26/10/2017 朋友的生日飯由年頭食到年尾
佢先有時間應酬我 ,
亦因為這樣才可以有緣品嘗到法國總店有米芝蓮一星及
法國廚神美礜的 David Ibarboure 嘅廚藝 ,
其實舊年已經錯過了一次 ^^
今次的 "David Ibarboure Tasting Menu" 揀來了五道精美的菜式 ,
昨晚沒有影 Menu 所以這張是從他們的 fb copy 的
餐前麵包好吃
" Amuse Bouche "
除了餐前麵包還有餐前小吃 ,
三文魚子吞拿魚同蟹肉多士都一樣好好味 ,
有佳餚當然要有美酒啦 !
我哋點了一杯 " Obsession Symphony, California " ,
這杯白酒略帶荔枝味清清甜甜好易入口
" French Oyster "
第一道菜式有新鮮而肥美的法國 Gillardeau ,
還是第一次吃已被處理好的生蠔不用自己起肉勁 like ^^
" Egg 63°C, Gillores "
第二道菜有 63°C 温泉蛋配搭埋其他食材真的十分之美味
yum ! yum ! ^^
" Tasmania Salmon, Langoustine "
塔斯曼尼亞三文魚 + 小號龍蝦再加其他的配菜
就成了一道美味的菜式 ,
三文魚烹調得好嫩滑每食一口都是享受 ,
至於這款小號龍蝦應該是法國南邊 Guilvenic 的產物 ,
因為 Chef David 是來自法國西南部的 ,
第一次食小龍蝦都幾鮮甜爽口
無錯本應 Menu 的第四道菜式是法國牛的 ,
但因貨源問題所以餐廳改用了澳洲的 M6 和牛 ,
其實朋友好想試法國牛今次試唔到感覺有點可惜 ,
原來唔食牛的朋友都有另類選擇 ,
餐廳另外提供了 Lobster 同 Iberico pork chop ,
因為無法牛所以朋友亦放棄了食牛 ,
我哋就揀了這兩款菜式來試 ,
Wow.............估唔到有黑松露食 ,
第一次食一片片嘅黑松露真係好香好好吃 ,
鮮甜爽口彈牙的龍蝦伴埋個超濃嘅龍蝦汁真係好正 ^^
Iberico pork chop
黑毛豬的邊位整得好甘香可口 ,
第一次食黑松露薯蓉好吃 ,
薄薄的薯蓉又唔會有好漏的感覺
" Apple Tartin "
平時我比較少喜歡吃蘋果做的甜品 ,
但今次個甜品我真係好鍾意食完亦好滿足 ^^
" Petit Fours "
最後以咖啡為這頓美味的法國餐劃上完美的句號
另外最開心緊係可以同 Chef David & Ping 一齊影合照啦 ! ^^
這個 Tasting Menu 做到 29 號咋 !
如果想一賭法國名廚的風采就快啲去訂位啦 !
10/09/2017 又是我的另一場生日飯局 ,
知朋友都鍾意食泰菜所以揀了這間來試一試 ^^
室內的環境同裝修都很不錯
其實椰青我並不是太喜好的 ,
但當日唔知飲乜好所以就跟朋友叫了這個
" Deep Fried Prawn Wads with Egg Noodle "
喺網上見到已經好想食呢個 "蛹蝦",
所以第一時間就叫來一試 ,
個炸蝦係好食但外層的炸蛋麵食落口會感到有啲苦味 ,
如果再來應該不會再叫這個了
" 泰式柚子蝦沙律 "
酸酸辣辣柚子又多汁好吃開胃
" 串燒 (雞, 牛, 豬) "
這裡的串燒都唔錯喎 !
" 燒原隻魷魚 "
燒魷魚就差少少喇 !
因質感比較腍身所以覺得無乜咬口
" 越式燒春雞釀香芧黃飯 "
這隻燒春雞對於我哋兩個來說好似大了一點 ,
不過隻雞好香好好味尤其是那個香芧黃飯真的十分之美味 ,
最後我哋都食唔晒所以就拿回家留作我第二日的午餐 ,
呢間餐嘅食物水準都算中規中矩可以再來 ^^
02/09/2017 在觀塘 apm 開了一間日本的百年老茶店 ,
終於喺屋企附近開番間似類的抹茶店 ,
咁緊係捉埋朋友一齊來試下啦 ! ^^
這間茶店除了飲品和甜品還提供了六款輕食同飯團 ,
當然少不了抹茶同焙茶嘅甜品啦 !
叫得茶舖他們的茶類飲品亦有很多的選擇
雖然店舖設有堂食但原來是很細小的 ,
店內要自己購票及自己取食物
當日 lunch 同朋友先點了兩款輕食 ,
由於我哋想試芭菲所以今次無叫飲品 ,
用小木盤來盛裝食物好有和風 feel 呀 !
" 明太子茶漬湯飯 "
朋友要了這款茶漬湯飯都有好多明太子喎 !
我試咗少少都唔錯 ( 其實我是第一次食茶漬飯的 ^^ )
" 明太子玄米烏冬 "
我個明友子烏冬雖然簡單但都好好味
食完主食緊係輪到甜品啦 !
亦是今次來茶店的目的 ^^
" 抹茶芭菲 "
朋友揀了抹茶芭菲我試了少少 ,
感覺個茶味好淡不是我杯茶
" 焙茶芭菲 "
其實抹茶同焙茶我會比較鍾意焙茶多啲 ,
這杯焙茶芭菲一樣是茶味偏淡 ,
反而甜品中的脆米是最好吃的 ,
揾機會試埋佢哋嘅軟雪糕先得 ,
希望軟雪糕個味會好啲啦 !
如果唔係想近近地嘆杯焙茶甜品都唔得呀 ! >.<
15/08/2017 屋企人同我慶祝生日特意揀了來這店 ,
計下計下我都有差不多兩年的時間沒有來這裡了 ,
自從第一次試了便愛上這裡的美食 ,
特別是他們的 pizza 是我暫時在香港吃過最好吃的 ;
但有時想揾啱飯腳來這裡都不是一件易事 ,
所以趁今次的機會再來品嚐他們的美食 ^^
咁啱他們八月份轉了新 menu ,
新 meun 好夠份量好重當打開時感覺好似睇緊結婚相簿一樣
見到啲咁靚嘅食物圖片搞到樣樣嘢都好想食 ^^
" 佩柯拉拉燉羊麵包小點 "
喺網上見到有燉羊意粉都已經好想試 ,
但原來只有午餐先有得食 >.<
當晚只見到呢款燉羊麵包小點都即管叫來一試 ,
來到時原來是三件的燉羊多士 ,
幸好當晚食羊的人只有三位啱啱好每人一件 ,
我自己就覺得這個燉羊多士好好味 ,
希望有機會可以試埋個燉羊意粉就好喇 !
" Taleggio 芝士鑲蛋佐特製麵包 "
這款小吃是我的必食推介 ,
Taleggio 芝士混合個温泉蛋拌埋個包一齊吃 ,
真的是十分之美味包你一試便會愛上這款小吃 ,
唯一美中不足的個麵包比第一次吃的時候細了一點
" Sparking Wine Mango Pineapple "
呢杯飲品都幾好飲喎 !
" 波隆那傳統嫩煎盤克夏豬排 "
其實有時出街食厚豬排都會有啲驚驚哋 ,
因為驚煮得太熟而變得嚡口 ,
但我問店員有乜好推介時 ?
她亦有推介這個豬排咁又即管叫來一試 ,
豬排的生熟程度煎得剛剛好不會嚡口 "正 " 呀 !
我沒有說錯屋企人一試了這個包之後就勁鍾意吃 ,
所以就再 encore 一次 ,
今次個店員姐姐一放下個包已經立即幫我哋撈埋個芝士蛋漿 ,
我哋剛好六個人每人一件好快又清晒喇 ! ^^
" Babbo's 特制鮮墨魚汁扁平意粉 "
屋企人個個都鍾意食墨魚汁意粉無理由唔叫架 ?
店員好心的提點這個意粉是帶辣的 ,
為了遷就屋企某些唔多食得辣的人所要了少辣 ,
但結果食得辣的就覺得唔夠辣 ,
不過個墨魚汁意粉都幾好食 ,
如果下次再食唔減辣我諗應該會更好吃 ^^
" 番紅花意大利飯佐紅酒燉牛肉 "
雖然我唔多食牛但都會叫俾屋企人食的
" 八種綜合芝士 Otto Formaggi "
( Gorgonzola, Grana Padano, Mozzarella, Mixedcheese,
Scamorza, Ricotta, Gouda )
嘩 ! 如果屬於芝士控的朋友就別要錯過這個 pizza ,
看似平平無奇的 pizza 但當加埋蜜糖一齊吃就變成了超級的美味 ,
芝士嘅鹹香加上清甜的蜜糖真是味蕾上的一大享受
" 煙燻乳酪火腿 "
食完第一輪之後大家都好似差少少 ,
所以後來又再 order 多兩款食物 ,
呢個 pizza 其中的一種材料是辣椒 ,
但經過墨魚汁意粉的啟示都係忠於原著好啲 ,
呢款 pizza 都唔錯喎 ! ^^
" 窯烤鴨胸佐拱佐羅拉芝士 "
鴨胸的兩端比較熟了點但中間部份的生熟程度就剛剛好 ,
所以中間位的那部份很好吃仲有啲蘑都好好味
" Berriolette & Lychee Mousse Cake "
飯後叫了兩款甜品 ,
呢個 mousse cake 賣相一流但食味就一般
" Tiramisu "
至於個 Tiramisu 都 ok 嘅 !
