星期六下午與朋友去煤氣上 "品嚐意大利芝士" 班 ,
在課堂上不但有專人講解 ,
而且亦可品嚐到超市買不到的意大利芝士 ,
同時間又配上白酒及紅酒一起品嚐真的很開心 ,
在課堂上亦有一些產品可供給學員買回家品嚐的
我地最後買了這款芝士諗住與另一位朋友一起分享品嚐
(借用了 M 朋友的圖片)
自上次去 "Grand Central Bar & Grill"
食過 All Day Breakfast 後 ,
我對這間餐廳的環境及食物十分之有好感 ,
於是就一早提議朋友課堂後到此晚餐 ,
這間餐廳是有網上訂座的 ,
咁就一於試下網上訂座啦 !
使用的方法原來都好簡單方便 ,
到了約會那天亦有電郵再提醒你一次叫你出席 ,
到了下午又有餐廳的員工來電再 confirm 一次 ,
呢個情景好熟喎 !
咁似有時要提阿某......某......某出席約會既 但今次 Sorry !
因我上堂上得實在太開心 ,
所以搞到 miss call 添 !
店員見到我地黎攞位都覺得有點驚訝 !
他說因打電話沒有人接聽 ,
所以他們以為我地 no show ,
幸好服務員都安排了我們入座 ,
六點幾實在太早又未到用餐既時候 ,
於是先 order 飲品同小食 ^^
"GC Punch" 估唔到呢杯飲品會出晒煙望見都覺清涼 ,
又幾特別喎 !
"Parmesan Fries" 呢個薯條好好食 , 連個茄汁都 ok 喎 !
(平時我唔用茄汁的)
朋友差少少想再 encore 一次
"GC Crab Cake with Pineapple Salsa"
我最鐘意就係 "WaterMark" 既蟹餅 ,
其次就是這裡了真的很不錯
"Alaskan Halibut Fish Bites with Tartar Sauce"
本應想試煎比目魚的 ,
可惜 order 錯咗炸魚魚肉比較實不夠滑 ,
但個芝士醬就好好味 ,
另我即時想起用來點薯條也不錯 (實肥死 >-<)
最後我地 order 了 "羊肉腸卷釀墨西哥青辣椒及車打芝士"
嘩 ! 嗰羊肉腸卷超好味內裏的墨西哥辣椒就超辣 ,
朋友不是太食得辣所以就慘少少 ,
佢就好似我唔食洋蔥咁逐點逐點挑出來 ,
個沙律菜原來是加咗醋的 "抵讚"
幸好沒有再另外 order 薯條 ^.^
放學路經 Sogo 就買了這個 "越前海鮮煎餅"
之前已經試過魷魚煎餅都幾好味 ,
今次見佢有特價所以就買了一盒 ,
裏面是有魷魚同八爪魚 2 款味道 ,
終於可以試八爪魚煎餅了
(今次要破戒啦 ! 因我現在正戒緊零食 >~<)
昨晚約了朋友去食生日飯 ,
之前都提供了一些餐資料給朋友選擇 ,
最終朋友選擇了
"Al Bistro Mediterranean Restaurant & Bar" ,
在此之前我都已經來過 2 次晚餐 ,
第一次都是同朋友慶祝生日 ,
而第二次就係今年 2 月同朋友晚飯 ,
估唔到咁快就第三次了
^-^
我地經過一輪研究後決定要一個套餐然後再 order 其他食物
其實整籃麵包我最鐘意食就係蛇仔麵包條 ,
點解無咗既有點失望 >-<
雖然佢都有麵包條但感覺無之前嗰款咁好食
(牛油 + ?肝醬) 嗰醬都幾好味架
!
呢杯 "Cuban Apple"
都幾好飲喎 !
這個是餐廳的招牌菜式
"香蔥芥茉忌廉焗英國麵包蟹蓋"
份量足夠 2 個人享用 ,
可能我的食量不多如果有 3 個人分享就好了 ,
我食完半份蟹蓋已經飽咗一半
呢個係套餐既頭盤 ,
唔記得咗係咩野焗鮮蠔 ,
個蠔半生熟咁都幾好食
又是餐廳的招牌菜之一
"低溫煮黑毛豬腩肉"
好以中式既東坡肉咁 ,
雖然好食但就有着強烈的罪惡感 >~<
套餐既 "開心果脆皮焗澳洲羊扒"
原來仲有一條好似係芝士卷之類 ,
我覺得嗰卷好羶呀 ! 但朋友就覺得幾好食
套餐既甜品 "朱古力蛋糕配朱古力雪糕"
嗰蛋糕估唔到咁好食 , 真係 good ! good ! good !
晚飯後我地仲想繼續傾談 ,
所以每人再
order 多一杯飲品 ,
今次我要了 "Black Russian"
昨日本應想去 Delifrance 午餐的 ,
但因無位所以朋友話轉去 "奇華小廚" ,
嘩 ! 好野好耐無去食燒味飯啦 !
當然要咗個 "燒味雙拼 2 人餐" 啦
!
基本上叉燒會係膽然後再配其他燒味 ,
因這裡的叉燒真的好好食 ,
今次配了油雞 (估唔到仲要係雞腿添 !
^-^)
昨晚放工後約了朋友去睇 Johnny
Depp ,
今次我地揀了 PopCorn 既新戲院 ,
新戲院的音效很有震撼力 ,
可惜坐椅上滿佈了好多頭髮碎清晰可見
,
曾經嚐試用紙巾清理 ,
但都是無法清理因頭髮是藏在椅之物料內 ,
我真的覺得有點恐怖 ! >-<
無奈都已經入咗場唯有小心點 ;
之前睇預告片時已經好想睇 ,
以前在電視睇 "剪刀手愛德華" 時並不知男主角是誰
,
只是覺得男主角演繹得很入型入格 ,
之後睇埋 "加勒比海盜" 維妙維肖既做型
就更加喜愛此演員 ,
我覺得 Johnny
Depp 有着獨特的型格好吸引 ,
他在 "怪誕黑家族" 的演繹亦是十分出色的
睇完戲後都已經九點幾唔知商場的食店會幾點關門呢
?
最後我地決定去 "自家烏冬" 醫肚 ,
幸好店員仍然招呼我們入內 ^-^
由於太夜所以我地都無 order
別的食物 ,
我要了 "奬門海鮮蝦湯烏冬"
之前都有食過佢既蝦湯烏冬是好夠味的 ,
烏冬煙煙靭靭都 ok 既 !
朋友的 "温泉玉子雞絲胡麻掛烏冬"
由於朋友唔鐘意食湯烏冬 , 所以佢要了凍食 ,
我試咗一條分別不大 ,
凍烏冬都係 "味吉" 好食因佢夠爽口彈牙 ^^
昨晚的生日飯我地揀選了尖沙咀新潮流食廈
H8 既 James'
Kitchen ,
原先係 4 人行的可惜有一位朋友病倒了 ,
所以就變成 3 人行啦 !
希望朋友早日病癒再一齊同我地去飲飲食食
^-^
雖然餐廳不算大但環境都是不錯的
"法式黑松露雜菌燴蛋批"
是朋友係網上見到想試的 ,
又幾好味喎 !
我地要咗 3 個 Set
Dinner 3 個頭盤都係要
"香脆軟殼蟹伴意式蕃茄莎莎沙律"
個軟殼蟹又真係好香脆喎 !
個蕃茄莎莎都幾好食
^-^
另加 "香煎鵝肝" yummy !
yummy !
餐湯我要了 "海鮮周打魚" 都 ok 既
,
但就估唔到嗰麵包會咁好食 ,
至少我唔會放棄佢 , 牛油呢就真係差咗 D ,
所以我眼尾都無望佢一下
朋友既 "忌廉蘑菇湯"
我試了一口嗰湯係有好多蘑菇 ,
但好似唔係好夠滑
"西班牙海鮮焗飯"
其實嗰味道都幾好架 !
但可惜敗筆在焗乾咗少少 >-<
我最想試既 "炭燒西班牙頂級黑毛豬扒"
唔錯都幾好食 ,
原來伴碟的不是薯蓉而是蕃薯蓉 ,
哦 ! 我都係第一次見不過我又 ok 喎 !
"特色香草醬焗大西洋鱈魚柳"
我的 "Latte" 餐飲則較為失望少少
,
希望有待改進啦 !
飯後甜品 "焗鮮栗子蓉西米布甸" 如果栗子蓉可以再多少少就好了
本應主角想試 "意大利紅豆奶凍" 但紅豆返唔到貨所以無得食 ,
之後就轉咗呢個 "傳統紐約芝士餅"
直得一提這店的服務員服務態度和藹可親 ,
不時主動幫食客加水
,
而且亦很樂意聽取食客的意見 , 抵讚 !
我從來都未試過正正式式咁煮過一樣餸 ,
但竟然會拍住朋友去參加煤氣烹飪中心既課程 ,
所以今次對於我黎講係有難度的 ,
而原先的拍檔因有事要缺度 , 吓
! 咁點算呀 T-T
喺臨急臨忙下終於找到另一位半桶水的好友頂上 ,
不過都好過我好多啦 ! 整個課程共有 4 款菜式
,
2 個是實習 2 個是示範
"帶子薯仔沙律伴松露蛋黃醬"
呢個係由導師示範的
"乳酪奶凍伴松露蜂蜜"
呢個都係示範
"法式松露醬燴雞"
呢個係我地要實習既菜式 ,
這個擺件咁靚既緊係老師的成品啦 !
"松露牛油洋葱脆皮撻" 這個撻我地無焗到
,
因老師話如果不是昨晚食就唔好焗住 ,
既然都有得試食所以就無焗啦 ! 但都有煮洋葱的 ,
由於炒洋葱都需要較長的時間煮腍佢
,
咁我就同朋友輪流煮 , 因對住個爐頭真係好熱 ,
所以就要煮一煮抖一抖 , 整個課程 3 小時有多 ;
上完堂成個人都散晒
,
唔怪得上次同朋友上示範班前想約佢去玩
(但朋友唔以為係實習課堂) ,
佢有咁大反應啦 !
原來上完一個實習堂係咁疲累架 !
初次入厨的我真的有點手忙腳亂 ,
又有少少疲累 , 但都覺得幾好玩的 ^-^
呢個係我同朋友既製成品 ,
拍完照試咗少少味道都 OK 喎 !
但嗰松露汁就真係要多謝 May 姐既仗義相助啦
!
昨晚因要去煤氣烹飪中心學烹飪 ,
所以就請假早少少走人 ,
過到銅鑼灣先同朋友去
ZOE 訂母親節蛋糕 ,
估唔到四點幾五點都已經差不多坐滿人 ,
之前夜晚放工來都沒有咁多人的
,
難得一場來到當然要飲番杯茶食番件 cake 先 ^-^
第 1 round 我同朋友各要咗一個
Tea set ,
大家都飲百爵茶
朋友想試的荔枝味蛋糕 ,
我地一致認為試過就算啦 !
我揀的 Banana Cream Pie
, 只有香蕉蓉部份好食
再加 2
件
我的至愛 "栗子蛋糕" 呢個好味 ,
希望星期日都有就好啦 !
呢個朱古力脆脆都好好味喎
!
滿足完口腹之慾就開開心心上學去 ,
但對於我黎講係上戰場先啱....................
昨日中午因要去銀行辦理公司的業務 ,
所以就順便係美孚用饍
,
通常過美孚唔係食麥記就係食餃子 ,
今次我同朋友去了 "餃子妹上海雲吞麵" 午饍
小食 "香芧豬扒" 這店的豬扒是整得好好味的
還有我喜愛的 "墨魚餅煎蛋飯" ^^
其實昨晚放工唔係有心約人晚飯的 ,
我只是想入將軍澳既 "吉之島" 買沙律菜
,
點解要山長水遠 ?
因 apm 嗰間 d 蔬菜及水果都唔夠新鮮 ,
跟本買唔落手所以唯有轉移陣地 ;
於是就找將軍澳的朋友睇下邊個有時間應酬我先 ^-^
朋友本應諗住返屋企煮晚飯的 ,
但後來又改變主意同我一齊出街食飯
,
好就一於奉陪到底 ,
我地三人行去咗 "翡翠拉麵小籠包" 晚飯 ,
好耐都無食過啦 !
望住張餐牌好多野都想食
.......................
竟然有 2 張唔同既餐牌 ,
我都係第一次見到的碗粥好吸引我呀 !
"上海小籠包" 朋友第一時間落了
order ,
這店的小籠包一向都是不錯的
"蘿蔔絲酥餅" 我既至愛食品之一
仲要係熱辣辣 "正"
,
但俾朋友發現 d 酥餅好似有大, 中, 細之分 ,
睇落又好似係喎 ! 點解既 ?
"山東手抓餅" 同係尖沙咀食到的不一樣
,
我較喜歡尖沙咀的質感 ,
呢個又燶, 又乾, 又硬仲有少少燥熱既感覺 >.<
"香煎素鵝"
呢個都係我既至愛 ^^
"菜肉雲吞湯" 剛剛好有 6 隻每人 2
隻 ,
原來呢個都好好味的
"鎮江排骨"
呢個我都愛
等了差不多一小時的 "上海炒年糕" d
菜好鹹呀 ! >-<
原先想要 "豆沙鍋餅" 做飯後甜品的 ,
但已經實在太飽了 , 所以留待下次吧 !
下次我仲想試埋佢既粥品
竟然仲有漏網之魚 , 呢個我覺得好靚呀
!
呢個仲要喺死角位 ,
唔怪得上次見你唔到啦 !
呢個換咗新衫既
???
有相為證拍於 (25/4) ,
但好似舊的靚 d
^-^
