14/03/2017 當晚同朋友睇完戲已經是九點幾 ,
由於當晚我好想食韓燒所以就在附近找了一間燒肉店 ,
雖然說近但去到餐廳都差不多十點 ,
一入到去坐在收銀處的男店員表示已經 last oreder (我估佢係老闆 )
原本諗住走人不過臨走前朋友多問一句 : 還可以入座嗎 ?
該店員表示可以跟住他叫另一店員立即幫我哋開位 ,
一坐下就是同朋友兩個埋頭地忙着點餐
點餐時間十分鍾都唔知有無但我哋已經叫到一枱都係食物
" 花甲 & 海虎蝦 "
由於時間關係我都未來得切拍照朋友已經開始燒烤喇 !
" 生菜及韓國面豉醬 & 前菜 "
原來這店的生菜同面豉醬都是要 order 的 ,
好彩有 order 啫佢嘅面鼓醬好好吃 ^^
時間實在太急趕搞到我都無乜食前菜添 !
" 蛋伴生牛肉 "
牛肉我已經少食更何況是生牛肉所以這份是朋友點的 ,
雖然個賣相差整得唔係咁靚但朋友都話 ok 幾好食
" 牛骨紹菜豆醬湯 "
這個豆醬湯都幾好飲喎 !
" 雞肉腸 & 冬菇 "
" 牛利 "
這個牛利當然係朋友點啦 ! ( 都幾大片 )
" 韓式炒年糕 "
炒年糕都唔錯幾好食
" 五花腩 "
五花腩靚就靚只是略嫌薄片咗少少
" 鮮魷 "
鮮魷夠厚身絕對是我杯茶
" 鹽燒鯖魚 "
" 牛肉 , 豬頸肉 , 牛仔骨 "
朋友叫咗咁多牛我都幫手食少少啦 !
估唔到佢嘅豬頸肉好食過五花腩 ,
可能因為豬頸肉夠厚身啩 !
原來我比較鍾意呢種網燒多啲 ^^
" 泡菜炒豬肉 "
泡菜炒豬肉真的是絕配好難會唔好食 ^^
" 蛋包蝦 "
可能已經去到水尾所以感覺麻麻 ,
但如果以價錢計這個放題的食物都算是中規中矩啦 !
用不足一小時來韓燒都是第一次 , ( 鬼叫自己想食咩 ! )
要多謝朋友 L 在我拍照時不停咁燒烤 , ( 等我可以坐享其成 )
而且更加要多謝你肯陪我一齊癲 ^^
19/02/2017 之前見朋友 posted 這店的蛋治 ,
對於蛋痴的我真的十分之吸引 ,
可能朋友知我想試所以趁星期天就約我去吃這店
原本朋友是想吃完早餐先入來吃蛋治 ,
可惜吃早餐的地方實在太多人等位喇 !
最後同朋友都諗住直接來這店吃早餐和午餐 ,
當行近店舖時就發現他還未開門 ,
我哋即時的反應 "佢唔係今日唔開呀 ?"
但又見佢門口擺放了兩箱貨 ,
於是朋友就詢問附近的店舖睇下佢會唔會開舖 ,
答案 : 是會開的
咁我哋唯有繼續等啦 !
幸好等了一會老闆仔就返來開舖喇 ! Yeah ! ^^
趁老闆仔開緊檔拍下照先 ,
原來蛋治有一份同半份之分 ,
咁如果一個人都可以同一時食兩個不同的味道 ,
啱晒心多多的人又幾好喎 ! ^^
當日試咗 "樽仔奶茶 "
我驚要原味會好甜所以我要咗少甜 ,
但如果下次再有機會來我會試下原味 ,
因為這個少甜對於我來說又好似淡咗少少 ,
從網上得知這店的樽仔奶茶同咖啡都是由老闆自己沖製的
" 巴馬火腿蛋治 "
早餐連午餐一齊吃所以我哋一次過 order 了四份 ,
而且每份都是不同口味的 ,
一片的炒滑蛋覆蓋了整份三文治 ,
原來這樣的一份三文治就已經用上了至少三隻雞蛋 ;
好吃真的是好吃雖然有點邪惡 ^^
" 皮蛋肉鬆蛋治 "
呢份三文治個人覺得好有台式風味 ,
第一次食皮蛋肉鬆蛋治原來都好夾好好味 ,
四款三文治當中我比較喜歡這個 ^^
" 鵝肝蛋治 "
這款有啲似鵝肝多士的變奏版 ,
在滑蛋上劃上酸甜的醋漿感覺無咁膩
" 龍鳳鰻魚蛋治 "
有鰻魚自不然就會變成和風式 ;
由於我不太吃牛肉所以就沒有試 " 龍鳳蛋牛治 " ,
但據聞這店的蛋牛治是老闆特別用鹹牛肉溝日式芝麻醬而成 ,
我諗應該都會幾好食如果喜歡吃牛的朋友亦不防一試 ,
當日我同朋友已經食了一星期的吃蛋額度
店舖除了有邪惡的爆蛋三文治外其實還有其他的食品 ,
朋友眼見好多人在外賣腸粉估計都應該會幾好食 ,
見朋友咁想試就叫一碟啦 !
腸粉嘅質感都算滑但個混醬就似乎差少少
