14/06 好多謝朋友邀請一齊去澳門一日遊 ,
計吓計吓都好耐無外遊喇 !
而且我哋 3 個喺香港飲飲食食就多 ,
但可以一齊去旅行都是第一次
可惜最後朋友 L 因腰痛而無法一齊同行 ,
所以今次的行程由 3 人行而變成 2 人行 ,
希望朋友快啲好番我哋再約過一齊去玩啦 !
於是就剩番兩個好耐無去過澳門兼唔多熟路嘅我哋 ,
過到澳門第一件事就是要在碼頭買張電話數據咭先 ,
$50.00一張咭仲可以兩個人任用都真係幾 "抵" ;
由於出發比較晏所以過到澳門整得其他嘢都已經十二點幾 ,
但我哋還是未吃早餐呀！
因為朋友驚會暈船浪而引起嘔吐 ,
所以諗住過到澳門先食嘢 !
好彩之前已經搵定了一些飲食同購物的資料
見到都有唔少人推介呢間葡國餐廳 ,
咁今次就決定試一試這間 "波爾圖葡國餐廳" 啦 !
Haha...........我哋對住個出菜位
" 脆炸馬介休球 "
" 麵包焗葡國雞 "
" 葡式炭燒豬頸肉 "
豬頸肉醮了醋一起吃感覺無咁膩 ,
其實我哋都好想試 "葡式乳豬釀飯 " 架 !
但得兩個人應該食唔晒 ,
又或者食完碟乳豬飯就乜都唔駛食 >.<
這店的食物水準一般啦 !
真心的又未至於好食到必定要試的那個程度
食飽就行去官也街買啲手信先，
第一站就去了 "晃記餅家 ”，
好耐之前來這裡是不用排隊的但現在就排餐死 T-T
鬼叫我鍾意食佢嘅 “肉切酥” 無法啦 ! ^.^
原來 “莫義記” 也左官也街，
既然一場來到無理由唔試榴槤雪糕架！
其實 $68.00一杯仲貴過我食 Haagen·Dazs >.<
不過真的很好吃每一嗒都好似食緊榴槤咁，
完全都唔覺得似食緊雪糕 ,
喜歡吃榴槤的朋友必定要來試試 ^^
好耐之前來澳門氹仔時在唔打唔撞下曾經買過這款手信 ,
之後對它亦一直念念不忘可惜唔記得食物名同店舖名 ,
所以無得叫人買直到某次同朋友 L 閒談講起 ,
終於有人知我講乜喇 ! 🤗
原來間店舖叫 “日興堂工房” 今次去仲好似多咗好多款囗味，
但我最鍾意嘅 “咖哩肉鬆米粿” 就竟然缺貨 T-T
好 ! 買完手信又是飲杯茶食個包嘅時間 ,
上網揾資料時見到某些飲食媒體都有推介 "世記咖啡" ,
既然見到緊係要來一試啦 !
他們聞名的瓦煲咖啡就是用這個類似煲藥的煲來整的
我當然要試番枝啦 !
而另一名物就是 "厚蛋鹹牛肉三文治 "
即叫即整三文治是熱辣辣的 ,
厚方包 + 厚蛋 + 鹹牛肉就是一個 "正" 字 ,
厚蛋的中央還有少少蛋汁十分之嫩滑 ,
唔多吃牛的我到現在都好掛住呢份三文治 ^^
我哋見到佢都有 " 豬排包 " 當然要試埋佢啦 !
一樣是新鮮辣整出來店員還窩心的叫我 : 小心熱
朋友 M 話仲好食過 "大利來記" 嘅豬排包 ,
我未食過 "大利來記" 所以無得比較 ,
但這個包也不錯很好吃
今次過來的另一個主要目的就是到 "Snaffle's Macau "
輕乳酪蛋糕店買芝士蛋糕 ,
這店的 Catchcakes 在北海道更有第 1 芝士蛋糕的美譽
店舖雖小但都整得好靚好優雅 ,
最估不到的是連這類蛋糕也有得試食 ,
我試了輕乳酪味 , 咖啡味同朱古力味 ,
但店員告知朱古力味只是蛋糕而非芝士蛋糕 ,
原來他們的蛋糕是要雪蔵的而且食用日期只限 4 日 ,
所以我都不能多買但最後都買了 4 小盒 ^^
他們要買夠 $600.00 先有冰袋送 ,
店員話有冰可保持 4 小時如加埋冰袋就可保持 7 小時 ,
最終我哋連佢嘅生朱古力都買埋咁先夠 $600.00 ,
生朱古力我哋都試食咗唔錯架 !
今次過澳門的買手信任務已經完全完成晒 ! ^^
完成任務但朋友又不能在搭船之前再食嘢 !
而最近官也街的酒店就是威尼斯人 ,
所以便諗住入去酒店逛下店舖涼下冷氣 ^^
其實今次是我第一次去威尼斯人感覺都幾靚 ,
但朋友話已經同以前有少少唔同咗 ( 商業味重咗囉 ! ^^ )
回程的時間剛好是黃昏
臨落船前影番一張相先
今次的行程雖然比較短但都玩得好開心 ^^
