腸" 這個腸粉每次來都是必叫的



"迷迭香芝士蝦春卷" 呢個應該食過一次但麻麻地 ,

可惜今次唔記得又 order 了 ,

希望下次真的記得..........記得..........記得別再叫 >.<



"鵝肝醬窩貼大明蝦" 呢個之前在尖東那店的晚飯食過 ,

但已經好耐無見過 , 今次見到有第一時間 order ,

這個真的很受歡迎一下子已經掃清



"白灼金菰極品肥牛" 我唔食牛 , 所以唔知好唔好食



食飽飽之後就陪小朋友去睇 "怪誕小學雞" 都 ok 幾好睇

最後一擊的生日晚飯@Initial Cafe

昨晚是 8 月份之星的飯聚 ,

主角除了我之外仲有另一位朋友 ,

今次我揀這間 Cafe 的原因 ,

是之前聽朋友講過好似都幾好咁咪試囉 !

一放工先約朋友 shopping 然後再步行去 Cafe ,

雖然剛剛打完風但走在街上都是熱熱的 ,

所以去到 Cafe 已經有少少出汗 ,

第一時間便叫來了兩杯冰凍的食品 ^.^



"沖繩黑糖豆腐冰"

我見網上有許多人都讚所以便叫來一試 ,

果然不錯有豆香味又無咁甜啱我



另一朋友的凍飲 "鳳梨乳酪冰"



"Ham & Mozzarella Cheese Toast w/Cream"

多士脆脆的 ok 啦 !



"Roasted Chicken Wings with Fennel"

淡淡的無咩味 >.<



"German Sausage & Mashed Potato w/Mentaiko Salad Sauce"

呢個不過不失



"Seafood Black Ink Pasta w/Mushroom Cream Sauce"

呢個都幾好食



"Grill Iberico & Masted Potato Pumpkin Salad
w/Mustard-herb Sauce"

全晚我最鐘意食呢個 "正" ^^



"Japanese Curry Chicken Rice w/Cheese"

第一次勁生米 , 於是朋友就同店員反應意見 ,

店員亦很有善幫我地回收 (抵讚 )



再來一客朋友為了我們不再食生米便立即試食 ,

搞到朋友燙到了咀巴真的不好意思 ,

呢碟雖然係改善了但都有少少生米的情況 (點解會咁既 ?)



嘩 ! 又好豐收呀 ! 多謝朋友們贈送的禮物



拍照時我已經喺度諗粉紅色嗰包係咩 ? (軟綿綿的????)



後來朋友告知是她自家製的飽飽 , 哦 ! 今晚要返去試吓先

caffe Habitu the table@3星大廚

昨晚約了朋友去 Elements 睇戲 ,

咁睇戲前更係去食晚餐先 ,

喺 openrice 上搜尋完一輪都唔知食咩好 ,

最終就揀了一間較近戲院的 "caffe Habitu the table"



"Salade Nicoise with Seared Tuna/嫩煎吞拿魚尼斯沙律"
(A classic Provencal salad with seared tuna, green beans, egg,
tomatoes and potatoes)

其中一位飲食朋友諗住會長期實行均衡飲食法 ,

所以要食得清清地這個沙律是她 order 的 ,

本應個沙律菜都算新鮮 , 可惜唔知係咪廚師加檸檬汁加得多 ,

定係個檸檬本身問題 (好酸呀>.<)



"Tiger Prawn Linguine with spicy tomato sauce"

這個是我揀的意粉唔夠彈牙 , 隻虎蝦仲要有少少霉口 ,

唯一可取就是有少少辣味 T-T



"Tartufo Pizza Wild mushroom and black truffle"

呢個最好食香味撲鼻的黑松露 , 加上薄脆的餅底 "正"



食飽飽就去上層睇戲了 ,

其實當一見到 "3星大廚" 就已經立即 whatsapp 飲食朋友去睇 ,

幸好朋友們都一口便應承了真好 ^-^

當影片放影時才知原來是一套法國電影  ,

不過這套戲真的直得一看 ,

當中講到大廚不應為了滿足客人的要求而烹調食物 ,

其實大廚們都應堅持自己的原則將最好的帶給食客 ,

這點熱誠是直得欣賞的 ^^