龍躉宴@鉅龍酒家

昨晚放工後同媽媽慶祝生日 ,

今次我揀了位於太子既 "鉅龍酒家" ,

之前係雜誌見過又聽過電台 DJ 介紹 ,

搞到一個唔多食魚的我都想去試 ,

況且媽媽又喜歡食魚咁就一於去啦 !



"濃燉海中寶" 即係響螺燉龍躉皮 ,

湯盅個蓋一打開已經聞到陣陣的螺味 ,

呢個湯清清地都幾好飲

"石鍋野菌龍躉扣" 我現在先知原來龍躉扣即係龍躉個胃 ,

我覺得質感似海參 , 不錯不錯都幾好食幾特別 ,

白色一條條的應該是沙葛爽爽的


 

"古法燜龍躉翅" 呢個翅原來分大, 中, 細的 ,

昨晚只得4個人所以要了細的 ,

呢個翅差不多要成 $400.00 ,

不過真係好食而且份量都好多


 

"清蒸原條珍珠躉" 原先係無訂呢條魚的 ,

但去到酒家時發現佢剛剛開始每晚都會有一款餸是特價的 ,

星期一就係呢條魚 (原價 $888.00) 現在只

係 $198.00 咁抵無理由唔試架 !

呢條魚蒸得剛剛好個魚汁鼓油又好好味 "正"



"粒粒泡貴妃飯" 呢個唔係我預期要既野 ,

因之前我係大埔某酒樓食過一個泡飯 ,

佢地全是脆米所以好好食 ,

但原來這裡是一鍋湯飯上枱時再加少少脆米 ,

感覺不是我杯茶 >.<


 

晚飯後酒家贈送了 "萬壽果" 拍照時已經聞到甜味 ,

果然個糖水係甜了點 , 所以我只食了雪耳同木瓜


 

由於時間關係只是去了始創中心買蛋糕 "朱古力榛子"都 OK 好味

我會再去試別的菜式