昨晚與朋友飯聚 , 經過一輪篩選最終選擇了這裡 ,
其實我已經是第二次來了上次係同朋友慶祝生日 ,
今次係其他朋友想試 , 無所謂今次多了人可以 order 多些食物 o
我記得上次係餐廳門口有個洗手盤供客人洗手的 ,
店員話係新疆人民族既習慣會帶來好運的 , 但今次店員沒有介紹 ,
一入餐廳已經好熱鬧好多人座無虛席 , 這裡每晚都會有 2 場肚皮舞表演的 o
"小饟包配橄欖醬 , 雞肝醬"
呢個係係客人落完 order 後免費俸給客人試食的 , 雞肝醬超好味
"芝麻羊肉卷"
好香既芝麻味
"烤羊肉串 , 牛舌串"
羊肉有少少羶我 OK , 但朋友話再羶點仲好 , 至於牛舌呢因我戒了食牛好耐 ,
所以今次祇係試了一件都 OK 好味
"新疆大盆雞"
"干巴菌爆炒豆條"
個豆都整得好好食
"羊肉水餃"
無咩味好彩佢係配埋個麻醬 , 個麻醬就好好味 , 不過無影
"羊肉火燒餅"
呢個燒餅我都幾鐘意食 , 個餡都係有少少羊羶味 , 食埋燒餅已經好飽 o
這晚與朋友閒逛九龍城 , 目的係想睇下今年中秋有咩生果好買 ,
今年市面上多了一款名為 "麒麟果" 既生果 ,
其實之前只係大型超市見過 , 因有朋友試過這款生果話 OK ,
所以咪來尋找一下順便逛下一間買意大利雜貨的店舖 ,
跟着便與朋友去了用膳 , 這間餐廳係朋友建議想試的 o
"香芒大蝦沙律"
賣相不錯個蝦仲好香 ! 好味 ! 好爽 ! 芒果都好好味 !
"蟹肉焗釀大蘑菇"
主菜要了 "意式香草大蝦寬條麵手袋"
佢地用了大量香草來烹調 , 蝦就同沙律蝦一樣無分別 ,
但依然好食飯後又到了甜品時間 , 我地本應想試 "青蘋果批" ,
但餐廳今晚無供應 , 連 "心太軟" 都沒有 , 好失望呀 ! T-T
所以最後我地祇好 order 了咖啡
在這裡食飯傾計都好舒服 , 同朋友傾下傾下已經剩番 2 枱人 ,
希望下次可以試到 "青蘋果批" 啦 !
正日生日就來了這裡 , 一入門口環境好好 ,
還見到有 3 個表演者係度彈奏呢 D 可能係西班牙菜既特色 ;
與朋友們一坐下便研究 order 什麼食物 , 終於 order 了以下食物
"Tomato Bread"
原來有一份或半份 , 我地揀了半份因想試多些唔同既食物 ;
如果蕃茄同多士可以分開上就好了 , 我地影完相之後多士開始有少少淋
"Garlic Shrimp"
這個亦有一份或半份 , 我地揀了一份個蝦好香 ! 好爽 ! 好味 !
"Fandango Potato"
呢個無咩特別 , 但朋友們喜歡食薯仔 , 係薯角上面加蛋有咩作用呢 ?
"Roasted Suckling Pig"
份量剛剛好我地每人一件 , 豬皮真的很脆口
"Seafood Paella"
除了以上食物我地都 order 了飲品 "Sangri" ,
但我覺得這裡調配得唔好飲完全沒有酒味 , 好像渴有可樂味既汽水 >.<
最後有 "心太軟" 作為整頓飯的句號
原來訂枱時朋友已經 order 了 , 多謝你地陪我過了一個開心的晚上 ^^
終於過完一個忙碌的生日週 , 今年又試了不同的餐廳美食 ,
第一站是去了紅磡一間法國餐廳晚飯 , 這裡有少少偏僻 ,
與朋友找了一會才找到 ; 可能時間尚早餐廳的客人不多 ,
所以一入座已經有職員過來介紹餐牌 , 並作了一些推介 ,
然後我地 order 了 2 個唔同款既晚餐 o
先有 "海膽蟹肉奇異果沙律"
嘩! 海膽好鮮甜呀!
"龍皇三文他他"
下面圓形的是 Prawn Mousse
"焗田螺槐樹心"
田螺都幾大粒
"創新煎焗鵝肝"
下面那層是 Red Wine Apple , 我覺得幾好味 ^-^
"法式三重味覺湯"
這款湯有干邑龍蝦湯 , 野菌忌廉湯 , 雞/牛肉清湯 ,
一次可以試到 3 個味夠特別 , 我唔食牛所以選擇了雞肉清湯
"莧菜生蠔忌廉湯"
朋友話個湯好飲隻蠔又鮮甜
"三文魚 , 魷魚卷蠔膽白汁"
呢道菜我勁鐘意 , 我將蠔放在用厚厚魷魚片包着的三文魚一齊食 ,
嘩! 好食蠔既鮮甜令整體都變得好味
"天作之合"
其實係豬手 , 豬手好腍個黑松汁做得好好味 ,
不過少左 D 豐富的晚飯過後當然不能缺少甜品 ,
2 個甜品都是係我地臉前即煮的
"火焰藍莓伴雪糕"
煮這款甜品時散發出陣陣的酒香味
"天山蜜桃"
這款甜品是用罐頭桃加酒煮的 , 這個我較喜歡 ^^
好多謝朋友令我可以品嚐到一頓豐富又美味的晚餐 ,
到你生日時我地再去試別的或再 encore 都可以
