08/08/2017 apm一田開了一間玉子燒緊係第一時間去試 ,
話說這間玉子燒是日本人開的 ,
而且還有日本師博坐鎮添 !
最重要他們的玉子燒是用日本蛋的 ,
咁正中又真係要試一試 ^^
我去嘅時候應該是新開張無耐所以還有花牌 ,
他們堂食的座位並不多
其實選擇都比想像中多 ,
在堂食只要叫了一份玉子再加 $8.00 - $25.00 就可以轉餐 ,
轉咗餐就有麥飯 + 味噌湯還有一款小吃都算係幾抵喎 !
" 櫻花蝦玉子 + 麥飯 + 味噌湯 "
當晚媽咪要了櫻花蝦玉子另加 $8.00 就轉咗做餐喇 !
原來櫻花蝦玉子是咁好味的一試便愛上 ^^
" 芝士火腿玉子 + 野菜豆腐 + 抹茶紅豆忌廉銅鑼燒 "
我份人就比較貪心鍾意食多啲款式 ,
所以就揀了這個野菜豆腐套餐 ,
個野菜豆腐又真係好好食呀 !
至於個芝士火腿玉子唔係唔好食 ,
不過同櫻花蝦玉子相比我會鍾意櫻花蝦多啲 ;
新張期間買滿 $60.00 就會送一個銅鑼燒 ,
個銅鑼燒好煙靭而個忌廉餡又唔會好甜 "正" 呀 !
---------------------------------------------------------------------------------------------
12/08/2017 晚餐唔知食乜好 ,
咁之前食過玉子燒又覺得好好食 ,
所以咪諗住外賣返屋企食囉 !
" 明太子玉子 + 滑蛋麥飯 + 抹茶紅豆忌廉銅鑼燒 "
點知佢原來外賣是不能轉套餐的 ,
咁唯有要一份玉子燒再加一個滑蛋麥飯啦 !
碗滑蛋麥飯係幾好食嘅佢似親子丼 ,
不過碗飯都幾大碗最恐佈係竟然俾我食晒 ! >.<
個明太子玉子都唔錯架 !
----------------------------------------------------------------------------------------------
26/08/2017 朋友想食玉子燒咁我緊係陪佢去啦 !
一個月內食三次玉子燒都唔係好過份啫 !
好吃的店舖係新開張時就要多吃幾次 ,
恐防佢個質數會隨着時間而轉變 ^^
" APM限定 - 日本煙肉馬鈴薯玉子 + 炸雞 "
無錯如果嗰間餐廳是有限定的食物我必定是會試的 ,
今次我配了炸雞餐日式炸雞當然好食啦 !
其實本應我都想要番野菜豆腐套餐 ,
可惜佢已經暫停供應 T-T ( 希望快啲有番啦 ! )
至於個煙肉馬鈴薯玉子都 ok 嘅 ,
不過由於佢用料足所以都幾飽肚架 !
" 明太子玉子 + 吉列豬扒 "
朋友對明太子玉子情有獨中所以諗都唔駛諗就要了這個玉子燒 ,
而且仲配埋吉列豬扒套餐添 !
新張期已過所以無銅鑼燒送喇 !
05/08/2017 朋友同我食生日飯叫我順便自己揀埋餐廳 ,
咁我就去 openrice search 一下 ,
其實熟悉我的朋友都知我並不太愛吃中菜 ,
所以首選多是西餐、意大利菜、德國菜、法國菜或日本菜等 ,
但都已經開始感覺有點悶 ,
因此近呢一 兩年會比較鍾意食西班牙菜 ,
咁啱又俾我係網上找到這間餐廳 ,
亦都好多謝朋友肯去咁遠同我食生日飯 ^^
在網上 search 時已經覺得間餐廳好靚 ,
趁食客不多時就影下餐廳的周圍環境先 ^^
不過還有一個好靚好有特色的 area 影不到 ,
因為已經有一班人在聚餐所以無法進入
餐前麵包
" Sangrias De Cava "
Sangrias 除了平時飲開的紅、白酒之外原來還有其他款式 ,
我今次就試了 "Sangrias De Cava" ,
第一次試西班牙香檳嘅 Sangrias 都 ok 喎 !
他們還有 "Sangrias Rose" 希望下次有機會試啦 ! ^^
" 西班牙甜紅椒粉炸雞翼 "
朋友好雞翼但又唔太食得辣 ,
而這店就偏偏只有這款炸雞翼 ,
咁唯有問店員會唔會好辣 ?
該女店員話唔會好辣所以就 order 了一客 ,
一上枱已經有陣陣的炸雞翼香味 ,
食落口皮脆肉嫩最重要佢又真係唔會好辣 ,
咁我可以叫朋友食兩隻喇 ! ( 因為我要留肚食其他嘢 ! ^^ )
" 松露炸薯條 "
好難得我啲朋友會主動話要食炸嘢 ,
既然你想食炸薯條咁就叫啦 !
薯條炸得不錯但鹽同松露味就偏淡咗啲 !
" 西班牙奄列 "
好耐 ! 好耐 ! 無食過咁香口美味嘅西班牙奄列喇 !
雖然兩個人食都幾飽肚吓 !
不過我真係勁 like 這個奄列 yum ! yum ! ^^
" 西班牙海鮮飯 "
我最期待的西班牙海鮮飯就比較失望喇 !
個飯太濕而且我只食到蕃茄味 ,
海鮮都 ok 嘅但佢唔係我杯茶
" Churros & 72% Madagascar Warm Chocolate Sauce "
西班牙嘅甜品我就最鍾意就係 Churros ,
嘩 ! 估唔到佢哋用咁大塊板來寫生日字 ,
而且塊板仲要雪過架 ! ( 因為他們驚啲字會溶 ^^ )
雖然無爉燭但咁樣都好特別
這店個 Churros 超好吃加埋個朱古力醬就更加正 ,
真係好多謝朋友請我食生日飯 ,
食完呢餐就要諗諗朋友 10月生日嗰餐食乜喇 ! ^^
03/08/2017 食西餐食到有啲悶悶哋 ,
所以近期比較喜歡食西班牙或葡國菜 ,
當日臨放工朋友先打電話問我一唔一齊食晚飯 ,
咁我基本上都無問題嘅 !
但第一時間緊係要揾吓食乜先 ,
見到美麗華有間新開嘅葡國餐廳都好似幾好咁 ,
所以就問朋友去唔去試下喇 !
朋友話 ok 咁咪打去訂位 ,
如果無記錯訂位時餐廳話如果可以 7:30pm 交枱就有位 ,
這個問題我唔咁自己一個決定 ,
當然要問吓朋友啦 !
經商量後大家都會覺得有啲急趕 ,
所以就決定放棄再另找別的餐廳 ,
但又唔知食乜好最終朋友話不如試番呢間啦 !
就係咁就同朋友一齊去食一個急趕的晚餐 ^^
餐前每人奉送一個豬仔包 ,
豬仔包是暖而且內裡是十分之軟孰 ,
我自己就算不塗牛油也會覺得好吃 ,
牛油中間還有好吃的
" 傳統葡式拼盤 "
( 葡國香腸 傳統馬介休球 酥炸魷魚件及香脆炸雞粒 )
得兩個人所以只能試小拼盤 ,
第一次食葡國香腸其實都 ok 嘅不過鹹咗少少 ,
馬介休球不過不失都算好吃 ,
炸魷魚同炸雞我會鍾意食炸魷魚多啲 ^^
" 傳統烤沙甸魚 ( 2件 ) "
我知朋友會吃而我都想試吓嘅 !
一上枱已經嗅到一陣一陣的魚腥味 ,
當時心諗死喇咁腥我點食呢 ?
但一人一條無得走咁唯有硬著頭皮頂硬上啦 !
咦 ! 食落又唔腥而且啲魚肉都唔錯喎 !
" Red Sangria "
不論吃西班牙或葡國菜我多數都會 order " Sangria " 呢款酒
" 霹靂非洲燒雞 "
三款春雞中我哋揀咗呢個非洲燒雞 ,
其實我同朋友都食得辣只是唔太鍾意佢呢隻辣味但雞肉 ok 架 !
最後唯有起皮食啦 ! ( 不過平時我都好少食雞皮嘅 ! ^^ )
佢哋個薯條炸得好好食
" 白酒煮紐西蘭刀背蜆 "
食完第一轉大家都好似覺得差少少 ,
而且時間又未到所以就繼續睇吓有乜好食 ,
但已經唔想食肉左揀右揀終於揀了這個刀背蜆 ,
簡單的烹調大隻而肥美的刀背蜆真的十分之鮮甜好吃 ;
本應想試葡式烤乳豬但可惜一定要預訂先有得食 ,
所以唯有下次先試啦 ! >.<
----------------------------------------------------------------------------------------------------------
15/09/2017 同屋企人食生日飯專登帶他們來試一試葡國菜
五大隻美味的豬仔包
" 葡式小食拼盤 "
( 葡國臘腸, 炸馬介休球, 炸魷魚, 蒜香雞 芝士多士
及酥炸四季豆 )
今次人多可以叫個大拼盤喇 ! ( 只不過多兩款食物啫 ! )
但原來炸四季豆都幾好食喎 !
當晚的炸魷魚就最受屋企人歡迎 ^^
" 香蒜燒春雞 "
今次試另外一款春雞屋企人話試香蒜味 ,
呢個味道都唔錯喎 !
" Red Sangria "
" 葡式烤乳豬 "
今次終於預訂咗半隻烤乳豬喇 !
這餐廳的葡式烤乳豬味道很不錯值得一試 ,
還有鋪在乳豬底的炒飯也很好吃 yum ! yum !
" 白酒煮紐西蘭刀背蜆 "
好吃的一定要推介比人試 ,
但原來屋企有兩位小妹妺不太鍾意這個白酒的味道 ,
咁當晚唯有我同細佬兩個清咗呢碟刀背蜆 ,
今次的份量好似多過上次我都唔知食咗幾多隻 ,
總知就係好滿足啦 ! ( 原先諗住只可食到一隻咋 ! ^^ )
" 酥炸魷魚 "
既然大家都咁鍾意食炸魷魚就另外單叫一個小食啦 !
呢款真是一個好邪惡嘅小食 ^^
" 砵酒燴牛尾 "
曾經喺 openrice 見到幅圖好似幾好味 ,
雖然我唔多食牛但都想叫俾屋企人一試 ,
當日實在食得太飽所以只食咗一嚿紅蘿蔔 ,
但屋企人話這個燴牛尾都幾好吃 ,
若然你都是好牛的人亦不防一試 ^^
10/08/2017 每年的這一天我都會放自己一天假 ,
今年也是如事當天剛好約了朋友睇韓國電影 " 軍艦島 " ,
左揀右揀之下就只有黃埔戲院的時間比較啱我哋 ,
現在有地鐵可到其實都好方便咁就一於去黃埔睇啦 !
睇完戲之後朋友問我去唔去逛下 " 九號水產 " ?
都好喎 ! 既然都過開黃埔就去逛一逛 ,
逛完一輪超市後出來就路經此店 ,
看似是蠔吧的餐廳門口有一位女店員正在介紹生蠔的優惠 ,
於是我同朋友都停下了腳步聽一聽是什麼優惠 ,
原來只要在酒窩購買一枝酒 ,
就可以以 $10.00 優惠價享用生蠔而每人最多三隻 ,
但只在每日下午三時正開始並且限量供應 ,
我們當日路過剛好是下午五點幾 ,
都有一段時間沒有吃過 $10.00 優惠的生蠔了 ,
而且見朋友又想試咁就入去試一試啦 !
入到去當然首先要去酒窩買酒先 ,
來到賣酒的那一邊先知原來這餐廳是馬德鍾先生開的 ,
揀酒時會有一位品酒師的店員在旁耐心地逐一介紹 ,
我哋諗住每人各買了一枝酒怎料朋友竟然話請埋我飲 ,
真係多謝晒 ! ^^
" de Ladoncette Pouilly Fume (half-bottle 375ml) 2014 "
由於是吃生蠔所以當然會揀白酒啦 !
店員都介紹了好幾枝酒俾我哋揀 ,
其實我同朋友雖然鍾意飲但對酒就無乜認識 ,
只是有時偶爾聽下對酒比較熟識的朋友講說一下 ;
當日由於朋友話有少少唔舒服所以佢諗住唔會即場飲 ,
她選擇買了酒享用了生蠔優惠然後將酒帶回家 ,
而我當然想配埋生蠔一齊享用 ,
恐防我一個人飲唔晒所以就揀了這枝 375ml
" Kumeu Village Hand-Harvested Chardonnay 2016 "
店員推介話這枝酒是他們老闆比較喜歡飲的 ,
朋友最終就買了這枝酒回家 ( 唔知好唔好飲呢 ? )
" Aphrodisiaque "
" Roland Lambert "
" Fleur Des Eaux, Cap Horn "
等吃前無聊的影吓面前啲生蠔先 ,
不過以上的幾款生蠔當日都無試過
由檸檬位開始 : " Korean Gold , Ostra Regal , Harty "
這三款蠔就是 $10.00 優惠價的生蠔了 ,
坐在吧枱可望住對面的廚師為我哋開蠔
當品酒師遞杯酒給我時已經酒香撲鼻 ,
跟住就試飲咗一嗒我覺得都幾好飲架 ! ( 啱我口味啩 ! ^^ )
白酒配生蠔真是絕配 ,
這三款蠔我都是第一次食的海水味都幾重 ,
而且對於我來說質感也不錯 yum ! yum !
我哋每人食完 3 隻蠔都好似還未夠喉 ,
所以再睇下有乜蠔款先 ,
其實蠔款嘅選擇都唔少大家又睇下邊一款啱你口味 ? ^^
第二 round 生蠔又嚟喇 !
由檸檬位開始 : " Korean Gold , Majestic "
再來一 round 今次試了廚師介紹的 Majestic ,
但朋友對 Korean Gold 卻情有獨鐘所以 order 了一隻 ,
另外兩隻就是 Majestic ( 點解我唔揀多一款生蠔試呢 ? ^^ )
當日人流並不多而廚師又好健談 ,
所以我哋都同廚師傾談了一個開心的 Happy Hour ;
這間蠔吧除了有酒有生蠔其實還有午餐同晚餐供應的 ,
希望下次有機會可以試下佢哋嘅晚餐啦 !
當日咁啱遇著老闆巡舖當然要請老闆一齊影番張相 ,
我唔知朋友願唔願意出鏡所以俾個哈哈笑面具佢啦 ! ^^
