冬日的良伴

不知不覺又步入了聖誕的月份 ,

因此每行經靚心蛋糕店門口時都會見到一些具聖誕氣氛的蛋糕 ;

今次我也來湊熱鬧 , 昨天晚上為朋友補祝生日 ,

在冬日裡最好就係做朱古力 , 因朱古力的魔力是沒人可抵擋的 ,

所以弄了一個 "特濃朱古力蛋糕" ,

黑黑的朱古力蛋糕上加點鮮紅色士多啤梨及防潮糖霜既點綴 ,

即時便有聖誕的氣氛 , 朋友們對此蛋糕的評價都不錯 ,

多謝大家的讚賞 ^^

 

Colour

昨天放了一天假原本係想為昨晚的聚會預備一個 "豆腐 mousse 蛋糕"

同一些朱古力蛋糕仔, 及後應朋友的要求幫她多做一個生日蛋糕 ,

所以最後只做了 2 個 "豆腐 mousse 蛋糕" ,

而我想試做的一款朱古力蛋糕只好留待這個星期六日了 o

今次開心的是可以用有顏色的朱古力粉來做裝飾 ,

其實之前都有用過這些朱古力粉的來源地是台灣 ,

香港暫時只有有顏色的防潮糖霜 , 但顏色始終不及朱古力粉的鮮艷 ,

最近係我工作的附近竟然有得買 , 雖然只有 2 隻色都好過無吖 !

我真係好喜歡佢做出來的效果 , 見到咁有色彩的甜品人都開心 D

這圖片是借用朋友的



聚會完結後回家完成另一個餅面做形 , 希望朋友的表妹會喜歡啦 !

Coffee Cheese Cake

9月份及10月份都不停咁整唔同款既曲奇 , 其實都有少許悶的感覺 ;

終於有朋友生日 , 咁我又可以整大蛋糕啦 !

呢個 Coffee Cheese Cake 其實之前朋友都整過給我吃的味道不錯 ,

所以今次就整來送給那位咖啡精的朋友 o 

做 Cheese Cake 既裝飾我覺得比較難 ,

因為係我第一次用 Cheese Cake 當生日蛋糕的 ;

之前見過雪球既食譜一直都好想整 , 所以便用了它來做裝飾 ,

希望朋友會鐘意啦 !

 

失色的嘩鬼!

在剛過去的假期整了一些 Halloween's 曲奇 ,

今年已是第三年整呢款曲奇 ,

其實南瓜模具係朋友去日本旅行時買的 ,

但她買了以後都未做過反而益了我 ,

每一年我都會借用一次 , 多謝朋友既慷慨 !

但今年做出來的曲奇有少許失望 ,

原因係用開既糖貨不對板呀 ! 

少了繽紛奪目既顏色 ,

所以做出來的曲奇也少了一份色彩 

"新作"









"舊作"



相對下明顯淺色了許多真係新不如舊 , 好懷念呀 !

祝大家有一個驚險既 Halloween's

進入小朋友世界

因回禮曲奇有剩餘物資 , 所以便繼續開工焗曲奇 ,

今次揀選既係廸士尼曲奇模 , 希望收到的朋友會喜歡 !

以前見到別人可以吸出咁靚既曲奇真的很羨慕 ,

唔知係咪整得多開始發現了一些竅門 ,

所以今次做出來的曲奇都幾滿意 , 希望下次都可以 keep 到啦 !



我最喜歡的 Chip'N'Dale 同 Mickey Mouse



史廸仔係第一次整的



而 My Melody 就係朋友既妹妹要求要的

大製作

已經有好一段時間沒有 updated 了, 

從朋友籌備婚禮到婚禮的前夕真的有好多東西要搞 ,

亦感受到朋友的辛苦和壓力 , 曾經為了小禮物而煩惱 ,

於是我就膽粗粗建議他們自己整曲奇作小禮物 ,

一對新人亦接受了我的意見 , 真的多謝他們給我這個機會 ,

這是我的新嚐試 o  婚禮越來越迫近開始有人質疑是否真的能完成小禮物 , 

此時我亦不能保證什麼 , 只有按著自己的計劃盡力將它完成 ,

足足用了 3 星期的週末來預備 ; 在此要一再多謝朋友對我的信任 ,

還要多謝有份幫手的各人 , 尤其係新娘子的妹妹這 3 星期的幫忙 ,

令到任務得以順利完成 , 在完成的一刻真的放下了心頭大石 ,

以下是大家這 3 星期辛苦的成果圖片所示只屬部份

(圖片借用於小 Carman)










]

現在只期待 090927 的來臨..................

休閒

在上星期六終於可以朋友一齊去  L'Atelier de Joel Robuchon  試Tea Set了 ,

其實呢次茶聚已經安排左好耐 , 之前係網上見到好多人都去試過 ,

所以我們便心思思想去試一試 o 由於 Tea Time 時間係由 p.m. 3:00 開始 ,

我們便趁住空檔時間去逛了一間樓上書店 , 那裡全是買法文書籍的 ,

當然我沒有那麼叻看得懂 , 只是朋友最近學緊法文 ,

所以便陪她逛逛 , 然後便去嘆茶了 o

圖片係借用朋友的 , 嘩! 好豐富呀!









當送上食物時心想咁細件夠唔夠 2 個人食呢 ? 因我地無食午餐 , 

但答案係夠的有時真的眼闊肚窄 o 嘩! 每一件食物都好似迷你版模型咁 ,

造型真係好靚 ; 整個下午我地係度品嚐美味既食物 ,

又翻閱一些法文書既食譜 , 雖然我不懂法文 ,

只係係度看圖靠估及朋友既解釋 , 就這樣我們渡過了一個歡樂的下午 o

Stop

在過去的 5 月月每個星期都有榛子曲奇出爐 , 點解會咁既 ?

因為之前我和朋友買了 1kg 法國榛子粉來整呢個餅 ,

但佢既食用期只有1個月左右 , 所以 5 月就變了 "榛子曲奇" 月 ,

現在終於可以停止了 , 我諗會有短暫的時間都唔會再整呢個餅 ,

估計可能要等到聖誕或過年先會再出現了 o

不過用法國榛子粉整出來的效果都幾好 ,

個人感覺法國既榛子粉係較美國的香 , 唔知班食家食唔食得出呢 ?

呢個係早前用美國榛子粉做的



 呢個就係法國榛子粉既出品啦 !

 

紅

昨天一整天都在下雨 , 如果不是朋友的生日跟本就不會出街 ;

而昨天的節目就係睇戲和食飯啦 ! 

由於星期六剛好返半日所以便可以整蛋糕了 ,

其實這款蛋糕見到已經好想整 , 但沒有適合既人選所以便一直擱置了 ,

點解送蛋糕都咁煩既 , 係因身邊好酒的人不多 ,

呢個就係 Vanlily 既 "黑加侖子mousse cake" ,

mousse 層的意大利馬令需是用紅酒做成 ,

但由於份量不多而且要煮到 121c 酒精成份都沒有了 ,

其他的朋友應該是無問題的 , 但啫喱層是用紅酒做 ,

所以就唔係人人都 OK , 幸好今次既主角係一個好酒之人 ,

所以問題就解決了 , 希望主人家會鐘意啦 !

祝你生日快樂 ! 心想事成 ! 最重要係身體健康 !

 

近期大熱 - 榛子曲奇

近日係 Vanlily 個 Blog 度見到呢個食譜 , 本來想在過去的星期六開工的 ,

但整了蛋糕後又想休息一下 , 由於懶的原故所以便沒有整到 o

剛好昨天又要到朋友的屋企飯聚 , 並應了主人家的要求焗曲奇作伴手禮 ,

好終於有動力開工了 , 這款曲奇既簡單又易做 , 用了一個晚上整了約 40 個 o



來 ! 來 ! 來 ! 上碟 la ! 試食後味道真的不錯 ,  希望朋友都鐘意食啦 !

以前好喜愛買榛子粉整曲奇 , 但每次都未用完就過期 ,

所以對佢真係又愛又恨 , 今次呢個食譜真好可以大量咁消耗 D 粉 ,

以後買榛子粉就無後顧之憂了 o

如有雷同

這個復活節我有一半時間是在工作中渡過的 ,

幸好還有 2 天私人時間 , 星期日已約了到朋友屋企相聚 ,

事前因有人睇了我的 blog 話想食芒果蛋糕 ,

原先我怕沒時間整所以沒有應承 ,

但最後還是整了今次不再是 " 芒果芝士餅 " 了 ,

因有部份人不太喜歡食芝士 ,

所以便轉了這個 " 芒果 Mousse " 對我來說是一個新嚐試 ,

之前我未做過這款蛋糕的



只看外貌係咪同 " 芒果芝士餅 " 無分別呢 ? 但內心世界就有所不同...................



等我士廸仔介紹一下佢既組合啦 !

熱情果芒果 Jelly + 芒果 Mousse + 清蛋糕一片 + 消化餅底

這蛋糕當然成了飯後甜品 ,

但朋友們始終較喜歡食 " 豆腐 Mousse " ,

因為佢地覺得出邊唔係咁易食到 ,

唔 ! 我都要仿傚一下日本設定既季節限定先得 ^^

剩餘物資

上星期完成個特急 Order 後 , 遺留了一些剩餘物資所以昨天又開工清貨 ,

仍然係芒果芝士餅 , 這個時候的芒果是比較好的 ,

芒果亦係我喜愛既生果 , 所以可趁機多做幾款芒果蛋糕了 ;

終於簡簡單單地完成了這個蛋糕 ,

最後便切件分給同事及朋友享用 , 大家收貨啦......................



圖片所示只係蛋糕既一半 , 其餘的當然係留在家中慢慢品嚐啦 !

特急 Order - 芒果芝士餅

昨天出門口返工開手提電話時 , 突然有一個留言訊息 ,

一聽之下原來有一個朋友想今日要一個芒果蛋糕 ,

其實平時我係唔會咁急去做一個蛋糕的 ,

但這個朋友出到聲無法啦我終於應承左佢 ;

所以昨天利用了午飯時間去買生果 , 放工後又急忙去買材料 ,

最不幸是去到買材料的地方部電梯暫停使用 ,

吓! 不是開還笑嗎? 終於行了八層樓梯買了材料便回家開工 ,

整蛋糕以來都未試過這樣辛苦的 , 因此我已對那朋友說下不違例 ,

訂蛋糕起碼要 3 日時間 , 經過一晚搞作後終於完成 ,

今日有蛋糕交啦! 這個蛋糕亦係今年第一次制作的大蛋糕 .

 

幸運星

今天有半日的假期都唔知做咩好 ,

突然想起之前應承了 C 小姐幫佢男朋友既媽咪整曲奇 ,

剛好在過去的情人節幫人整了心型吸模及玻璃窗曲奇 ,

所以便有3 款味道既粉團遺留在冰箱中 ,

好一於用這些剩餘物資來還債啦 !  

但今次係做大人曲奇無理由整廸士尼款式的 ,

左諗右諗之下唯有用早前問朋友借來的星星模做今期既主角 .

幸運星星終於誕生 la .......................................



小朋友時真的好想擁有一夥閃亮亮既星星 , 但現在反而整了好多的星星送贈別人 ,

希望收到的人會好似幸運星咁幸運同開心啦 !

跨年度製作 - Chocolate Muffin

新一年又開始了 , 昨天由於要趕住清貨所以便焗了朱古力鬆餅 ,

點解係跨年度既製作 , 因為蛋糕粉係聖誕時篩的 ,

本應想聖誕時做來送贈朋友的 , 但因已製作了大量的曲奇餅 ,

還有做了 2 個蛋糕作 gathering 之用 ,

所以真的很疲倦雖然已經篩好了蛋糕粉 , 但也有心無力去完成 ,

因此昨天見有時間便完成了此鬆餅 .

Muffin 出爐啦 ! 陣陣既朱古力香味............... ^^



待鬆餅放涼後 , 便急不及待包裝送朋友了



食譜來自 "獨角仙"