01/07/2018 原本諗住約朋友一齊去銅鑼灣新開的 Starbucks
試他們的甜品可惜 tea time 時間實在太多人 ,
最後我哋只好先去別的地方 high tea 和逛街 ,
然後食完晚飯先再去 Starbucks 啦 !
諗住近近地係食通天揾食 ,
由於當日是假期所以好多食店都有限時 ,
最後唔打唔撞就試了這間新開的 "小島．澳門菜 "
" 濃香咖啡葡撻 "
臨時我哋又約了另一朋友出來一齊晚餐 ,
由於朋友未到所以我哋就叫了這個葡撻來醫肚 ,
第一次試咖啡葡撻又幾好味喎 !
可能我又鍾意飲咖啡所以十分之啱口味 ,
其實他們還有其他味道的葡撻 ,
如果大家興趣不防去試一試 ^^
" 小島乳豬脆包配葡式甜辣醬 "
喺 menu 見到呢個乳豬脆包十分之吸睛 ,
咁無理由不叫來一試吧 !
整個包的配搭都十分之好味 yum ! yum ! ^^
" 極品海鮮蟹皇粥 "
這煲蟹皇粥都不過不失啦 !
" 路環鹹魚炒芥蘭 "
" 烤焗盲鰽魚伴檸檬牛油汁煮海蜆 "
這個盲鰽魚更是好吃到停不了口 ,
而用來伴碟的海蜆亦十分之鮮味好吃 yum ! yum !
我會再來的希望下次可以試到更多的菜式 ^^
16/12/2017 & 27/12/2017
一直都好想試泰式的 Afternoon Tea ,
終於揾到朋友一齊去試喇 !
但一試佢就轉了新 Meun ,
原來新的 Afternoon Tea 鹹甜點是可分開來 order 的 ,
又好似幾好喎 ! ( 想食鹹點或甜點都可以自話事 ^^ )
第一次試當然要試晒鹹甜點啦 !
由於第二次是同唔同嘅朋友去所以都係叫了一模一樣的下午茶 ,
嗱 ! 嗱 ! 嗱 ! 個蝦餅係我自己另外加的並不是 Tea Set 內的食品
" 炭燒大頭蝦 , 柚子蟹肉沙律 , 軟殼蟹米紙卷 ,
雞肉沙爹 , 豬肉水晶小丸子 , 燒牛肉沙律 "
剩係鹹點都有六款之多真的十分豐富 ,
特別鍾意 "豬肉水晶小丸子" 同 "燒牛肉沙律" ,
雖然我唔多食牛肉但由於個燒牛肉沙律都算幾辣 ,
而朋友又唔食得咁辣咁我唯有食多啲啦 !
其實燒牛肉嘅肉質好嫩滑加埋個辣汁就變得十分之惹味 ,
但如果不吃得辣的朋友就沒有這個口褔了
" 香芒糯米飯 , 南瓜布甸 , 椰汁糯米糍 "
甜點嘅款式雖然少了一點但份量都唔細 ,
3款甜點中我比較鍾意 " 椰汁糯米糍 "
我最鍾意的蝦餅即叫即炸當然好吃啦 !
" Sea Salt & Caramel Coffee "
喺 Tea Set 裡面飲品都有好多款的選擇的 ,
第一次我要了這杯熱飲又真的好好飲 ^^
" Lychee Smash "
第二次則試了這款無酒精的凍飲又幾 ok 喎 !
16/06/2018 其實我並不太好 Donut ,
而且亦都唔明點解啲人會咁鍾意食 ,
但被朋友喺社交網站引誘得多就自不然有想試的衝動 ,
當日放假就約了朋友出來閒逛 ,
而最終目的當然是要朋友帶我去灣仔試 Donut啦 ! ^^
" Jacky Chunk , Choco Caviar Chocolate , Marble Hazel ,
Choco Caviar Strawberry "
當日 Coffee Shop 好多人而 Donut 櫃的 Donut 又所餘無幾 ,
所以排到我時就揀了這四款 Donut ,
咬了第一口真的超級軟熟好吃 ( 真係一試便愛上 ^^ )
可能這幾款 Donut 都是沒餡料吃完也有試其他款式的衝動 ,
咁當然都要問下朋友再食唔食得落嘅 !
" Coco Loco , Don Machino "
當大家見到另外呢兩隻就我朋友嘅答案啦 !
無錯即係每人要再食多一隻 Donut ^^
先食朱古味好吃但好漏 ,
唉 ! 還有半隻咖啡味等緊我呀 !
咖啡都唔錯但有餡真的漏很多 ,
所以我會比較鍾意無餡的食完罪惡感無咁大 ^^
-----------------------------------------------------------------------------------------------
05/07/2018 其實比較近我的分店會是將軍澳 ,
當晚約了朋友食晚飯在還未夠鐘前諗住同朋友先去食 Donut ,
可惜朋友突然有事未能一齊同行咁唯有獨自一人去食啦 !
我揀了我的至愛 " Marble Hazel "
當晚可能人流唔多而且又臨近收舖 ( 將軍澳收 8:00pm )
當日的 Donut 雖然都軟熟但就不是我第一次食的超級軟熟 ,
原來 Donut 都是新鮮的才是最好吃
" Marble Hazel , Mr. Green Tea "
臨走時外賣了兩隻俾朋友試 ,
一隻是我鍾意的而另一隻就揀了綠茶味給朋友 ,
唔知好唔好味呢 ?
02/12/2017 現在好難得才約到朋友在星期六一起吃 lunch 的 ,
知道觀塘開咗一間台灣食店緊係要來一試啦 !
可能是星期六所以唔算有太多人等位 ^^
一坐下同朋友點完嘢食就緊係影下食店的周圍環境啦 !
都幾有特色特別鍾意牆上的那幅畫
" 古早味魯肉飯 "
這裡的魯肉飯都幾好食喎 !
" 家鄉紅趜滷豬手 "
呢個豬手又腍又入味真係超 "正" ,
朋友最後還外賣了一隻 " 原隻滷豬手 "回家同屋企人分享 ,
原隻滷豬手是每日限量供應的
" 台南擔仔麵 "
第一次試擔仔麵但感覺一般 ,
唔知真正嘅 "台南擔仔麵" 又會是怎樣的味道呢 ?
朋友要了 " 山楂洛神花茶 " ,
而我就簡單的要了 " 阿里山烏龍茶 "
" 秘制炸大雞腿 "
嘩 ! 即叫即炸皮脆肉滑其實都幾正 ,
只是略嫌欠了些鹹味
" 經典紅豆湯 "
( 手工芋圓 , 手工地瓜圓 , 小丸子 )
我同朋友都好鍾意食芋圓所以叫了一碗來試 ,
可惜這店的芋圓似乎麻麻地 ,
但還有其他的食物我都好想試 ,
遲些再約人來這裡先得 ^^
17/11/2017 朋友之前話同我食好耐喇 !
今次終於有機會一試 ^^
在店外等候時店員已經俾張紙我剔食什麼拉麵 ,
其實選擇並不多只有五款麵款選擇 ,
當晚竟然還見到有每日限賣30碗的沾麵 ,
咁緊係要試呢款先啦 ! ^^
就係呢五款拉麵喇 !
等食時間無聊見面前有公仔擺設 ,
雖然不是我喜歡的那類型但都影下相先 ,
點解前面會望到公仔因為我坐吧枱囉 !
其實我都唔太鍾意坐吧枱用餐架 !
但這店全都是吧枱無得揀 ^^
開餐喇 ! 開餐喇 !
見朋友剔可樂我又剔番一罐先 ,
見朋友剔加半熟蛋 ( 唔通好好食 ? ? ? )
唔理咁多加咗先算 ^^
嘩 ! 原來碗麵好足料好大碗架 !
等我仲加多一隻半熟蛋添 !
但他們的半熟蛋真的超級之美味 yum ! yum ! ^^
其實個麵都唔係唔好食只是用來盛載沾麵湯的器皿不夠保温 ,
而沾麵湯本身又不是太熱 ,
所以個湯凍咗自然就會影響個味道無咁好食 ,
但由於唔想做大嘥鬼我最終都食晒成碗沾麵 ,
不過當晚真係食到好飽飽 ,
如果下次有機會再來我會試一試他們的拉麵 ^^
21/10/2017 同朋友慶祝生日又是要花心思的時候 ^^
今次揀來了 "Hungry Lobster" ,
當日我哋早到餐廳的人流亦不算多 ,
所以店員安排座位都比較坐得舒服
餐廳的裝修雖然比較簡約 ,
但當望上天花板時感覺就好似置身於海洋 ,
那時仿佛在海洋的深處向上望到有一群魚圍住一艘船不停地游 ,
咁你有睇到啲乜嘢呢 ? ^^
估不到這裡都有手工啤酒當然要一試啦 !
朋友要咗 Apple Cider
" Goldeneye Pale Ale "
而我就試了這款手工啤酒都 ok 幾好飲 ,
其實我原本不是想試這枝的 ,
但我想試的又沒有貨咁無法啦 !
希望下次有機會試到 ^^
" 飢餓龍蝦全餐 "
朋友生日食豪啲這裡只是龍蝦全餐的部份 ,
其實揀餐廳時已經想試呢個 "飢餓龍蝦全餐 " ,
又睇下有幾飢餓先 ^^
" 龍蝦意粉 "
意粉的龍蝦汁都好香濃好好吃 ,
如果嗰意粉可以轉埋係扁意粉就更加之正 ^^
" 法式龍蝦湯 "
濃濃的龍蝦湯好飲
" 龍蝦包 "
其實全晚我最鍾意就係呢個包 ,
朋友雖然都有喺日本食過出名的龍蝦包 ,
不過她都覺得這店比較好吃 ,
我好想試下一個人 KO 一個會唔會好過份呢 ? ^^
" 烤全隻波士頓龍蝦配薯條及沙律 "
這個是該套餐的最後一款菜式 ,
佢個粗薯條炸得好好食 ,
一人還有半隻龍蝦其實已經飽飽哋 ,
食完這個龍蝦套餐真係好滿足 ,
唔知下次會係幾時再到訪呢 ?
